ونىڭ ايتۋىنشا, تاراپتار ترانسشەكارالىق سۋ نىساندارى جونىندەگى ىنتىماقتاستىق مəسەلەسىن تالقىلاعان.
«ورال وزەنىن ساۋىقتىرۋ جونىندە ساراپشىلىق ورگان قۇرۋ تۋرالى شەشىم قابىلداۋدىڭ ءسəتى ءتۇستى. بۇل رەتتە عالىمدار وزەننىڭ ەكوجۇيەسىن ساۋىقتىرۋ جəنە سۋ ارناسىن بولجامداۋ جونىندەگى ەكى مəسەلە بويىنشا جۇمىس ىستەيدى. ورگاننىڭ قۇرامىن 20 سəۋىرگە دەيىن انىقتاۋ كەلىسىلدى», دەپ جازدى م.مىرزاعاليەۆ.
سونداي-اق جايىق جəنە ەرتىس وزەندەرىن ەكو-ساۋىقتىرۋ باعدارلاماسىن, جايىق وزەنىنىڭ گيدرولوگيالىق رەجىمىن تەكسەرۋ مəسەلەسىن تالقىلاۋدىڭ ءسəتى تۇسكەن.
«بۇل جۇمىستار پرەزيدەنت تاپسىرماسى بويىنشا جۇرگىزىلۋدە. اتقارىلاتىن ىستەردى قازاقستاندىق-رەسەيلىك سالالىق كوميسسيا شەڭبەرىندە جانداندىرۋ كەلىسىلدى», دەپ اتاپ ءوتتى ەلىمىزدىڭ ەكولوگيا ءمينيسترى.
بۇل ۋاعدالاستىقتار ەكى ەلدىڭ سۋ شارۋاشىلىعىنداعى ىنتىماقتاستىعىن جانداندىرىپ, ترانسشەكارالىق سۋ نىساندارىنىڭ ەكو-احۋالىن جاقسارتۋعا ارنالعان. بۇدان باسقا, تاراپتار قازاقستان مەن رەسەي 17-ايماقارالىق ىنتىماقتاستىق فورۋمىنىڭ شەڭبەرىندە قول قويۋ جوسپارلانىپ وتىرعان ەكىجاقتى قۇجاتتاردىڭ جوباسىن تالقىلاپ, ولاردى كەلىسۋ پروتسەسىن جەدەلدەتۋگە ۋاعدالاستى.
