وسى جۇكتى مەملەكەت تاراپىنان بەرىلەتىن كەپىلدەندىرىلگەن الەۋمەتتىك كومەك كولەمى ءسال دە بولسا جەڭىلدەتىپ تۇرعانىن ايتۋىمىز كەرەك. بۇل باعىتتا الماتى وبلىسىندا الەۋمەتتىك تۇرعىدا از قامتىل اۋلەتەر مەن كوپبالالى وتباسىلاردى قاجەتتى ازىق-ت ۇلىك پاكەتتەرىمەن قامتۋ ءۇشىن 455 ملن تەڭگە قاراستىرىلىپ, قازىرگە دەيىن 83 مىڭنان استام تۇرعىنعا كومەك كورسەتىلگەن. بۇل كومەك قىسىلتاياڭ شاقتا قالانىڭ دا, اۋىلدىڭ دا مۇقتاج ادامدارىنا كادىمگىدەي قولداۋ بولىپ وتىر. مىسالعا, كەگەن اۋدانى بويىنشا اتاۋلى الەۋمەتتىك كومەك الاتىن وتباسىلارعا جاردەماقىدان بولەك زاتتاي قولداۋ پاكەتى دە بەرىلەدى ەكەن. بۇگىندە 1 – 3 جاس ارالىعىنداعى 31 سابيگە جانە 3-6 جاس ارالاعىنداعى 30 بالاعا كەپىلدەردىرىلگەن الەۋمەتتىك پاكەت تاراتىلىپتى.
ءدال وسىنداي يگى شارا تەكەلى قالاسىندا دا جالعاسىپ جاتىر. قالا اكىمدىگىنىڭ ەسەبى بويىنشا, 281 وتباسىنداعى 309 بالاعا «بالالارعا تارتۋ» الەۋمەتتىك پاكەتى بەرىلىپتى.
- جاقىندا تەكەلى قالاسىنىڭ اكىمدىگىنەن ەرىكتەلەر كەلىپ, ۇيىمىزگە ازىق-ت ۇلىك, باسقا دا تۇتىنۋعا قاجەتتى زاتتار, مەديتسينالىق كەرەك-جاراق جەتكىزىپ بەردى. شىن قۋاندىق. ەلەپ,ەسكەرىپ قول ۇشىن بەرگەن ازاماتتارعا العىسىمىز شەكىسز. وتباسىمىزدا 5 بالا ءوسىرىپ وتىرمىز. ءوزىم اتاۋلى الەۋمەتتىك كومەك الامىن. قوسىمشا كاسىبىمىزدىڭ توقتاۋىنا بايلانىستى كىرىس كوزى دە قىسقارعان ەدى. مەملەكەت تاعى دا قيىندىقتا قالدىماي, ارنايى تاعايىنداعان 42 500 تەڭگە وتەماقى بەردى. بارىنەن اكىمدىك بەرگەن «بالالارعا تارتۋ» دەگەن الەۋمەتتىك پاكەت وتباسىنداعى كىشكەنتايلار ءۇشىن لايىقتى سىي بولدى. مۇنى ۇيىمداستىرعان دەمەۋشىلەرگە, كوپبالالى انالارعا بارلىق جاعىنان كومەك بەرىپ, قارجىلاي دا, ازىق-ت ۇلىك تۇرىمەن دە قولداپ وتىرعان مەملەكەت تىزگىنىن ۇستاعان جاندارعا انالىق العىسىمدى ارنايمىن. قيىن كۇندەر ارتتا قالىپ, ەلىمىز بەرەكەلى دە بەيبىت ومىرگە قادام باسسىن, - دەيدى بىزبەن قۋانىشىن بولىسكەن تەكەلىلىك كوپ بالالى انا اسەل ەردەنبەكوۆا.
الماتى وبلىسى
