بۇگىن, اقش كونگرەسسى وكىلدەرىنىڭ پالاتاسىندا سيريا ۇكىمەتىنە قارسى كۇش قولدانۋدى سانكتسيالايتىن قاراردىڭ جوباسى ۇسىنىلدى. بۇل تۋرالى يتار-تاسس حابارلادى.
جوبانىڭ اۆتورلارى رەتىندە ۆان حوللەن مەن دجەرري كوننوللي ءسوز سويلەدى.
ۇسىنىلعان قۇجات اقش پرەزيدەنتىنە «سيريادا حيميالىق قارۋ قولدانىسىن بولدىرماۋ ءۇشىن اقش قارۋلى كۇشتەرىن قولدانۋعا» مۇمكىندىك بەرەدى.
قۇجاتتا كورسەتىلگەندەي, سيريادا اسكەري وپەراتسيا جۇرگىزۋگە اقش قارۋلى كۇشتەرىنە قارار قابىلدانعان ساتتەن باستاپ 60 كۇن ۋاقىت بەرىلەدى. وسىعان ۇقساس جوبانى قازىر سەنات دا قاراۋ ۇستىندە. سارسەنبى كۇنى سەناتتىڭ سىرتقى ىستەر جونىندەگى كوميتەتى سيرياعا بايلانىستى قاراردى ماقۇلداعان بولاتىن.
اقش كونگرەسىندە سيرياعا سوققى جاساۋدى جاقتاۋشىلار مەن قارسىلاستاردىڭ بەيرەسمي داۋىس ساناعى ءجۇرىپ جاتىر. ازىرگە ونىڭ ناتيجەسى بويىنشا, پالاتا وكىلدەرىنىڭ كوبىسى اسكەري قارارعا قارسى كورىنەدى.
ايدار ورىسباەۆ.
