ساپا مەن قوناقتارعا قولايلى ءارى جايلى جاعداي جاساۋدى, تۇركىستاننىڭ تاريحي-مادەني ورتالىعىن قايتا جاڭعىرتۋ بويىنشا اتقارىلىپ جاتقان جۇمىستاردىڭ بارىسىن پىسىقتاعان وبلىس اكىمى ومىرزاق شوكەەۆ تە تالاپ ەتىپ وتىر. كەسەنە اۋماعىندا كوشپەندىلەر سالتى مەن داستۇرىنەن ەرەكشە سىر تارتاتىن, ورتاعاسىرلىق تۇرمىستان ايرىقشا كورىنىس بەرەتىن ەتنواۋىل سالىنادى. سونداي-اق وبلىس اكىمى اۋماققا الدا تۇراقتى كيىز ءۇي تۇرعىزۋدى تاپسىردى.
حالىقارالىق تاجىريبەنىڭ وزىق ۇلگىلەرى نازارعا الىنا وتىرىپ, «ازىرەت سۇلتان» كەشەنىنىڭ مۇمكىندىكتەرى كەڭەيتىلۋدە. وسىلايشا ۇلى جىبەك جولى ءداۋىرى تۇسىنداعى كەلبەتى قالپىنا كەلتىرىلەدى. كەسەنەدەن 700 مەتر قاشىقتىقتا تۇرعان تۇركىستان ەلدى مەكەنىنىڭ ەڭ ەجەلگى قالاشىعى - كۇلتوبە اشىق اسپان استىنداعى مۋزەيگە اينالادى. ماۆزولەيدىڭ مەموريالدى جانە ساياباق ايماعىندا ابىلاي حان, جولبارىس حان, قاسىم حان, جانىبەك باتىر, قازىبەك بي سىندى ۇلى تۇلعالار جەرلەنگەن جەرلەر قورشالىپ, بيىكتەتىلگەن. كەسەنە مەن جەتى اتا قاقپاسى اراسىنداعى تاريحي كولدىڭ ويىستارى قايتا قالپىنا كەلتىرىلىپ, تاريحي مەشىتكە اپاراتىن جول, قۇدىق جانە ءياساۋيدىڭ سوڭعى 20 جىل ءومىرىن وتكىزگەن قىلۋەتكە اپاراتىن ورتاعاسىرلىق راباتتار مەن ورتالىق كوشەلەرى قايتا جاسالۋدا.
وبلىس اكىمى قاسيەتتى كەسەنەنىڭ ايماعىندا ەڭبەك ەتىپ جاتقان جۇمىسشىلاردىڭ توتەنشە جاعداي تالاپتارىن قاتاڭ ساقتاۋىنا, قۇرىلىستىڭ ساپاسىنا قاتىستى جاۋاپتىلارعا ءتيىستى نۇسقاۋلار بەردى.
تۇركىستان وبلىسى
