قازاقستان • 13 ءساۋىر، 2020

نۇرسۇلتاندىقتاردىڭ 20%-ى جۇمىسىنا ورالادى

48 رەت كورسەتىلدى

مەملەكەتتىك كوميسسيا شەشىمىمەن 20 ساۋىردەن باستاپ نۇر-سۇلتان جانە الماتى قالالارىنداعى بىرقاتار ەكونوميكا سەكتورلارىنىڭ جۇمىسى قالپىنا كەلتىرىلەدى. ولاردىڭ ناقتى ءتىزىمى 15 ساۋىردە بەلگىلى بولادى. جۇمىسىن جالعاستىرۋى مۇمكىن سەكتورلار تۋرالى اقپارات جانە قوعامدىق دامۋ ءمينيسترى داۋرەن اباەۆ حابارلادى.

«بىرىنشىدەن، اتالعان وزگەرىس نۇر-سۇلتان مەن الماتى قالالارىندا ءبىر ۋاقىتتا ەنگىزىلگەنىمەن ەكى قالادا جۇمىس پروتسەسىندە ايىرماشىلىق بولۋى مۇمكىن. ونىڭ سەبەبى، وسى قالالاردىڭ ەپيدەميالىق جاعدايىنىڭ جانە ەكونوميكاسىنىڭ ايىرماشىلىعىنا بايلانىستى. سوندىقتان بارلىق نيۋانستاردى اكىمدىكتەر تۇرعىندارعا الدىن الا حابارلاپ، ءتۇسىندىرىپ وتىرادى. ەكىنشىدەن، كارانتين تالاپتارىنىڭ وزگەرىسى بىردەن ەمەس، كەزەڭ-كەزەڭمەن جۇزەگە اسىرىلادى. ءار كەزەڭدە دەنساۋلىق ساقتاۋ مينيسترلىگىنىڭ قورىتىندىسى ەسەپكە الىنادى»،- دەدى داۋرەن اباەۆ.

ءمينيستردىڭ ايتۋىنشا، قازىر تەك ءبىرىنشى كەزەڭ تۋرالى ءسوز بولۋدا. بۇل كەزەڭدە اۋرۋ جۇعۋ قاۋپى ەڭ از دەگەن كاسىپورىندار ىسكە قوسىلادى. بۇنداي كاسىپورىنداردا سانيتارلىق نورمالاردى ساقتاۋ بويىنشا ارنايى پروتوكولدار دايىندالادى. ونىڭ ورىندالۋى تۇراقتى تۇردە تەكسەرىلەدى. ەگەر كاسىپورىن تالاپتاردى بۇزسا، قاتاڭ شەكتەۋ شارالارى قولدانىلادى.

«بۇگىن نۇر-سۇلتان قالاسىنىڭ اكىمى 20 ساۋىردەن باستاپ مىنا سەكتورلارداعى كاسىپورىنداردىڭ جۇمىسىن جالعاستىرۋدى ۇسىندى: 1) ونەركاسىپتىك جانە يندۋستريالدىق كاسىپورىندار 2) قۇرىلىس سالاسىنداعى كاسىپورىندار 3) قىستان كەيىن جولدى جوندەيتىن اسفالت، بەتون زاۋىتتارى 4) زەينەتاقى مەن جاردەماقى بەرۋ ءۇشىن ەكىنشى دەڭگەيدەگى بانكتەر 16:00-گە دەيىن قىسقا مەرزىممەن 5) جەكە قوسالقى قىزمەت كورسەتۋ سەكتورىنىڭ كەيبىر ۇيىمدارى. مىسالى، حيميالىق تازالاۋ جانە كىر جۋ ورىندارى، شينومونتاج، ارنايى تەحنيكالاردى جوندەۋ، كولىك جۋ ستانتسيالارى. 6) قوعامدىق تاماقتانۋ ورنىنان تاماق جەتكىزۋ مۇمكىندىگىن كەشكى ساعات 22:00-گە دەيىن ۇزارتۋ ۇسىنىلادى. وسىلايشا بارلىق اتالعان كاسىپورىندار بويىنشا 100 مىڭعا جۋىق ادام جۇمىسىن جالعاستىرادى. بۇل نۇر-سۇلتان قالاسىندا جۇمىس ىستەيتىن حالىقتىڭ 20%-ى»،- دەدى مينيستر.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ۇقساس جاڭالىقتار