قالالىق قۋىرشاق تەاترىنىڭ ارتىستەرى كوپشىلىك قويىلىمداردى ونلاين تۇردە وتكىزىپ جاتىر. تەاتر قىزمەتكەرلەرىنىڭ جۇمىس ۋاقىتى كۇندىزگى ساعات 14:00-دە باستالىپ, كەشكى ساعات 22:00-دە اياقتالادى.
ء«بىز ساعات ەكىدەن باستاپ ساحنالىق قويىلىمداردى بەينەتاسپاعا ءتۇسىرىپ, ونى Instagram, Facebook جەلىلەرىنە جۇكتەيمىز. 14:30-دا اكتەرلىك شەبەرلىككە ارنالعان ۆيدەو ساباق, 15:00-دە تىكەلەي ەفير ۇيىمداستىرىلادى. تىكەلەي ەفيرگە تەك ءبىزدىڭ ارتىستەر عانا ەمەس, وزگە دە تەاترلارداعى ارىپتەستەرىمىز, سۋرەتشىلەر, بەلگىلى بالالار پسيحولوگتارى شىعادى», - دەيدى نۇر-سۇلتان قالاسى قۋىرشاق تەاترىنىڭ ۇيىمداستىرۋ ءبولىمى مەڭگەرۋشىسى مەيىرىم ارعىمباەۆا.
ونىڭ ايتۋىنشا, YouTube ارناسى ارقىلى قازاق, ورىس تىلدەرىندە بەس قويىلىم تاماشالاۋعا بولادى. 21 ناۋرىز بەن 18 ءساۋىر ارالىعىندا اكتەرلىك شەبەرلىك پەن ساحنالىق قوزعالىس بويىنشا 21 ماستەر-كلاسس وتكەن. 15 اۋديو ەرتەگى جازىلىپ, سۋرەتشى, پسيحولوگ, ارتىستەردىڭ قاتىسۋىمەن 20 تىكەلەي ەفير ۇيىمداستىرىلعان. بەلگىلى بولعانداي, قاشىقتاعى جۇمىس كەزىندە قويىلىمدار مەن ەفيرلەردى 19 350 ادام تاماشالاعان.
ايتا كەتسەك, نۇر-سۇلتان قالالىق قۋىرشاق تەاترى 2010 جىلى اشىلدى. تەاتر ۇجىمى العاشقى كۇندەردەن باستاپ جاس كورەرمەندەردى قىزىقتى قويىلىمدارىمەن قۋانتىپ كەلەدى. ونىڭ رەپەرتۋارىندا جاس ۇرپاقتى وتانسۇيگىشتىككە, ادامگەرشىلىككە تاربيەلەپ, ءتىل مەن مادەنيەتتى, ءداستۇرلى قۇندىلىقتاردى قۇرمەتتەۋگە باعىتتالعان 28 قويىلىم بار. تەاتر قۇرىلعاننان بەرى كورەرمەن نازارىنا 28 پرەمەرا ۇسىنىلعان.
