كەشە وبلىسقا ءبىر كۇندىك جۇمىس ساپارىمەن ەلىمىزدىڭ پرەمەر-ءمينيسترى سەرىك احمەتوۆ كەلدى. ساپار بارىسىندا ۇكىمەت باسشىسى وبلىس ورتالىعىندا جانە ەكىباستۇزدا يندۋستريالىق جوبالار اياسىندا جۇمىس جاساپ جاتقان بىرقاتار ءوندىرىس ورىندارىمەن تانىستى.
كەشە وبلىسقا ءبىر كۇندىك جۇمىس ساپارىمەن ەلىمىزدىڭ پرەمەر-ءمينيسترى سەرىك احمەتوۆ كەلدى. ساپار بارىسىندا ۇكىمەت باسشىسى وبلىس ورتالىعىندا جانە ەكىباستۇزدا يندۋستريالىق جوبالار اياسىندا جۇمىس جاساپ جاتقان بىرقاتار ءوندىرىس ورىندارىمەن تانىستى.
سەرىك احمەتوۆ جۇمىس ساپارىن وبلىس ورتالىعىنداعى «كاۋستيك» اق جانە «نەفتەحيم» اق ءوندىرىس ورنىندارىن ارالاۋدان باستادى. حيميا-تەحنولوگيا سالاسىن وركەندەتۋگە جۇمىس جاساپ جاتقان «كاۋستيك» اق بولسا, ءوندىرىس ورنى قايتا جوندەۋدەن وتكەن سوڭ حلور, كاۋستيكالىق سودا مەن تۇز قىشقىلىن شىعارۋدا. كاسىپورىن كەزىندە باتىس ءسىبىر, ورال جانە ورتالىق ازيانى حيميالىق ونىمدەرمەن قامتاماسىز ەتتى. قورشاعان ورتاعا قاۋىپتى زاۋىت 1994 جىلى جابىلدى. كاۋستيكالىق ۇنتاق پەن حلور الۋ ءۇشىن سىناپ قولدانىلىپ كەلگەن-ءدى. كاسىپورىن اۋماعىندا سىناپ قالدىعى جينالعانى انىقتالىپ, ونى زالالسىزداندىرۋ جۇمىستارىنا مەملەكەت قاراجات ءبولدى. وزگەرىستەر ۋاقىتى ومىرگە جاڭا تەحنولوگيالار اكەلدى. زاۋىت قايتا جاڭعىردى. ۇكىمەت باسشىسى سەرىك احمەتوۆ «كاۋستيك» اق-تا مەمبراندى ءادىس بويىنشا كاۋستيكالىق سودا مەن حلور شىعارىلاتىن نەگىزگى تسەحتى ارالاپ, جۇمىس بارىسىمەن تانىستى. مامانداردىڭ ايتۋلارىنشا, كاۋستيكالىق ۇنتاق جانە حلور وندىرىستەرى جالىنداعان وتسىز, ءتۇتىنسىز مەمبراندى تەحنولوگيا جۇيەسىندە جاسالادى. مەمبراندى ءادىس يتاليالىق «Uhdenora» كومپانياسىنىڭ قۇرال-جابدىقتارى نەگىزىندە قولدانىلادى. زاماناۋي تەحنولوگيا ءونىمنىڭ ساپاسىن ارتتىرىپ, ەنەرگيا ۇنەمدەيدى. جوبانىڭ قۇنى – 16 ملرد. تەڭگە.
وسى ورايدا «كاۋستيك» اق اكتسيونەرلەرى قۇرامىنا «قازاتومونەركاسىپ» ۇاك» اق-تىڭ كىرەتىنىن ايتا كەتۋ قاجەت. بۇل مامىلە ۇستىمىزدەگى جىلعى قىركۇيەكتىڭ سوڭىنا قاراي جۇزەگە اسادى دەپ جوسپارلانىپ وتىر. «قازاتومونەركاسىپ» اق-تىڭ قوسىلۋى «پاۆلودار» ەەا اۋماعىندا «كاۋستيك» اق-تىڭ قۋاتى 90,000 توننا بولاتىن حلورلى-ءسىلتى ءوندىرىسىنىڭ ەكىنشى كەزەگى قۇرىلىسىنىڭ جوباسىن جۇزەگە اسىرۋعا جاعداي جاسايدى. ول وتاندىق ەكونوميكانىڭ كاۋستيكالىق سوداعا دەگەن قاجەتتىلىگىن 100 پايىزعا قامتاماسىز ەتپەك.
