2013 جىلعى 29 مامىر, استانا, ۇكىمەت ءۇيى
«اكتسيالاردىڭ مەملەكەتتىك پاكەتتەرىنە ديۆيدەندتەر مەن ۇيىمدارداعى قاتىسۋدىڭ مەملەكەتتىك ۇلەستەرىنە كىرىستەر تۋرالى» قازاقستان رەسپۋبليكاسى ۇكىمەتىنىڭ 2007 جىلعى 26 شىلدەدەگى № 633 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «اكتسيالاردىڭ مەملەكەتتىك پاكەتتەرىنە ديۆيدەندتەر مەن ۇيىمدارداعى قاتىسۋدىڭ مەملەكەتتىك ۇلەستەرىنە كىرىستەر تۋرالى» قازاقستان رەسپۋبليكاسى ۇكىمەتىنىڭ 2007 جىلعى 26 شىلدەدەگى № 633 قاۋلىسىنا مىناداي وزگەرىستەر مەن تولىقتىرۋلار ەنگىزىلسىن:
1-تارماقتا:
4) تارماقشا مىناداي رەداكتسيادا جازىلسىن:
«4) ءبىلىم بەرۋ قىزمەتىن جۇزەگە اسىراتىن, اكتسيالارىنىڭ ءجۇز پايىزى مەملەكەت مەنشىگىندەگى «ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتى» اكتسيونەرلىك قوعامى 2010 - 2012 جىلداردىڭ قورىتىندىلارى بويىنشا اكتسيالاردىڭ مەملەكەتتىك پاكەتىنە ديۆيدەندتەر تولەۋدەن بوساتىلادى;»;
مىناداي مازمۇنداعى 4-1) تارماقشامەن تولىقتىرىلسىن:
«4-1) اگروونەركاسىپتىك كەشەن سالاسىندا عىلىمي-زەرتتەۋ مەن تاجىريبەلىك-كونسترۋكتورلىق جۇمىستاردى جۇرگىزۋدى جۇزەگە اسىراتىن, اكتسيالارىنىڭ ءجۇز پايىزى مەملەكەت مەنشىگىندەگى «قازاگرويننوۆاتسيا» اكتسيونەرلىك قوعامى 2010 - 2011 جىلداردىڭ قورىتىندىلارى بويىنشا اكتسيالاردىڭ مەملەكەتتىك پاكەتىنە ديۆيدەندتەر تولەۋدەن بوساتىلادى دەپ بەلگىلەنسىن.»;
2-1-تارماق مىناداي رەداكتسيادا جازىلسىن:
«2-1. قازاقستان رەسپۋبليكاسى ءبىلىم جانە عىلىم مينيسترلىگى زاڭنامادا بەلگىلەنگەن تارتىپپەن «ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتى» اكتسيونەرلىك قوعامىنىڭ ماتەريالدىق-تەحنيكالىق بازاسىن دامىتۋعا الىنعان تازا تابىستى ءتيىمدى پايدالانۋعا قاجەتتى شارالاردى قابىلداۋدى قامتاماسىز ەتسىن.»:
مىناداي مازمۇنداعى 2-3-تارماقپەن تولىقتىرىلسىن:
«2-3. قازاقستان رەسپۋبليكاسى اۋىل شارۋاشىلىعى مينيسترلىگى زاڭنامادا بەلگىلەنگەن تارتىپپەن اكتسيالاردىڭ مەملەكەتتىك پاكەتىنە ديۆيدەندتەردى تولەگەننەن كەيىن «قازاگرويننوۆاتسيا» اكتسيونەرلىك قوعامىنىڭ يەلىگىندە قالاتىن ەسەپتى جىلدىڭ قورىتىندىلارى بويىنشا الىنعان تازا كىرىستىڭ ءبىر بولىگىن ونىڭ ماتەريالدىق-تەحنيكالىق بازاسىن دامىتۋعا ءتيىمدى پايدالانۋعا قاجەتتى شارالاردى قابىلداۋدى قامتاماسىز ەتسىن.»;
3-تارماقتا «3-1» دەگەن سان الىنىپ تاستالسىن;
كورسەتىلگەن قاۋلىعا 3-1-قوسىمشا الىنىپ تاستالسىن.
2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
