«وزدەرىڭىز بىلەسىزدەر, ەلىمىزدە جاريالانعان توتەنشە جاعدايعا بايلانىستى مەشىتتە جاماعاتپەن وقىلاتىن نامازدارعا ۋاقىتشا شەكتەۋ قويدىق. ءار ازاماتتىڭ ءومىرى مەن دەنساۋلىعى قىمبات قۇندىلىق بولعاندىقتان, جۇقپالى ىندەتتىڭ الدىن الۋ ءۇشىن وسىنداي شەشىم قابىلداۋعا ءماجبۇر بولدىق. ارينە, بۇل – ۋاقىتشا سىناق. الايدا جاماعات نامازى ءۇشىن مەشىت ەسىگى جابىلعانىمەن, ساۋاپ پەن ىزگىلىك ەسىكتەرى ەشقاشان جابىلمايدى. قاسيەتتى حاديس-شاريفتە ايتىلعانداي, مۇسىلماننىڭ نيەتى امالىنان قايىرلى. ونلاين رەجيمدە ناسيحات تىڭداپ, ۇيدەن شىقپاي ساۋاپتى امالدارعا ورتاقتاسۋعا بولادى»,- دەدى باس ءمۇفتي.
قمدب قاسيەتتى رامازاندا جاماعاتتىڭ يگىلىگى ءۇشىن مىنانداي جوبالاردى ىسكە اسىرۋدى جوسپارلاپ وتىر.
«قازاقستان مۇسىلماندارى ءدىني باسقارماسىنىڭ www.muftyat.kz سايتىنان «رامازان ەنتسيكلوپەدياسى» قوسىمشا پاراقشاسى قوسىلىپ وتىر. «حيكمەت تۆ» ستۋدياسى ارقىلى 30 كۇن ورازا بويى بىلىكتى يمامدارىمىز بەن ۇستازدارىمىزدىڭ «وتىز كۇنگە – وتىز ۋاعىز» اتتى ونلاين جوبا دارىستەرى جۇرگىزىلەدى. «حيكمەت تۆ» ستۋدياسى ارقىلى رامازان ايىندا كۇن سايىن رەسپۋبليكالىق «ازىرەت سۇلتان» مەشىتىنىڭ قابىرعاسىندا كۇنىنە ءبىر ساعات ارنايى ونلاين-حاتىم وقىلىپ, قاسيەتتى قادىر تۇنىندە قۇران حاتىم دۇعاسى جاسالادى. سونداي-اق, muslim.kz يستاگرام پاراقشاسى ارقىلى يمامدارمەن ءبىر تولقىندا دۇعا جاساۋعا نيەتتەلگەن جاماعاتتىڭ يگىلىگى ءۇشىن رامازان ايىنىڭ ءبىرىنشى كۇنىنەن باستاپ, كۇندەلىكتى ءار 15 مينۋت سايىن رەسپۋبليكالىق «ازىرەت سۇلتان» مەشىتىنىڭ قابىرعاسىندا «باتامەن ەل كوگەرەر» اتتى ونلاين رەجيمدە دۇعا جاساپ, باتاعا قاتىسۋ ءراسىمى ۇيىمداستىرىلاتىن بولادى»,- دەدى باس ءمۇفتي.
سونداي-اق توتەنشە جاعداي كەزىندە ءپىتىر ساداقاسى مەن زەكەتتى ونلاين بەرۋدىڭ وڭتايلى جولى قاراستىرىلعانىن اتاپ ءوتتى.
