2013 جىلعى 22 مامىر, استانا, ۇكىمەت ءۇيى
«قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ 2011 – 2015 جىلدارعا ارنالعان ستراتەگيالىق جوسپارى تۋرالى» قازاقستان رەسپۋبليكاسى ۇكىمەتىنىڭ 2011 جىلعى 11 اقپانداعى № 129 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ 2011 – 2015 جىلدارعا ارنالعان ستراتەگيالىق جوسپارى تۋرالى» قازاقستان رەسپۋبليكاسى ۇكىمەتىنىڭ 2011 جىلعى 11 اقپانداعى № 129 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 20, 240-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ 2011 – 2015 جىلدارعا ارنالعان ستراتەگيالىق جوسپارىندا:
«اعىمداعى جاعدايدى جانە دامۋ ۇردىستەرىن تالداۋ» دەگەن 2-بولىمدە:
«قازاقستان رەسپۋبليكاسىنىڭ كولىك ينفراقۇرىلىمىن دامىتۋ» دەگەن 1-ستراتەگيالىق باعىتتا:
«1. دامۋدىڭ نەگىزگى پارامەترلەرى» دەگەن كىشى بولىمدە:
«سۋ كولىگى» دەگەن كىشى بولىمدە:
سەگىزىنشى بولىكتەگى «ىشكى كەمە قاتىناسى جولدارىنىڭ ۇزىندىعى 2011 جىلدىڭ سوڭىندا 4094 كم قۇرادى» دەگەن سويلەم الىنىپ تاستالسىن;
«قازاقستان رەسپۋبليكاسىنىڭ ترانزيت-كولىك الەۋەتىن دامىتۋ» دەگەن 2-ستراتەگيالىق باعىتتا:
«1. دامۋدىڭ نەگىزگى پارامەترلەرى» دەگەن كىشى بولىمدە:
بەسىنشى بولىك مىناداي رەداكتسيادا جازىلسىن:
«قازىرگى ۋاقىتتا ەۋروپا مەن ازيا اراسىنداعى تاۋار اينالىمىنىڭ كولەمى شامامەن 700 ملرد. اقش دوللارىن قۇرايدى, كەيبىر بولجامدار بويىنشا 2015 جىلعا قاراي اتالعان كورسەتكىش 1 ترلن. اقش دوللارىنا, ال قازاقستان بويىنشا ترانزيتىنەن تۇسەتىن تابىس 2015 جىلعا قاراي شامامەن 1,5 ملرد. اقش دوللارىنا جەتەدى دەپ بولجانۋدا (2007 جىلى – 500 ملن. اقش دوللارى). جالپى العاندا وڭتۇستىك-شىعىس جانە شىعىس ازيا – ەۋروپا باعىتتارىنداعى ترانزيتتىك اعىمدار شامامەن 330 – 400 ملرد. اقش دوللارىنا باعالانۋدا, بۇل رەتتە وسى اعىمداردىڭ 20 %-ى قازاقستان اۋماعى ارقىلى ءوتۋى مۇمكىن.»;
ون التىنشى بولىكتەگى «2010 جىلى ەۋروپالىق وداق جانە قىتاي حالىق رەسپۋبليكاسى اراسىنداعى سىرتقى ساۋدا كولەمى 526 ميللياردتان استام اقش دوللارىن قۇرادى. بۇل كورسەتكىشتىڭ 2020 جىلعا دەيىن 781 ميلليارد اقش دوللارى دەڭگەيىنە دەيىن ارتۋى كۇتىلۋدە.» دەگەن سويلەم الىنىپ تاستالسىن;
«مەملەكەتتىك قىزمەتتەردى ۇسىنۋ, تەحنيكالىق سۇيەمەلدەۋ ۇدەرىستەرىن جەتىلدىرۋ جانە مەملەكەتتىك ورگانداردىڭ اقپاراتتىق جۇيەلەرىن ىقپالداستىرۋ, ونىڭ ىشىندە كەدەن وداعىنىڭ اقپاراتتىق ينفراقۇرىلىمىن دامىتۋ ءۇشىن جاعدايلار جانە تەتىكتەر جاساۋ» دەگەن 4-ستراتەگيالىق باعىتتا:
«1. دامۋدىڭ نەگىزگى پارامەترلەرى» دەگەن كىشى ءبولىم مىناداي رەداكتسيادا جازىلسىن:
«بۇگىنگى كۇنى اقپاراتتىق تەحنولوگيالار اقپاراتتىق قوعامدى قالىپتاستىرۋعا ارنالعان ماڭىزدى قۇرال بولىپ تابىلادى, ال مەملەكەت پەن حالىق قاتىناستارىنداعى «جولسەرىك» «ەلەكتروندىق ۇكىمەت» بولىپ وتىر.
