ول 1948 جىلدىڭ 3 قاراشاسىندا قارقارالى اۋدانىنداعى قازىرگى مارتبەك مامىراەۆ اتىنداعى اۋىلدا تۋعان. ەڭبەك جولىن 1966 جىلى تۋعان اۋىلىندا قاراپايىم جۇمىسكەر بولىپ باستادى, قوي باعىپ, شوپاننىڭ كومەكشىسى بولدى. كەيىن مەحانيزاتورلار كۋرسىن ءبىتىرىپ, «متز», «ت-4» تراكتورلارىن جۇرگىزدى. قازاق قىزدارىنىڭ اراسىندا «ك-700» الىپ تراكتورىن العاشقى بولىپ تىزگىندەگەندەردىڭ ءبىرى.
ەڭبەكتە وزات بولعان ول 1972 جىلى لەنين وردەنىمەن ماراپاتتالدى. بلكجو-نىڭ, قازاقستان لكجو-نىڭ سەزدەرىنە دەلەگات بولىپ قاتىسىپ, بىرنەشە رەت اۋداندىق, وبلىستىق كەڭەستىڭ, ال 1975 جىلى قازكسر جوعارعى كەڭەسىنىڭ دەپۋتاتى بولىپ سايلاندى.
اۋىل شارۋاشىلىعى سالاسىنداعى ۇزاق جىلعى ەڭبەگى 1982 جىلى مەملەكەت تاراپىنان جوعارى باعالانىپ, سوتسياليستىك ەڭبەك ەرى اتاندى. ومىراۋىندا ەكىنشى لەنين وردەنى مەن «وراق پەن بالعا» التىن جۇلدىزى جارقىرادى.
نۇرباقىت قابدىكارىمقىزىنىڭ قازاسىنا وراي وبلىس اكىمى جەڭىس قاسىمبەك مارقۇمنىڭ وتباسىنا, تۋعان-تۋىستارىنا كوڭىل ايتتى.
