ياعني, مونيتورينگ ناتيجەسىندە مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرى تاراپىنان جوسپارلانعان مەملەكەتتىك ساتىپ الۋدا نەگىزسىز باعانى ءوسىرۋ فاكتىلەرى انىقتالعان. بىرقاتار ءتيىستى مەكەمەلەرگە جوسپارلانعان سومانى مەدياندىق باعاعا كەلتىرىپ, قايتا جوسپارلاۋ بويىنشا حات جولدانعان. ماسەلەن, دەپارتامەنت مالىمەتىنشە, كەنتاۋ قالاسىنىڭ ءبىلىم ءبولىمى ا4 ءپىشىمدى الفاۆيتتىك كىتاپتى 517 670 500 تەڭگە كولەمىندە ساتىپ الۋدى جوسپارلاعان. وسى ۋاقىتقا دەيىن اتالعان كىتاپتىڭ مەدياندىق باعاسى 1 650 تەڭگە مولشەرىندە بولعان, ياعني ساتىپ الۋ دۇرىس جوسپارلانباعان نەمەسە مالىمەتتەر دۇرىس تولتىرىلماعان.
وسى ورايدا, دەپارتامەنت تاراپىنان بيۋدجەت قاراجاتىن ۇنەمدەپ, ءتيىمدى جۇمساۋ ماقساتىندا كىتاپتىڭ باعاسىن مەدياندىق باعاعا سايكەستەندىرىپ, ساتىپ الۋعا جوسپارلاعان سومانى قايتا قاراستىرۋ ۇسىنىلعان.
ناتيجەسىندە 104 965 714 تەڭگە بيۋدجەت قاراجاتى ۇنەمدەلدى. وسىنداي ءجايت بايدىبەك اۋدانىندا دا انىقتالعان. اۋداندىق ءبىلىم ءبولىمى كىتاپ ساتىپ الۋعا جالپى سومماسى 188 078 000 تەڭگە جوسپارلاعان. اتالعان مەكەمەگە كىتاپتىڭ باعاسىن مەدياندىق باعاعا ساي تۇزەپ, ساتىپ الۋعا جوسپارلاعان سومانى قايتا قاراستىرۋ ۇسىنىلدى. ناتيجەسىندە 88 001 456 تەڭگە ۇنەمدەلىپ وتىر.
دەپارتامەنت الداعى ۋاقىتتا دا بيۋدجەت قاراجاتىنىڭ ءتيىمسىز جۇمسالۋىنا جول بەرمەۋ ماقساتىندا مونيتورينگ جۇمىستارىن جۇيەلى تۇردە جۇرگىزبەك.
تۇركىستان وبلىسى
