«قازترانسگاز ايماق» اق قىزمەتكەرلەرى كاسىبي مەرەكەنى سپورتتىق سايىستارمەن اتاپ ءوتتى
«قازترانسگاز ايماق» اق 2013 جىلعى 3-6 قىركۇيەك ارالىعىندا مۇناي-گاز سالاسى قىزمەتكەرلەرىنىڭ كۇنىنە ورايلاستىرىلعان كەزەكتى جىل سايىنعى جازعى سپارتاكيادا وتكىزدى. داستۇرگە اينالعان بۇل ءىس-شارا بيىل العاشقى رەت قاپشاعاي كولى جاعاسىنداعى شىرايلى دەمالىس ورنىندا ءوتتى.
«قازترانسگاز ايماق» اق قىزمەتكەرلەرى كاسىبي مەرەكەنى سپورتتىق سايىستارمەن اتاپ ءوتتى
«قازترانسگاز ايماق» اق 2013 جىلعى 3-6 قىركۇيەك ارالىعىندا مۇناي-گاز سالاسى قىزمەتكەرلەرىنىڭ كۇنىنە ورايلاستىرىلعان كەزەكتى جىل سايىنعى جازعى سپارتاكيادا وتكىزدى. داستۇرگە اينالعان بۇل ءىس-شارا بيىل العاشقى رەت قاپشاعاي كولى جاعاسىنداعى شىرايلى دەمالىس ورنىندا ءوتتى.
سپارتاكيادا سالتاناتتى تۇردە 4 قىركۇيەك كۇنى «Heaven Club» دەمالىس كەشەنىندە اشىلدى. ءۇش كۇندىك سپارتاكيادا جارىسىنىڭ باعدارلاماسى سپورتتىڭ التى ءتۇرى – جەڭىل اتلەتيكا, «پرەزيدەنتتىك ميل», شاعىن فۋتبول, ۆولەيبول, ءجۇزۋ, ۇستەل تەننيسى جانە شاحمات بويىنشا ۇيىمداستىرىلدى. ايتا كەتەرلىگى, جارىس بارلىق حالىقارالىق ستاندارتتار بويىنشا وتكىزىلىپ, تاۋەلسىز تورەشىلەردىڭ قاتىسۋىمەن ۇزدىكتەر انىقتالدى.
العاشقى كۇنى شاعىن فۋتبول, سۋعا ءجۇزۋ مەن قاشىقتىققا جۇگىرۋ بويىنشا جۇلدەلەر ساراپقا سالىنسا, ەكىنشى كۇنى گاز سالاسىنىڭ ماماندارى ۇستەل تەننيسى, شاحمات جانە ۆولەيبولدان باق سىناستى.
جارىسقا قاتىسۋ ءۇشىن كومپانيانىڭ – ماڭعىستاۋ, اتىراۋ, اقتوبە, باتىس قازاقستان, قوستاناي, قىزىلوردا, وڭتۇستىك قازاقستان, جامبىل سياقتى 8 وندىرىستىك فيليالىنىڭ جانە ورتالىق اپپاراتتىڭ كوماندالارى كەلدى. بۇل جولعى جازعى سپارتاكيادا قاتىسۋشىلار سانىنىڭ كوپتىگىمەن دە ەرەكشەلەنىپ وتىر. سپورتتىق سايىستار الاڭىنا «قازترانسگاز ايماقتىڭ» 200-گە جۋىق قىزمەتكەرى شىقتى.
جازعى سپارتاكيادانى وتكىزۋدىڭ ماقساتى كومپانيا قىزمەتكەرلەرى اراسىندا دەنە شىنىقتىرۋدى, سپورت پەن سالاماتتى ءومىر سالتىن ناسيحاتتاۋ.
سپارتاكيادانىڭ اشىلۋىندا ءسوز سويلەگەن «قازترانسگاز ايماق» اق باس ديرەكتوردىڭ ورىنباسارى ع.ا. ايدوسوۆ, قىزمەتكەرلەر اراسىندا جىلىنا ەكى مارتە وتكىزىلەتىن وسىنداي سپورتتىق سايىستىڭ كوماندالىق رۋح پەن ءوزارا تۇسىنىستىك قالىپتاستىرۋدا تاپتىرماس قۇرال ەكەنىن اتاپ ءوتتى.
«جۇيەلى تۇردە وتكىزىلەتىن سپورتتىق جارىستار جانە تۋرنيرلەر ۇجىمنىڭ ۇيىمشىلدىعىنا اكەلەدى, كومپانياداعى پسيحولوگيالىق كليمات ءۇشىن ماڭىزى وتە ۇلكەن. قىزمەتكەرلەردى دەنە شىنىقتىرۋمەن جانە سپورتپەن اينالىسۋعا تارتۋ بويىنشا جۇمىستاردى ۇيىمداستىرۋ ءبىزدىڭ كورپوراتيۆتىك مادەنيەتىمىزدىڭ اجىراماس بولىگى بولىپ تابىلادى. بۇنى ءبىزدىڭ قىزمەتكەرلەرىمىزدىڭ دەنساۋلىعىن جاقسارتۋعا سالىنعان ينۆەستيتسيا دەپ تە ايتۋعا بولادى. ويتكەنى, دەنساۋلىعى مىقتى جانە رۋحى كۇشتى ادام عانا جەمىستى جانە تابىستى جۇمىس ىستەيتىنى جالپىعا بەلگىلى», – دەيدى ع.ايدوسوۆ.
سايىستار قورىتىندىسى بويىنشا, جالپىكوماندالىق 1-ورىندى بيىل دەربەس كوماندا بولىپ قاتىسقان اتىراۋ وندىرىستىك فيليالىنىڭ قىزمەتكەرلەرى الدى. ەكىنشى ورىن – اقتوبە وندىرىستىك فيليالىنىڭ ەنشىسىندە. ءۇشىنشى ورىنعا باتىس قازاقستان وندىرىستىك فيليالى لايىق دەپ تانىلدى.
سپارتاكيادا جەڭىمپازدارىن سپورتتىڭ كوماندالىق تۇرلەرى بويىنشا كۋبوكتارمەن ماراپاتتاپ, جارىس كوشباسشىلارىنا مەدالدار جانە باعالى ەستەلىك سىيلىقتار تابىس ەتىلدى.
