الاشتىڭ تالانتتى جازۋشىسى, مەملەكەتتىك سىيلىقتىڭ يەگەرى ورالحان بوكەيدىڭ 70 جىلدىق مەرەيتويى كىندىك قانى تامعان كەندى التايدا كەڭىنەن اتالىپ وتۋدە. جاقىندا عانا وسكەمەندەگى ورالحان بوكەي اتىنداعى ورتا مەكتەپ جانىنان ەڭسەلى ەسكەرتكىش بوي كوتەردى. وعان ورالحاننىڭ قالامداس دوستارى, اعا بۋىن وكىلدەرى قاتىسىپ, جازۋشىنى ەسكە الدى.مەرەيتوي الدا جازۋشىنىڭ تۋعان ولكەسىندە كەڭ كولەمدە اتالىپ وتپەك.
الاشتىڭ تالانتتى جازۋشىسى, مەملەكەتتىك سىيلىقتىڭ يەگەرى ورالحان بوكەيدىڭ 70 جىلدىق مەرەيتويى كىندىك قانى تامعان كەندى التايدا كەڭىنەن اتالىپ وتۋدە. جاقىندا عانا وسكەمەندەگى ورالحان بوكەي اتىنداعى ورتا مەكتەپ جانىنان ەڭسەلى ەسكەرتكىش بوي كوتەردى. وعان ورالحاننىڭ قالامداس دوستارى, اعا بۋىن وكىلدەرى قاتىسىپ, جازۋشىنى ەسكە الدى.مەرەيتوي الدا جازۋشىنىڭ تۋعان ولكەسىندە كەڭ كولەمدە اتالىپ وتپەك.
مەرەيتوي شىمىلدىعىن 11 قىركۇيەكتە وبلىس ورتالىعىندا كوركەمسوز وقۋ شەبەرلەرىنىڭ ورالحان ءبوكەي اتىنداعى بايقاۋى اشادى. سول كۇنى استانا مەن الماتىدان كەلەتىن اقىن-جازۋشىلار كاتونقاراعاي اۋدانى بەلقاراعاي اۋىلىنداعى ورالحان بوكەي اتىنداعى مەكتەپتىڭ تىنىس-تىرشىلىگىمەن تانىسادى. ەرتەڭىندە جازۋشىنىڭ كىندىك قانى تامعان شىڭعىستايدا قالامگەردىڭ بالالىق جانە جاستىق شاعىنا ساياحات باعدارلاماسى ۇيىمداستىرىلادى. 12 قىركۇيەكتە جازۋشىنىڭ 70 جىلدىق مەرەيتويىنا ارناپ شىعارىلعان كىتاپتاردىڭ تۇساۋكەسەر ءراسىمى ءوتىپ, كەشكىسىن شىڭعىستايداعى ورتا مەكتەپتە اس بەرىلەدى. سول كۇنى ورەل, اققاينار, التىنبەل ورتا مەكتەپتەرىندە اقىن-جازۋشىلارمەن كەزدەسۋلەر وتەدى.
13 قىركۇيەكتە كاتونقاراعاي اۋىلىندا ورالحان بوكەيدىڭ ەڭسەلى ەسكەرتكىشى اشىلماق. «كوركەم ءسوزدىڭ قۇلاگەرى» اتتى عىلىمي-پراكتيكالىق كونفەرەنتسيا, سەمەي قالاسى دراما تەاترىنىڭ ارتىستەرى كاتونقاراعايداعى اۋىلدىق مادەنيەت ۇيىندە ءوز ونەرلەرىن كوپشىلىك تالقىسىنا ۇسىنباق.
تۇستەن كەيىن ۇلتتىق سپورت ءتۇرلەرى بويىنشا جارىستار يپپودرومدا باستالىپ, «التاي بارىسى» قازاق كۇرەسىندە باس بايگەنى يەلەنگەن بالۋانعا كولىك تاپسىرىلادى.سونداي-اق, 15, 25 شاقىرىمدىق بايگە جەڭىمپازدارى مارەدەن كورىنەدى. ساحنا تورىندە جەرگىلىكتى ونەرپازدار مەن تانىمال انشىلەر ءان مەن جىردان شاشۋ شاشپاق. التايدىڭ كەربۇعىسىنىڭ ارۋاعى مۇزتاۋىنا ورالىپ, جەرلەستەرىمەن قاۋىشپاق.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى.
