وقۋشىلار جاڭا مەكتەپتە وقيدى
ەلباسى نۇرسۇلتان نازارباەۆتىڭ تاپسىرماسىمەن جۇزەگە اسىرىلىپ جاتقان «100 مەكتەپ, 100 اۋرۋحانا» باعدارلاماسى نەگىزىندە ەلىمىزدە جاڭا مەكتەپتەر بوي كوتەرىپ, سان مىڭداعان بالا قۋانىشقا كەنەلۋدە. سونىڭ ءبىرى جاڭا وقۋ جىلىندا ەلوردا ىرگەسىندەگى قوياندى ەلدى مەكەنىندە بوي كوتەرگەن جاڭا مەكتەپ عيماراتى دەر ەدىك. مىڭنان استام وقۋشىنى قابىلداپ وتىرعان بۇل جاڭا ءبىلىم وشاعى عيماراتىنىڭ اشىلعانىنا جەرگىلىكتى جۇرتشىلىقتىڭ ريزاشىلىقتارى شەكسىز.
وقۋشىلار جاڭا مەكتەپتە وقيدى
ەلباسى نۇرسۇلتان نازارباەۆتىڭ تاپسىرماسىمەن جۇزەگە اسىرىلىپ جاتقان «100 مەكتەپ, 100 اۋرۋحانا» باعدارلاماسى نەگىزىندە ەلىمىزدە جاڭا مەكتەپتەر بوي كوتەرىپ, سان مىڭداعان بالا قۋانىشقا كەنەلۋدە. سونىڭ ءبىرى جاڭا وقۋ جىلىندا ەلوردا ىرگەسىندەگى قوياندى ەلدى مەكەنىندە بوي كوتەرگەن جاڭا مەكتەپ عيماراتى دەر ەدىك. مىڭنان استام وقۋشىنى قابىلداپ وتىرعان بۇل جاڭا ءبىلىم وشاعى عيماراتىنىڭ اشىلعانىنا جەرگىلىكتى جۇرتشىلىقتىڭ ريزاشىلىقتارى شەكسىز.
– وسىعان دەيىن بالاباقشا عيماراتىندا وقىپ كەلگەن وقۋشىلارىمىزدىڭ قۋانىشىندا شەك جوق. مۇندا بالاسىن جەتەكتەپ كەلىپ جاتقان ءاربىر اتا-انا ەلباسىنا العىستارىن ايتىپ, قۋانىپ جاتىر. سەبەبى, بۇرىنعى 9 جىلدىق مەكتەپتە بار جوعى سەكسەندەي عانا وقۋشى بولعان. ال قالعاندارى تۇگەلدەي استاناعا قاتىناپ وقىپ كەلدى. ەندى مىنە, مەكتەبىمىز كەڭ ءارى بارىمىزگە ورىن جەتەدى. ەڭ ءبىر قۋانارلىعى, بۇگىنگى كۇنى وقۋشىلار سانى ءبىر مىڭ ەكى جۇزگە شىعىپ وتىر. بۇل ەرەكشە جاعداي. مەكتەپ تولىق پايدالانۋعا بەرىلگەندىكتەن, جاڭادان مۇعالىمدەر دە قابىلداپ جاتىرمىز. بۇرىن وزگە جەرلەردەگى مەكتەپتەردە جۇمىس جاساپ جۇرگەن ۇستازداردىڭ دەنى بۇگىندە ءوز اۋىلىمىزدا, ءوز مەكتەبىمىزدە ءدارىس وقيتىن بولادى. «جاس كەلسە ىسكە» دەمەكشى بىزدەگى مۇعالىمدەردىڭ باسىم كوپشىلىگى جاستار. جاستاردان كوپ ءۇمىت كۇتۋگە بولادى, – دەيدى مەكتەپ ديرەكتورى ءجادي شاكەن ۇلى.
ءابدىراحمان قىدىربەك,
«ەگەمەن قازاقستان».
