«الەۋمەتتىك-ەكونوميكالىق تۇراقتىلىقتى قامتاماسىز ەتۋ جونىندەگى شارالار تۋرالى» قازاقستان رەسپۋبليكاسى پرەزيدەنتىنىڭ 2020 جىلعى 16 ناۋرىزداعى № 286 جارلىعىنا سايكەس قاۋلى ەتەمىن:
1. قازاقستان رەسپۋبليكاسىنىڭ ۇلتتىق بانكى 2020 جىلعى 31 جەلتوقسانعا دەيىنگى كەزەڭگە:
1) زاڭدى تۇلعالارعا بانكتىك شوتتاردان كۇنتىزبەلىك اي ىشىندە الۋىنا رۇقسات ەتىلەتىن قولما-قول اقشا سوماسىنىڭ شەكتى مولشەرىن;
2) وسى تارماقتىڭ 1) تارماقشاسىندا كوزدەلگەن تالاپ قولدانىلمايتىن زاڭدى تۇلعالاردىڭ ساناتتارىن;
3) قازاقستان رەسپۋبليكاسىنىڭ قارجى مينيسترلىگىمەن جانە قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىمەن بىرلەسىپ, وسى تارماقتىڭ 2) تارماقشاسىنا سايكەس ايقىندالعان زاڭدى تۇلعالاردى قوسپاعاندا, زاڭدى تۇلعالاردىڭ بانكتىك شوتتاردان قولما-قول اقشانى الۋ, ونىڭ ىشىندە وسى تارماقتىڭ 1) تارماقشاسىنا سايكەس بەلگىلەنگەن شەكتى مولشەردەن ارتىق قولما-قول اقشانى الۋدى رەگلامەنتتەيتىن ءتارتىبىن, سونداي-اق قازاقستان رەسپۋبليكاسىنىڭ قارجى مينيسترلىگىنە زاڭدى تۇلعالاردىڭ وسى تارماقتىڭ 1) تارماقشاسىنا سايكەس بەلگىلەنگەن شەكتى مولشەردەن ارتىق
قولما-قول اقشانى الۋى تۋرالى اقپاراتتى ۇسىنۋ ءتارتىبىن ايقىنداسىن.
2. قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى زاڭدى تۇلعالاردىڭ بانكتىك شوتتارىن اشۋدى جانە جۇرگىزۋدى جۇزەگە اسىراتىن قارجى ۇيىمدارى زاڭدى تۇلعالاردىڭ بانكتىك شوتتاردان قولما-قول اقشانى الۋىنىڭ وسى جارلىقتىڭ 1-تارماعىنىڭ 3) تارماقشاسىندا كوزدەلگەن ءتارتىبىن ساقتاۋىن باقىلاۋدى جۇزەگە اسىرسىن.
3. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ق.توقاەۆ
نۇر-سۇلتان, اقوردا, 2020 جىلعى 21 ءساۋىر
№ 308