وسىعان بايلانىستى مەملەكەتتىك ورگانداردا ات-نى قولدانۋ ءبىرىنشى كەزەكتە حالىققا جانە بيزنەسكە ەلەكتروندىق نىساندا مەملەكەتتىك قىزمەت كورسەتۋگە, مەملەكەتتىك ورگانداردىڭ اشىقتىعىن جانە ەسەپتىلىگىن ارتتىرۋعا باعىتتالۋى ءتيىس.
قازىرگى ۋاقىتتا حالىققا جانە ۇيىمدارعا مەملەكەتتىك ەلەكتروندىق قىزمەتتەر ۇسىنۋدىڭ جاي-كۇيى مىناداي دەرەكتەرمەن سيپاتتالادى:
1) ورتالىق جانە جەرگىلىكتى اتقارۋشى ورگاندار ينتەرنەت-رەسۋرستار ارقىلى حالىققا جانە بيزنەسكە ينتەراكتيۆتى قىزمەتتەر كورسەتەدى (باسشىلار بلوگى, ەلەكروندىق مەملەكەتتىك ساتىپ الۋ, ينتەراكتيۆتىك ساۋال جانە ت.ب.) جانە ترانزاكتسيالىق قىزمەتتەر كورسەتۋگە اۋىسۋدى جۇزەگە اسىرادى;
2) «ەلەكتروندىق ۇكىمەت» ينفراقۇرىلىمى قۇرىلدى, ونىڭ شەڭبەرىندە ونەركاسىپتىك پايدالانۋعا 20 اT-دەن استام جوبا ەنگىزىلگەن;
3) الەۋمەتتىك ماڭىزى بار مەملەكەتتىك قىزمەتتەردى, 92 ليتسەنزيانى جانە 80 رۇقسات بەرۋ قۇجاتىن وڭتايلاندىرۋ جانە اۆتوماتتاندىرۋ جونىندەگى ءىس-شارالار جوسپارلارى ازىرلەنىپ بەكىتىلگەن;
4) «ەلەكتروندىق ۇكىمەت» ساۋلەتىن قۇرۋ جانە ەتالوندىق ۇلگىلەردى ازىرلەۋ بويىنشا جۇمىستار جۇرگىزىلۋدە. قازىرگى ۋاقىتتا قىزمەتتىڭ 15 باعىتى بويىنشا ەتالوندىق ۇلگىلەردى تولتىرۋ جۇرگىزىلدى ء(بىلىم بەرۋ, دەنساۋلىق ساقتاۋ, كولىك جانە كوممۋنيكاتسيا, بايلانىس جانە پوشتا قىزمەتتەرى, حالىقارالىق قاتىناستار, مادەنيەت, قورشاعان ورتانى قورعاۋ, تۇرعىن ءۇي-كوممۋنالدىق شارۋاشىلىعى, تابيعي رەسۋرستار, ازاماتتىق, كوشى-قون جانە كوشىپ كەلۋ, ادىلەت, اۋىل شارۋاشىلىعى, ونەركاسىپ, حالىقتى الەۋمەتتىك قامسىزداندىرۋ, جۇمىسقا ورنالاستىرۋ جانە حالىقتىڭ جۇمىسپەن قامتىلۋى).
5) «ە-ليتسەنزيالاۋ» (بۇدان ءارى – «ە-ليتسەنزيالاۋ» مدق) اقپاراتتىق جۇيەسىن ەنگىزۋ بويىنشا جۇمىستار جۇرگىزىلدى. 2012 جىلى اتالعان جۇيە بارلىق مەملەكەتتىك ورگانداردا – ليتسەنزيارلاردا ەنگىزىلدى. 2012 جىلدىڭ قورىتىن
دىسى بويىنشا «ە-ليتسەنزيالاۋ» مدق ارقىلى قالىپتاستىرىلعان ليتسەنزيالار سانى 19 740 ەلەكتروندىق ليتسەنزيانى قۇرادى.
