پرەمەر-مينيستر اسقار ءماميننىڭ توراعالىعىمەن پرەزيدەنت جانىنداعى توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيانىڭ كەزەكتى وتىرىسى ءوتتى.
ەلىمىزدەگى سانيتارلىق-ەپيدەميالىق جاعداي تۋرالى دەنساۋلىق ساقتاۋ ءمينيسترى ە.ءبىرتانوۆ, نۇر-سۇلتان مەن الماتى قالالارىندا بيزنەس سۋبەكتىلەرى قىزمەتىنىڭ جەكەلەگەن تۇرلەرىن قايتا باستاۋ ماسەلەسى تۋرالى پرەمەر-ءمينيستردىڭ ورىنباسارى ە.توعجانوۆ, سونداي-اق اكىمدەر ا.كولگىنوۆ پەن ب.ساعىنتاەۆ باياندادى.
پرەزيدەنت قاسىم-جومارت توقاەۆتىڭ تاپسىرماسىن جۇزەگە اسىرۋ اياسىندا مەملەكەتتىك كوميسسيا بيىلعى 20 ساۋىردەن باستاپ قاتاڭ سانيتارلىق-ەپيدەميالىق شارالاردى ساقتاي وتىرىپ, نۇر-سۇلتان جانە الماتى قالالارىندا جۇمىسىن قايتا باستايتىن كاسىپكەرلىك سۋبەكتىلەرى قىزمەت تۇرلەرىنىڭ ءتىزىمىن بەكىتتى.
نۇر-سۇلتان قالاسىندا:
ونەركاسىپتىك كاسىپورىندار;
قۇرىلىس جانە جول-قۇرىلىس سالالارىنىڭ كومپانيالارى, ءىرى قۇرىلىس دۇكەندەرى;
كولىك, قويمالاۋ سالالارىنداعى كومپانيالار, اۋىل شارۋاشىلىعى ماقساتىنداعى سەرۆيستىك كومپانيالار;
اۆتوسالوندار, تقس, اۆتو جۋ, دوڭگەلەك اۋىستىرۋ سەرۆيسى, اۆتوبولشەكتەر دۇكەندەرى, حيميالىق تازالاۋ, كەڭسە تەحنيكاسىن جوندەۋ;
ەكىنشى دەڭگەيلى بانكتەر ساعات 9:00-دەن 16:00-گە دەيىن شتات سانىنىڭ 50%-ىن شەكتەۋمەن, نوتاريۋستەر الدىن الا جازىلۋ بويىنشا جۇمىس ىستەيدى;
قوعامدىق تاماقتانۋ نىساندارىنىڭ جۇمىسى تەك وزىمەن الىپ كەتۋ جانە جەتكىزۋ قىزمەتىمەن ساعات 22:00-گە دەيىن ۇزارتىلادى.
الماتى قالاسىندا:
ونەركاسىپتىك كاسىپورىندار;
قۇرىلىس جانە جول-قۇرىلىس سالالارىنىڭ كومپانيالارى, قۇرىلىس ماتەريالدارىنىڭ ءىرى كوتەرمە بازارلارى;
نوتاريۋستەر الدىن الا جازىلۋ بويىنشا;
تەك بيزنەسكە قىزمەت كورسەتۋ ءۇشىن حقكو ءبىر بولىمشەسى (ناۋرىزباي اۋدانى, شۇعىلا شاعىن اۋدانى, 347/1).
نۇر-سۇلتان جانە الماتى قالالارىنداعى شۇعىل شتاب كاسىپورىندار مەن كاسىپكەرلىك سۋبەكتىلەرىنىڭ ناقتى ءتىزىمىن, ولاردىڭ قىزمەتكەرلەرىنىڭ ناقتى سانىن, جۇمىس ۋاقىتىن جانە جەتكىزىلۋ ءتاسىلىن انىقتايدى.
ۇكىمەت باسشىسى نۇر-سۇلتان جانە الماتى قالالارىنىڭ اكىمدەرىنە ءتيىستى شارالاردى قابىلداپ, جۇمىسى قايتا جانداناتىن نىسانداردا سانيتارلىق-ەپيدەميالىق قاۋىپسىزدىكتىڭ ساقتالۋىنا قاتاڭ باقىلاۋ جاساۋدى قامتاماسىز ەتۋدى تاپسىردى.
