كەشە كەشكى ساعات 19.00-گە دەيىنگى رەسمي مالىمەتتەرگە قاراعاندا بۇگىنگى تاڭدا ەلىمىزدە قاۋىپتى ىندەتتى جۇقتىرعانداردىڭ 1290 ادامعا جەتتى. قۋانارلىعى, جازىلىپ شىققانداردىڭ دا قاتارى كوبەيىپ, 240 ادامدى قۇرادى. وكىنىشكە قاراي, قايتىس بولعانداردىڭ سانى 16-عا ءوستى.
«جۇقپالى اۋرۋلار ستاتسيونارلارىندا 1034 ادام ەمدەلىپ جاتىر. 21 ناۋقاستىڭ جاعدايى اۋىر, 169-نىڭ دەنساۋلىعى ورتاشا اۋىر دەڭگەيدە, 1 پاتسيەنت قاندى وتتەگىمەن قانىقتىرۋ اپپاراتىنا قوسىلعان. جاعدايى اۋىر پاتسيەنتتەردىڭ ىشىندە: 9 ناۋقاس وكپەنى جاساندى جەلدەتۋ اپپاراتىنا, 6 ناۋقاس وكپەنى ماسكالى جەلدەتۋ اپپاراتىنا قوسىلعان, 7 ناۋقاس وتتەگىنى جالعاۋ ارقىلى وزدىگىنەن تىنىس الىپ جاتىر. جۇرگىزىلگەن ەمدەۋ شارالارىنىڭ ناتيجەسىندە 5 ناۋقاس وكپەنى جاساندى جەلدەتۋ اپپاراتىنان ءوز بەتىمەن تىنىس الۋعا اۋىستىرىلدى جانە جاعدايى جاقسارعان 18 پاتسيەنت رەانيماتسيادان بەيىندى بولىمدەرگە اۋىستىرىلدى», دەدى ول.
دەنساۋلىق ساقتاۋ ۆيتسە-ءمينيسترى ل.اقتاەۆانىڭ سوزىنشە 370 مەديتسينا قىزمەتكەرىندە كوروناۆيرۋس انىقتالعان.
الماتى قالاسىندا 177 قىزمەتكەر, نۇر-سۇلتاندا – 92, سولتۇستىك قازاقستاندا – 15, اتىراۋدا – 17. جالپى ناۋقاستانعانداردىڭ ىشىندە 29 پايىزى دارىگەرلەر, 48 پايىزى ورتا مەديتسينالىق قىزمەتكەرلەر, 23 پايىزى كىشى مەديتسينالىق قىزمەتكەرلەر. ناۋقاستانعان مەديتسينا قىزمەتكەرلەرىنىڭ ىشىندە رەانيماتسيالىق بولىمشەلەردە جاتقاندارى جوق», دەدى ۆيتسە-مينيستر.