قازىرگى كۇننىڭ وزىندە مۇددەلى مەملەكەتتىك ورگانداردىڭ تولىعىمەن «اقپاراتتىق قوعام» ءۇشىن «ەلەكتروندىق ۇكىمەتتى» قالىپتاستىرۋعا باعىتتالعان بىرلەسكەن جۇمىسى ناتيجەسى بويىنشا («قازاقستان رەسپۋبليكاسىنىڭ كەيبىر زاڭنامالىق اكتىلەرىنە رۇقسات بەرۋ قۇجاتتارىن قىسقارتۋ جانە مەملەكەتتىك ورگانداردىڭ باقىلاۋ مەن قاداعالاۋ فۋنكتسيالارىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2012 جىلعى 10 شىلدەدەگى قازاقستان رەسپۋبليكاسىنىڭ زاڭىنا سايكەس) «ەلەكتروندىق ۇكىمەت» ينفراقۇرىلىمىمەن ەلەكتروندىق تۇردە 317 استام ينتەراكتيۆتى جانە ترانزاكتسيالىق قىزمەتتەر, ونىڭ ىشىندە 156 استام ەلەكتروندىق قىزمەت, 81 ەلەكتروندىق ليتسەنزيا جانە 80 رۇقسات بەرۋ قۇجاتتارى ۇسىنىلادى. «ەلەكتروندىق ۇكىمەت» پورتالىنىڭ قىزمەتتەر سانىنا 90 استام ەلەكتروندىق قىزمەتتەر, 21 قوسىمشا سەرۆيستەر, مەملەكەتتىك 20 الىم تۇرلەرى, مەملەكەتتىك باجدىڭ 17 تۇرلەرى, سالىق تولەمدەرىنىڭ 4 ءتۇرى, سونداي-اق جول ءجۇرۋ ەرەجەسىن بۇزعانى ءۇشىن ايىپپۇلدار جانە كوممۋنالدىق قىزمەتتىڭ 3 ءتۇرىن تولەۋ كىرەدى. بۇدان باسقا, اقپاراتتىق سيپاتتاعى قىزمەتتەر دە قولجەتىمدى.
2012 جىلى قازاقستاننىڭ قالالارى مەن اۋداندارىندا «ەلەكتروندىق ۇكىمەت» جانە «ەلەكتروندىق قىزمەتتەر» تاقىرىبى بويىنشا وقىتۋ سەمينارلارى وتكىزىلدى. 64 475 ادام وقىتىلدى. استانا, الماتى, اقتوبە, شىمكەنت قالالارىنىڭ ساۋدا ورتالىقتارىندا حالىققا كونسۋلتاتسيالىق قولداۋ كورسەتىلدى, ورتاشا العاندا 19 276 ادامعا كونسۋلتاتسيا بەرىلدى;
6) ورتالىق مەملەكەتتىك ورگانداردىڭ قۇجاتتارىن قاعاز تاسىعىشتا قايتالاماي ەلەكتروندىق قۇجات اينالىمىنا كوشىرۋ بويىنشا جۇمىستار جۇرگىزىلۋدە;
7) «ەلەكتروندىق ۇكىمەت» ۆەب-پورتالى ارقىلى ازاماتتاردىڭ مەملەكەتتىك جانە جەرگىلىكتى اتقارۋشى ورگانداردىڭ باسشىلارىنا ەلەكتروندىق ءوتىنىش بەرۋ جۇيەسى قۇرىلدى;
8) ەلەكتروندىق اكىمدىكتەردى دامىتۋ شەڭبەرىندە اكىمدىكتەر كورسەتەتىن مەملەكەتتىك قىزمەتتەردى اۆتوماتتاندىرۋ مۇمكىندىگىمەن «ەلەكتروندىق ۇكىمەتتىڭ» وڭىرلىك ءشليۋزى» جوباسى جۇزەگە اسىرىلعان, ونىڭ ىشىندە 4 قىزمەت «ەلەكتروندىق ۇكىمەت» پورتالىندا كورسەتىلەدى.
بۇگىنگى كۇنگە حالىققا قىزمەت كورسەتۋ ورتالىقتارىنىڭ (بۇدان – حقو) جۇمىسىن جاقسارتۋ ماقساتىندا ۇلكەن جۇمىستار اتقارىلدى.
حقو جۇمىس ىستەۋىن قامتاماسىز ەتۋگە ارنالعان قاجەتتى نورماتيۆتىك بازا قۇرىلدى, حالىققا جانە بيزنەسكە قىزمەت كورسەتۋ جونىندەگى ءراسىم جەڭىلدەتىلدى, سىبايلاس جەمقورلىق دەڭگەيىنىڭ ازايۋ ءۇردىسى بايقالادى.