وتىرىسقا قاتىسۋشىلار سونىمەن قاتار, كارانتين ەنگىزىلگەن قالالارعا اۋىل شارۋاشىلىعى تاۋارلارىن جەتكىزۋشىلەردىڭ اۆتوماشينالارىن وتكىزۋ, كارانتين كەزىندە كوكتەمگى ەگىس جۇمىستارىن ۇيىمداستىرۋ, اۋىل شارۋاشىلىعى ونىمدەرىن فورۆاردتى ساتىپ الۋدى وتكىزۋ, كارانتين ەنگىزىلگەن قالالاردىڭ تۇرعىندارى ءۇشىن كوممۋنالدىق تولەمدەردى ازايتۋ, ازىق-ت ۇلىك جانە تۇرمىستىق جيىنتىقتاردى ۇسىنۋدى اقشالاندىرۋ جانە ت.ب. ماسەلەلەردى قاراستىردى.
پرەمەر-مينيستر ءتيىستى سانيتارلىق-ەپيدەميالىق نورمالاردى ساقتاۋمەن فەرمەرلەردىڭ ەگىس جۇمىستارىمەن بوگەتسىز اينالىسۋىن قامتاماسىز ەتۋدى, كارانتين ەنگىزىلگەن قالالارعا اۋىل شارۋاشىلىعى تاۋارلارىن جەتكىزۋشىلەردىڭ اۆتوماشينالارىن وتكىزۋدىڭ بىرىڭعاي ءتارتىبىن ەنگىزۋدى جانە جۇكتەردىڭ نەگىزسىز بوگەلۋىن بولدىرماۋدى تاپسىردى.
مەملەكەتتىك كوميسسيا يندۋستريا جانە ينفراقۇرىلىمدىق دامۋ مينيسترلىگى ازىرلەگەن توتەنشە جاعداي كەزەڭىندە كوممۋنالدىق قىزمەتتەردى جەتكىزۋشىلەردىڭ شىعىندارىن وتەۋ ەرەجەسىنىڭ جوباسىن قارادى.
«ۇسىنىلعان تەتىك تۇرعىندار ءۇشىن دە, كوممۋنالدىق كاسىپورىندار ءۇشىن دە ولاردىڭ ۇزدىكسىز جۇمىسىن قامتاماسىز ەتۋ ماقساتىندا مەملەكەتتىك قولداۋدىڭ پارمەندى شاراسىنا اينالۋى ءتيىس», دەدى ۇكىمەت باسشىسى.
جەدەلدىكتى جانە ازاماتتاردىڭ قاۋىپسىزدىگىن قامتاماسىز ەتۋ ماقساتىندا مەملەكەتتىك كوميسسيا ەڭبەك جانە حالىقتى الەۋمەتتىك قورعاۋ مينيسترلىگى ەنگىزگەن ازىق-ت ۇلىك جانە تۇرمىستىق جيىنتىقتاردى جەكە تۇلعالاردىڭ شوتىنا اقشالاي قاراجاتتى اۋدارۋ ارقىلى بەرۋ تۋرالى ۇسىنىستى ماقۇلدادى.
«وڭىرلەردىڭ اكىمدىكتەرى ۇسىنىلعان تەتىككە سايكەس كومەكتى الۋشىلارعا اقشالاي قاراجاتتىڭ ۋاقتىلى اۋدارىلۋىن قامتاماسىز ەتۋى كەرەك. كارتا شوتتارى بولماعان جاعدايدا نەمەسە كومەك الۋشىلاردىڭ جاسىنا نە مۇگەدەكتىگىنە بايلانىستى كەلۋگە مۇمكىندىگى بولماسا, سانيتارلىق تالاپتاردى ساقتاي وتىرىپ, ازىق-ت ۇلىك جيىنتىعىن ۇيگە جەتكىزۋدى قامتاماسىز ەتۋ قاجەت», دەدى ا.مامين.
