جۇبايىم – ءىىى توپتاعى مۇگەدەك. سوعان قاراماستان ول جەكە اۆتوكولىگىمەن ادام تاسىپ, ازىن-اۋلاق اقشا تابادى. ال ءوزىم قولداعى ەكى سيىردى ساۋىپ, سونىڭ ءسۇتىن, قۇرت-مايىن ساتىپ ناپاقامىزدى ايىرامىز.
تاياۋدا كۇيەۋىم ەكەۋمىزدىڭ ارقايسىمىزعا 42500 تەڭگەدەن الەۋمەتتىك تولەم بەرىلدى. قۇجاتتاردى ەل قاتارلى تاپسىردىق. ءۇش كۇننىڭ ىشىندە اقشامىز قولعا ءتيدى. قۋانىشىمىزدا شەك بولمادى. بىردەن بارىپ, ءبىر ايعا جەتەتىن ازىق-ت ۇلىك, باسقا دا تۇرمىسقا قاجەتتى ۇساق-تۇيەك تاۋار ساتىپ الدىق. مەملەكەت باسشىسىنا, ۇكىمەتىمىزگە العىستان باسقا ايتارىمىز جوق.
ۇيىمىزدە ينتەرنەت جەلىسى جوق. تابىس كوزى ءتاۋىر بولماعان سوڭ, ارنارسەدەن ۇنەمدەيمىز. بىراق بالام «بالاپان» تەلەارناسى ارقىلى قاتارىنان قالماي, قاشىقتان وقىپ جاتىر. بۇل جاعىنان ەشكىمگە رەنىشىم جوق.
جانارگۇل قۋانىش,
سارەپتا اۋىلىنىڭ تۇرعىنى
قاراعاندى وبلىسى,
اباي اۋدانى
