بۇعان دەيىن, ياعني 2017 جىلدىڭ قاڭتار ايىنان باستاپ وبلىستىق كلينيكالىق اۋرۋحانانىڭ باس دارىگەرى قىزمەتىن اتقارىپ كەلگەن مارات پاشيموۆ ەڭبەك جولىن 2003 جىلى وڭتۇستىك قازاقستان وبلىسى كارديولوگيالىق ورتالىقتا مەداعا بولىپ باستاعان. مەديتسينا عىلىمدارىنىڭ كانديداتى.2005 – 2015 جىلدارى ارالىعىندا وبلىستىق كلينيكالىق اۋرۋحاناسىندا دارىگەر-انەستەزيولوگ, رەانيماتسيا ءبولىمىنىڭ مەڭگەرۋشىسى, تەلەمەديتسينا مەڭگەرۋشىسى, باس دارىگەردىڭ ۇيىمداستىرۋ-ادىستەمەلىك جانە تج جونىندەگى ورىنباسارى لاۋازىمدارىن اتقارعان.
سونداي-اق 2015 - 2017 جىلدارى №3 شىمكەنت قالالىق ەمحاناسىنىڭ باس دارىگەرى بولىپ قىزمەت ەتكەن 39 جاستاعى بىلىكتى مامان سوڭعى جىلدارى كلينيكالىق اۋرۋحانا جۇمىسىن جاقسى جولعا قويىپ, ىزدەنىمپازدىعىمەن جانە جاڭاشىلدىعىمەن تانىلعان بولاتىن. بەدەلدى باسشى, بىلىكتى دارىگەر, بۇگىنگىدەي جاۋاپتى ساتتە ءوڭىردىڭ دەنساۋلىق سالاسىن باسقارۋ مۇمكىندىگىنە يە بولعان مارات پاشيموۆقا ءوڭىر حالقى ۇلكەن سەنىم ارتىپ وتىر.
ال تۇركىستان وبلىسى قوعامدىق دەنساۋلىق باسقارماسىن وسى كۇنگە دەيىن باسقارىپ كەلگەن مۇقان ەگىزباەۆ, جەكە سەبەپتەرگە بايلانىستى, ءوز ەركىمەن قىزمەتىنەن كەتتى.
