وسىنداي رەيد بارىسىندا ءتارتىپ ساقشىلارى قالا كوشەلەرىنىڭ قيىلىسىندا «مەرسەدەس-بەنتس» اۆتوكولىگىن توقتاتادى. قۇجاتتاردى تالاپ ەتۋ كەزىندە جۇرگىزۋشى تارتىپكە باعىنباي, الدىندا تۇرعان ەكى پوليتسەيدى سوعىپ, كولىكتىڭ ەسىگىنىڭ جانىندا تۇرعان ءۇشىنشى پوليتسەيدى اۆتوكولىگىمەن سۇيرەي ءوتىپ, وقيعا ورنىنان ءىزىن سۋىتقان. ءۇش پوليتسيا قىزمەتكەرى جاراقات الىپ, ولارعا مەديتسينالىق كومەك كورسەتىلدى.
جەدەل-ىزدەستىرۋ ءىس-شاراسى ناتيجەسىندەپوليتسيا قىزمەتكەرلەرى ءىزىن سۋىتپاي, جەتىساي قالاسىنىڭ تۇرعىنىن قۇرىقتادى. مەديتسينالىق كۋالاندىرۋعا سايكەس ءتارتىپ بۇزۋشىنىڭ «ورتاشا دارەجەدە» ماس بولعانى جانە ەسىرتكى قولدانعانى انىقتالدى. اتالعان جايت قازاقستان رەسپۋبليكاسىنىڭ قك-ءنىڭ 379-بابى «بيلىك وكىلىنە باعىنباۋ» جانە 380-بابى «بيلىك وكىلىنە قاتىستى كۇش قولدانۋ» بويىنشا تىركەلدى. كۇدىكتى قاماۋعا الىنىپ, اۆتوكولىگى ايىپتۇراعىنا قويىلدى. قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلۋدە.
