«ەمير» ساۋدا بەلگىسىمەن ءسۇت ونىمدەرىن وڭدەۋ ءىسىن جاقسى جولعا قويعان سەرىكتەستىك ديرەكتورى الماگۇل ايقان قيىن ساتتە مۇقتاج جاندارعا قول ۇشىن سوزۋ ازاماتتىق بورىشىم دەپ سانايدى. بۇگىنگى تاڭدا «AYKAN» كومپانياسى تەك وبلىس ەمەس ەلىمىز بويىنشا ءسۇت ونىمدەرىن وڭدەيتىن ءىرى كاسىپورىنعا اينالعان. كۇنىنە 100 توننا ءسۇتتى وڭدەي الاتىن كومپانيانىڭ باستى ەرەكشەلىگى – ونىمدەردىڭ ساقتالۋ مەرزىمىن ۇزارتۋ ءۇشىن تۇراقتاندىرعىشتاردى قولدانبايدى. بارلىق ءونىم تابيعي تۇرىندە ساتىلادى. ال شيكىزات كوزى بولىپ تابىلاتىن ءسۇت سايرام جانە تولە بي اۋداندارىنان ساتىپ اكەلىنەدى. سەرىكتەستىك «قاراپايىم زاتتار ەكونوميكاسى» باعدارلاماسى اياسىندا قۇرعاق ءسۇت پەن سارىسۋ وندىرەتىن جوبانى جۇزەگە اسىرۋدى جوسپارلاۋدا.
اكتسيا اياسىنداعى قايىرىمدىلىق شارالارىندا جەتىساي اۋدانىنىڭ كاسىپكەرلەرى دە بەلسەندىلىك تانىتۋدا. مىسالى, قازىبەك بي اۋىلدىق وكرۋگىنە قاراستى ءا. وسپانوۆ اۋىلىنىڭ تۋماسى كارانتين مەزگىلىندە قيىندىققا تاپ بولعان جەرلەستەرىنە 200 قاپ ۇن تاراتىپ بەردى. جالپى جەتىساي اۋدانىندا قازىرگى تاڭعا دەيىن دەمەۋشىلەر ەسەبىنەن از قامتىلعان وتباسىلارعا 10 ميلليوننان استام قارجىنىڭ كومەگى كورسەتىلگەن.