وبلىس اكىمى ەرلان ارىن سەرىك احمەتوۆتى وبلىستا جۇرگىزىلىپ جاتقان ۇدەمەلى يندۋستريالىق-يننوۆاتسيالىق دامۋ باعدارلاماسى اياسىنداعى جۇمىستارمەن جانە ەركىن ەكونوميكالىق ايماقتىڭ ينۆەستيتسيالىق جوبالارىنىڭ بارىسىمەن تانىستىردى. وبلىسقا ينۆەستيتسيا تارتۋ مۇمكىندىگى مول. ەكونوميكالىق ايماقتا جۇمىس ورىندارى اشىلادى, ءوندىرىستى ءوڭىردىڭ ەكسپورتتىق الەۋەتى ارتۋدا.
پرەمەر-مينيستر سەرىك احمەتوۆ تانىسقان ەكىنشى ءوندىرىس ورنى «نەفتەحيم» اق دەپ اتالادى. كاسىپورىن جىلىنا 20 مىڭ توننا مەتيل ترەت-بۋتيل ەفيرىن, 30 مىڭ توننا پروپيلەن مەن پوليپروپيلەن وندىرەدى. بيىلعى جىلدىڭ ماۋسىم ايىندا وبلىسقا كەلگەن ساپارىندا ەلباسى نۇرسۇلتان نازارباەۆ پروپيلەننەن جاسالاتىن كلاپاندى جانە ستاندارتتى قاپشىقتار شىعاراتىن پوليمەر ءونىمى تسەحىنىڭ قوسىلۋىنا قاتىسقان بولاتىن.
ال, اۆستريالىق «Starlinger» كومپانياسى جەتكىزگەن قوندىرعى جىلىنا 51,5 ملن. كلاپاندى جانە ستاندارتتى قاپشىقتار, 3 ملن. قۋما مەتر تورلى وراما شىعارۋعا مۇمكىندىك بەرۋدە. سەرىك احمەتوۆ كاسىپورىن جۇمىسىنا جوعارى باعا بەردى. ينۆەستيتسيا كولەمى – 3,3 ملرد. تەڭگە. جاڭا كاسىپورىن ءونىمىنىڭ جارتىسىن ىشكى نارىقتا ساۋدالاماق.
بۇدان كەيىن ۇكىمەت باسشىسىنىڭ ساپارى ەكىباستۇز قالاسىندا جالعاستى. الدىمەن جۇك ۆاگوندارىن شىعارۋمەن اينالىساتىن ەكىباستۇزداعى «قازاقستان ۆاگون جاساۋ كومپانياسى» جشس-ءىن ارالاپ كوردى. يندۋستريالىق-يننوۆاتسيالىق دامۋ باعدارلاماسى اياسىندا 2009-2011 جىلدارى كاسىپورىندا جۇك ۆاگوندارىن شىعارۋ بويىنشا ينۆەستيتسيالىق جوبا جۇزەگە اسىرىلدى. جەتى ايدا 499 جارتىلاي ۆاگون شىعارىلىپتى. كاسىپورىن باسشىلىعى سەرىك احمەتوۆكە وتاندىق ۆاگون جاساۋ سالاسىنداعى ءوندىرىستى تەجەپ تۇرعان وتاندىق قۇيما تاۋار وندىرۋشىلەردىڭ جوقتىعى ەكەنىن ايتتى. ال, الدا ءوندىرىستى ءارتاراپتاندىرۋ اياسىندا مودەلدىك قاتاردى كەڭەيتۋ جوسپارلانىپ وتىر. كەلەشەكتە جىلىنا 2500 ۆاگون شىعارۋ مۇمكىندىگى بار. تسەحتاردىڭ ىشىندەگى قۇراستىرۋ جۇمىستارىنىڭ كوبى اۆتوماتتاندىرىلىپ, كومپيۋتەرلەندىرىلگەن. پرەمەر-مينيستر سەرىك احمەتوۆ بولعان كەلەسى كاسىپورىن – «پرومماشكومپلەكت» جەتى اي ءىشىندە 6,5 ملرد. تەڭگەنىڭ ءونىمىن ءوندىرىپتى. «پرومماشكومپلەكت» جشس «قتج» ۇك» اق پەن رەسپۋبليكانىڭ ونەركاسىپ كاسىپورىندارىن جوعارى جول سالۋ ماتەريالدارىمەن, قوسالقى ءبولشەكتەرمەن جانە تەمىر جول دوڭعالاقتارىمەن قامتاماسىز ەتىپ وتىر. ۇكىمەتتىڭ يمپورتتى الماستىرۋ باعدارلاماسى ورىندالىپ, قازاقستاندىق ءونىم ءتاجىكستان, قىرعىزستان مەن وزبەك
