اشعاباد ساپارىنىڭ اياسىندا قازاقستان رەسپۋبليكاسى پارلامەنتى سەناتىنىڭ توراعاسى قايرات ءمامي يران يسلام رەسپۋبليكاسى پارلامەنتىنىڭ توراعاسى الي لاريدجانيمەن كەزدەستى. ا.لاريدجاني دا تۇركىمەنستاندا ساپاردا جۇرگەن بولاتىن.
اشعاباد ساپارىنىڭ اياسىندا قازاقستان رەسپۋبليكاسى پارلامەنتى سەناتىنىڭ توراعاسى قايرات ءمامي يران يسلام رەسپۋبليكاسى پارلامەنتىنىڭ توراعاسى الي لاريدجانيمەن كەزدەستى. ا.لاريدجاني دا تۇركىمەنستاندا ساپاردا جۇرگەن بولاتىن.
يران پارلامەنتىنىڭ باسشىسى قازاقستان پرەزيدەنتى نۇرسۇلتان نازارباەۆتىڭ بيىلعى تامىز ايىنداعى تەھرانعا ساپارىنا جانە ونىڭ يران يسلام رەسپۋبليكاسىنىڭ پرەزيدەنتى حاسان ءروۋحانيدىڭ يناۋگۋراتسياسىنا قاتىسۋىنا جوعارى ءمان بەردى. يران قازاقستانمەن ءوزارا ءتيىمدى ارىپتەستىك تۇرعىسىندا ىنتىماقتاستىقتى جالعاستىرۋعا نيەتتى. قازىرگى كەزدە تاراپتار «سولتۇستىك – وڭتۇستىك» تەمىر جول ءدالىزىن (قازاقستان – تۇركىمەنستان – يران) جەدەل ىسكە قوسۋعا ەرەكشە نازار اۋدارىپ وتىر.
كەزدەسۋدە, سونداي-اق, باسقا دا جاھاندىق جانە ايماقتىق قاۋىپسىزدىكتىڭ وزەكتى ماسەلەلەرى, اتاپ ايتقاندا, سيريا مەن اۋعانستانداعى جاعدايلار تالقىلاندى. جۇزدەسۋشىلەر, سونىمەن قاتار, يراننىڭ يادرولىق باعدارلاماسى جونىندەگى كوپجاقتى كەلىسسوزدەردىڭ كەلەشەگى تۋرالى پىكىر الماستى.
انار تولەۋحانقىزى,
«ەگەمەن قازاقستان» – اشعابادتان.
