كەشە قازاقستان پرەزيدەنتى نۇرسۇلتان نازارباەۆ رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەشە قازاقستان پرەزيدەنتى نۇرسۇلتان نازارباەۆ رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى س.لاۆروۆتىڭ قازاقستانعا ساپارىنا ىقىلاس ءبىلدىرىپ, ەلدەرىمىز اراسىنداعى ىنتىماقتاستىقتىڭ جوعارى دەڭگەيىن اتاپ ءوتتى.
– قازاقستان مەن رەسەي جوعارى دەڭگەيدە قارىم-قاتىناس جاساپ كەلەدى. بۇعان ەلدەرىمىزدىڭ سىرتقى ىستەر مينيسترلىكتەرى مەن ەلشىلىكتەرىنىڭ قوسقان ۇلەسى زور. ءبىزدىڭ ەكىجاقتى ىنتىماقتاستىعىمىز وزگە ەلدەر ءۇشىن ۇلگى بولا الادى دەپ ويلايمىن, – دەدى نۇرسۇلتان نازارباەۆ.
سونداي-اق, قازاقستان پرەزيدەنتى رەسەي سىرتقى ىستەر ءمينيسترىن G20 ءسامميتىنىڭ ءساتتى وتۋىمەن قۇتتىقتاپ, وسىناۋ اۋقىمدى ءىس-شارانىڭ ساپالى ۇيىمداستىرىلعانىن اتاپ ءوتتى.
س.لاۆروۆ نۇرسۇلتان نازارباەۆتى قازاقستاننىڭ سىرتقى ىستەر ءمينيسترى ە.ىدىرىسوۆپەن جۇرگىزىلگەن كەلىسسوزدەر, وندا ەكىجاقتى ىنتىماقتاستىقتى ودان ءارى تەرەڭدەتۋ ماسەلەلەرى قارالعانى, سونىڭ ىشىندە مەملەكەتتەر باسشىلارى كەزدەسۋىنە دايىندىق جونىندە ناقتى قادامدار بەلگىلەنگەنى تۋرالى حاباردار ەتتى.
بۇعان قوسا, وڭىرلىك قاۋىپسىزدىكتى قامتاماسىز ەتۋدىڭ اسپەكتىلەرى مەن حالىقارالىق كۇن تارتىبىندەگى ماسەلەلەر تالقىلاندى.
-----------------------------------------
سۋرەتتەردى تۇسىرگەندەر
س.بوندارەنكو, ب.وتارباەۆ.
