اۋداندا الما باۋىنىڭ اۋماعى جىلدان جىلعا ۇلعايىپ كەلەدى. مەملەكەتىك باعدارلاماعا سايكەس 2001-2019 جىلدار ارالىعىندا وتىرعىزىلعان الما باۋ كولەمى 2578 گەكتارعا جەتكىزىلگەن بولاتىن. ال الدىڭعى جىلى اۋدان كولەمىندە رەكوردتىق ءونىم – 25 مىڭ 150 توننا الما جينالعان. بىلتىر اۋا رايىنىڭ قولايسىزدىعىنا بايلانىستى بۇل كورسەتكىش 20 000 توننا بولدى.
سونداي-اق الما ءونىمىن قىستا ساقتاۋ ماقساتىندا اۋداندا 6 قويما جۇمىس ىستەۋدە. جالپى قويمالاردىڭ سيىمدىلىعى 8900 توننا. بيىل اۋداندا جالپى جەمىس-جيدەكتىڭ كولەمى 3335 گەكتار بولىپ وتىر.