قازىرگى ۋاقىتتا حقو-دا 113 مەملەكەتتىك قىزمەت كورسەتىلۋدە. بۇگىنگى كۇنى حقو-عا ۇسىنۋ كەزىندە قۇجاتتاردىڭ 19 ءتۇرى الىپ تاستالعان: نەعۇرلىم ءجيى سۇراتىلاتىن, مىسالى, ازاماتتىڭ جەكە كۋالىگىنىڭ كوشىرمەسى, تۋ تۋرالى كۋالىكتىڭ كوشىرمەسى, نەكەگە تۇرۋ تۋرالى كۋالىكتىڭ كوشىرمەسى, نەكەنى بۇزۋ تۋرالى كۋالىكتىڭ كوشىرمەسى, بالا نەكەسىز تۋىلعان جاعدايدا № 4 نىسان بويىنشا انىقتاما, جىلجىمايتىن م ۇلىككە قۇقىق بەلگىلەۋشى قۇجاتتاردىڭ كوشىرمەسى, مۇگەدەكتىك تۋرالى انىقتاما, زەينەتكەر كۋالىگىنىڭ كوشىرمەسى جانە ت.ب.
تۇراقتى نەگىزدە حقو قىزمەتكەرلەرىنىڭ بىلىكتىلىك دەڭگەيىن ارتتىرۋ جونىندەگى ءىس-شارالار جۇرگىزىلۋدە.
حقو قىزمەتكەرلەرىنىڭ بىلىكتىلىگىن ارتتىرۋ شەڭبەرىندە حقو قىزمەتكەرلەرىن اتتەستاتتاۋ جۇرگىزىلدى. بارلىعى 8 700 قىزمەتكەر, ولاردىڭ ىشىندە 5 019-ى اتتەستاتتالدى, 3919 قىزمەتكەر نەمەسە 78% اتتەستاتتاۋدان ءوتتى, وتپەگەندەرى – 1100 قىزمەتكەر.
حقو-نىڭ ۇسىنىلاتىن قىزمەتتەر ساپاسى جانە حالىققا كەرى بايلانىستى قامتاماسىز ەتۋ بولىگىندەگى قىزمەتىن مونيتورينگىلەۋ ماقساتىندا احۋال ورتالىعى (بۇدان ءارى – ورتالىق) قۇرىلدى جانە ويداعىداي جۇمىس ىستەۋدە. 161 حقو-دا ورناتىلعان كامەرالار ارقىلى ورتالىق on-line رەجيمىندە قىزمەتكە بەينە-مونيتورينگ جۇرگىزەدى, ول ءوز كەزەگىندە جۇمىس پروتسەسىندەگى كەمشىلىكتەرگە شۇعىل ارەكەت ەتەدى, سىبايلاس جەمقورلىق كورىنىستەرىن باقىلاۋعا مۇمكىندىك بەرەدى. بۇدان باسقا, ورتالىقتىڭ جۇمىس ىستەۋى ورتالىق جانە جەرگىلىكتى مەملەكەتتىك ورگاندار باسشىلارىنىڭ ازاماتتاردى قابىلداۋىن جۇرگىزەدى, ۆەدومستۆولىق باعىنىستى مەكەمەلەرمەن بەينە-كونفەرەنتسيالار مەن كەڭەستەر وتكىزۋگە, بارلىق وڭىرلەردەگى حقو قىزمەتكەرلەرىن قاشىقتىقتان وقىتۋدى جۇزەگە اسىرۋعا مۇمكىندىك بەرەدى.
احۋال ورتالىعى ارقاسىندا حقو كىناسىنەن 20 مينۋتتان ارتىق كۇتۋ ۋاقىتى 92 % قىسقارتىلدى, حقو كىناسىنەن 20 مينۋتتان ارتىق قۇجاتتاردى رەسىمدەۋ ۋاقىتى 17 % قىسقارتىلدى, «ناشار» باعا 44 % قىسقارتىلدى.
بۇگىنگى كۇنى 252 حقو جاڭعىرتىلعان. ەلىمىز بويىنشا بارلىق حقو-دا قازىردىڭ وزىندە ازاماتتارعا كەدەرگىسىز قىزمەت كورسەتۋ قاعيداتى ەنگىزىلگەن. حقو-نى جاڭعىرتۋ كەزىندە جاڭا بيزنەس-ۇردىستەر, مونيتورينگ جانە مەملەكەتتىك قىزمەتتەردى كورسەتۋ ساپاسىن باعالاۋ ىسكە اسىرىلۋدا, ازاماتتار ءۇشىن قولايلى جاعدايلار جا
