سونداي-اق ءشامشى قالداياقوۆتىڭ تۋعانىنا 90 جىل تولۋىنا وراي جاريالانعان «تولقىسىن شارتاراپ» رەسپۋبليكالىق ونەر بايقاۋىنا ەلىمىزدىڭ 14 پەن 29 جاسقا دەيىنگى كومپوزيتور, اقىن, انشىلەر توپ قۇرۋ ارقىلى قاتىسا الادى. ءۇزدىك ورىندالعان 15 ۆيدەو ىرىكتەلىپ, تامىز ايىندا كومپوزيتوردىڭ مەرەيتوي كەشىنە قاتىسۋعا جولداما الادى.
بۇدان بولەك قازاقستاننىڭ ەڭبەك سىڭىرگەن قايراتكەرى, «الاش» حالىقارالىق سىيلىعىنىڭ لاۋرەاتى, جازۋشى مارحابات بايعۇتتىڭ 75 جىلدىق مەرەيتويىنا قارسى «مارحابات شىڭى» رەسپۋبليكالىق جاس قالامگەرلەردىڭ شىعارماشىلىق بايقاۋى جاريالاندى. اتالمىش بايقاۋ 25 مامىردا قورىتىندىلانادى. ال ايتىس ونەرىنىڭ اقتاڭگەرى اسەلحان قالىبەكوۆانىڭ 70 جىلدىق مەرەيتويىنا وراي وبلىستىق جاستار اراسىندا وتەتىن «اسەلحان وقۋلارى» كوركەم ءسوز بەينەجازبا بايقاۋىنا ءوتىنىمدەر 20 ساۋىرگە دەيىن قابىلدانادى. قازىلار القاسى «watsapp» جەلىسى ارقىلى جەكە چاتتا اقىلداسۋ كەزەڭىن وتكىزىپ, 22 ءساۋىر كۇنى ساعات 16:00-دە otyrar_jastary پاراقشاسىندا تىكەلەي ەفيردە جەڭىمپازداردى انىقتايدى.
ارينە بارلىق بايقاۋلار ونلاين رەجيمدە وتكىزىلەدى. بۇل ورايدا تاجىريبە دە جوق ەمەس. جۋىردا «ناۋرىز, ناۋرىز – كۇن يگى» كوركەمسوز وقۋ بەينە-بايقاۋى ءوتىپ, تۇركىستان وبلىسى مەن شىمكەنت قالاسىنان 70-كە جۋىق ۇمىتكەر قاتىسقان بولاتىن. قاتىسۋشىلار شىعارمالارىن الەۋمەتتىك جەلىگە جۇكتەپ, اقتىق مارەگە جولداما العان. جاستار جارىسى جيناعان ءلۇپىل سانىمەن قورىتىندىلاندى. ناتيجەسىندە ءبايدىبەك اۋدانى مەن تۇركىستان قالاسىنىڭ جاستارى توپ جاردى. جۇلدەلى ورىنداردى سارىاعاش, تولەبي اۋداندارىنىڭ جاستارى يەلەندى. جەڭىمپازدارعا وبلىستىق «جاستار رەسۋرستىق ورتالىعىنىڭ» باسشىسى امالبەك ءومىرتاي ونلاين قۇتتىقتاپ,كادەسىيلار جولدادى.
