راسىن ايتۋ كەرەك, جاھاندىق ىندەت – كوروناۆيرۋس جان-جاقتان انتالاعاندا, كوپ ەتنوستى حالقىمىز ءار دارا تۇلعانىڭ پىكىرىنە دە, كوڭىلدى دەمدەيتىن سوزىنە دە ءزارۋ بولىپ تۇرادى.
ەلباسىنىڭ «بىرلەسە بىلگەن ەل ءبارىن جەڭەدى» اتتى ۇندەۋىن ءتورت باعداردا جىكتەپ قاراۋعا بولادى.
ءبىرىنشى باعدار – جاھاندىق سىن-قاتەر اياسىنداعى قازاقستاننىڭ ىزدەنىسىنە, بىرلىگىنە باعا.
ەكىنشى باعدار – سوڭعى وتىز جىلعى وركەندى تاجىريبەنىڭ ءمان-ماڭىزىن سارالاۋ.
ءۇشىنشى باعدار – الەمدىك ىندەتتىڭ ەل اۋماعىندا تارالۋىن مەيلىنشە ازايتۋعا بايلانىستى كەشەندى ءىس-شارالاردى ناقتىلاۋ.
ءتورتىنشى باعدار – «ماڭگىلىك ەل» يدەياسى جولىندا ەل رۋحىن شىڭدايتىن, بىرلىك پەن بەرەكەنى ورنىقتىراتىن قۇندىلىقتارعا ادالدىق.
تۇڭعىش پرەزيدەنتتىڭ: ء«بىز اۋىرتپاشىلىقتى وسىنداي سىن ساعاتتا سەپتىگىن تيگىزەتىن حالقىمىزدىڭ توزىمدىلىگى, ەرىك-جىگەرى جانە وزىنە دەگەن زور سەنىمى ارقاسىندا مىندەتتى تۇردە جەڭىپ شىعامىز. ول ءۇشىن بىزگە قاجەتتى نارسە – قارجى-قاراجات, ماتەريالدىق رەسۋرس, تەحنيكا, ازىق-ت ۇلىك – ءبارى بار. الاڭدايتىن, ابىرجيتىن ەش نەگىز جوق» دەگەن اق تىلەۋلى سەنىمدى ءسوزى حالىقتى ودان سايىن جىگەرلەندىرە تۇسسە, «مەن حالىقتى ءارتۇرلى سونداي ازعىرىندى, ارزان اڭگىمەلەرگە ەرۋدەن ساق بولۋعا شاقىرامىن. شىنىمەن كوپتىڭ قامىن كوزدەيتىن ادام ايعايشىل كۇشىمەن ەمەس, يگىلىكتى ىسىمەن قىزمەت ەتكەنى دۇرىس. عايبات پەن بايبالام ورنىنا عىلىم-بىلىممەن شۇعىلدانعان ابزال» دەگەن ساليقالى بايلامى جۇرتشىلىقتىڭ الاڭ كوڭىلىن ورنىقتىرۋعا دەمەۋ بولادى.
ۇندەۋدە تۇڭعىش پرەزيدەنت ەلدەگى الەۋمەتتىك-ەكونوميكالىق احۋالدى ءجىتى پايىمداي وتىرىپ, اسا ماڭىزدى كەڭەسىن دە ورتاعا سالادى: «ەندى ۇكىمەت پەن جەرگىلىكتى اتقارۋ ورگاندارى سونى ۇنەمدى تۇردە, رەت-رەتىمەن ورىنداۋعا كىرىسۋى كەرەك. ءار مينيستر, ءاربىر وبلىس, قالا جانە اۋدان باسشىلارى جۇيەمەن, تارتىپپەن, ۇيلەسىممەن, ناقتى جوسپارمەن, نىق سەنىممەن ارەكەت ەتىپ, ۋاقىتشا قيىندىقتان شىعۋعا بارلىق كۇش-قۋاتتى جۇمىلدىرۋى قاجەت. Nur Otan پارتياسىنىڭ مۇشەلەرى دە وسى ءبىر ساۋاپتى ءىستىڭ الدىڭعى قاتارىنان تابىلۋعا ءتيىس».
ءدال قازىر سەنىم – اسا زور كۇش, سونىمەن بىرگە مەملەكەت قۇندىلىقتارىنىڭ باستاۋى. ەلباسى حالىققا ارناعان ۇندەۋىندە بۇل دىلگىر ماسەلەنى دە ايرىقشا زەردەلەگەن. «ادامنىڭ وزىنە دەگەن سەنىمى – ۇلكەن كۇش, دەيدى نۇرسۇلتان ءابىش ۇلى. – بۇل بويىمىزعا – قاجىر, دەنەمىزگە – قۋات, جۇرەگىمىزگە سەنىم ۇيالاتادى. ءبىز قازىر كومەككە اسا مۇقتاج قاريالاردى, ارداگەرلەرىمىزدى, كوپبالالى انالاردى, ءال-اۋقاتى تومەندەردى, جۇمىسقا جارامسىز جانداردى ەرەكشە قامقورلىققا الۋىمىز كەرەك. حالقىمىزدىڭ بويىنداعى ۇرپاقتان-ۇرپاققا ۇزىلمەي جەتكەن ەڭ ىزگى قاسيەتتەر ءبىزدى وسىعان ۇندەيدى».
ۇندەۋ-ماقالاداعى تولە بي, ايتەكە بي, ا.قۇنانباي ۇلى, ب.مومىش ۇلى سىندى ەل دانالارىنان, ماحاتما گاندي سەكىلدى الەم تۇلعاسىنان الىنعان دايەكتەردىڭ دە ءار ءسوزى, ءار ۇعىمى جۇرەكتەن – جۇرەككە, تىلەكتەن – تىلەككە جەتكەندەي. مۇندايدا حالقىمىز ء«سوز جاقسىسى – داتكە قۋات» دەيدى.
تۇتاستاي العاندا, ەلباسىنىڭ «بىرلەسە بىلگەن ەل ءبارىن جەڭەدى» اتتى زامانا ءسوزىن – ءدال بۇگىن ءارى اقىل, ءارى ناقىل دەپ سانايمىز.
اسا جاۋاپتى كەزەڭدە حالىقتى بەرەكە-بىرلىككە شاقىرا وتىرىپ, سىن-قاتەردەن امان ءوتۋدىڭ جولىن نۇسقاعان ەلباسىنىڭ جۇيەلى پىكىرىن, ۇستانىمىن – اداستىرماس ەلدىك تۇجىرىمداما دەۋگە تولىق نەگىز بار.
ەرلان سىدىقوۆ,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, اكادەميك
