(مساك جونىندەگى الماتى دەكلاراتسياسىنىڭ 35 جىلدىعىنا ارنالادى)
مەديتسينالىق-سانيتاريالىق العاشقى كومەككە دەگەن جاڭا كوزقاراس وسىدان وتىز بەس جىل بۇرىن حالىقتىڭ مۇقتاج توپتارىنىڭ دەنساۋلىعىن جاقسارتۋعا جانە ولاردىڭ ءومىر ساپاسىن ارتتىرۋعا باعىتتالعان قۇندىلىقتار, پرينتسيپتەر, تاسىلدەر كەشەنى رەتىندە ۇسىنىلعان بولاتىن. مەديتسينالىق-سانيتاريالىق العاشقى كومەكتىڭ تۇجىرىمداماسى العاش رەت 1978 جىلدىڭ قىركۇيەگىندە, دۇنيەجۇزىلىك دەنساۋلىق ساقتاۋ ۇيىمىنا مۇشە مەملەكەتتەر الماتى دەكلاراتسياسىنا قول قويعاننان كەيىن, رەسمي تۇردە جاريالانعان بولاتىن.
مەديتسينالىق-سانيتاريالىق العاشقى كومەك دەگەن ۇعىم العاشىندا مەديتسينالىق جاردەم مودەلىنىڭ شەڭبەرىنەن تىس حالىق دەنساۋلىعىن قورعاۋ ماسەلەلەرىنە كوزقاراستىڭ تۇتاستىعى دەگەن تۇسىنىك بولاتىن. دەنساۋلىقتىڭ ناشارلاۋ سەبەپتەرى جانە اۋرۋدىڭ تۋىنداۋ سەبەپتەرى دەنساۋلىق ساقتاۋ سەكتورى تاراپىنان باقىلاۋعا كونبەيدى, سوندىقتان اۋرۋدىڭ الدىن الۋ ءۇشىن جانە ولاردى جويۋ ءۇشىن قوعامدى تۇتاس قاتىستىرا وتىرىپ, كۇردەلى, اۋقىمدى تاسىلدەر ازىرلەۋ قاجەت.
(مساك جونىندەگى الماتى دەكلاراتسياسىنىڭ 35 جىلدىعىنا ارنالادى)
مەديتسينالىق-سانيتاريالىق العاشقى كومەككە دەگەن جاڭا كوزقاراس وسىدان وتىز بەس جىل بۇرىن حالىقتىڭ مۇقتاج توپتارىنىڭ دەنساۋلىعىن جاقسارتۋعا جانە ولاردىڭ ءومىر ساپاسىن ارتتىرۋعا باعىتتالعان قۇندىلىقتار, پرينتسيپتەر, تاسىلدەر كەشەنى رەتىندە ۇسىنىلعان بولاتىن. مەديتسينالىق-سانيتاريالىق العاشقى كومەكتىڭ تۇجىرىمداماسى العاش رەت 1978 جىلدىڭ قىركۇيەگىندە, دۇنيەجۇزىلىك دەنساۋلىق ساقتاۋ ۇيىمىنا مۇشە مەملەكەتتەر الماتى دەكلاراتسياسىنا قول قويعاننان كەيىن, رەسمي تۇردە جاريالانعان بولاتىن.
مەديتسينالىق-سانيتاريالىق العاشقى كومەك دەگەن ۇعىم العاشىندا مەديتسينالىق جاردەم مودەلىنىڭ شەڭبەرىنەن تىس حالىق دەنساۋلىعىن قورعاۋ ماسەلەلەرىنە كوزقاراستىڭ تۇتاستىعى دەگەن تۇسىنىك بولاتىن. دەنساۋلىقتىڭ ناشارلاۋ سەبەپتەرى جانە اۋرۋدىڭ تۋىنداۋ سەبەپتەرى دەنساۋلىق ساقتاۋ سەكتورى تاراپىنان باقىلاۋعا كونبەيدى, سوندىقتان اۋرۋدىڭ الدىن الۋ ءۇشىن جانە ولاردى جويۋ ءۇشىن قوعامدى تۇتاس قاتىستىرا وتىرىپ, كۇردەلى, اۋقىمدى تاسىلدەر ازىرلەۋ قاجەت.
بۇل بىرنەشە مىندەتتەردى شەشۋگە – دەنساۋلىقتى جاقسارتۋعا, اۋرۋشاڭدىقتى ازايتۋعا, دەنساۋلىق ساقتاۋ جۇيەسى جۇمىسىنىڭ تيىمدىلىگىن بارىنشا جوعارىلاتۋعا, ادىلەتتىلىكتى قامتاماسىز ەتۋگە, سونداي-اق ءار ەلدىڭ قولدا بار رەسۋرستارىن ءتيىمدى پايدالانۋعا مۇمكىندىك بەرەر ەدى.
قازىرگى كۇنى قازاقستان رەسپۋبليكاسىندا بۇل مىندەتتەردىڭ باسىم بولىگىن دەنساۋلىق ساقتاۋ سالاسىنىڭ قازىرگى جۇيەسى ءىس ءجۇزىندە شەشتى دەۋگە بولادى. حالىقتىڭ دەنساۋلىعىن جاقسارتۋ, اۋرۋمەن كۇرەس, ادامداردىڭ ءومىر جاسىن ۇزارتۋ بويىنشا جەتىستىككە قول جەتكىزگەنمەن, دۇنيە ءجۇزىندە ادامداردىڭ دەنساۋلىق ساقتاۋ جۇيەسىنىڭ قازىرگى مودەلىنە كوڭىلدەرى تولمايدى.
دۇنيەجۇزىلىك دەنساۋلىق ساقتاۋ ۇيىمى قازىرگى تاڭدا بۇل ماسەلەنى قايتا كوتەرىپ وتىر. الەمدەگى دەنساۋلىق ساقتاۋ جۇيەسىنىڭ احۋالى تۋرالى ددۇ-نىڭ 2008 جىلعى «بۇگىنگى كۇننىڭ ەڭ وزەكتى ماسەلەسى» دەگەن بايانداماسىندا: «دەنساۋلىق ساقتاۋ جۇيەلەرى پروبلەمالاردى بولجاپ جانە دارىگەرلەر ارەكەتىنىڭ پوتەنتسيالىن ارتتىرۋدىڭ ورنىنا, ءبىرىنشى كەزەكتەگى قىسقامەرزىمدى ءبىر مىندەتتەن ەكىنشى مىندەتكە اۋىسادى, فراگمەنتتى تۇردە جانە قوزعالىس باعىتىن انىق بىلمەستەن ارەكەت ەتەدى», – دەپ جازىلعان.
ءبىزدىڭ ەلىمىزدە «سالاماتتى قازاقستان» باعدارلاماسىنا سايكەس مەديتسينالىق قىزمەت كورسەتۋ ساپاسىن ارتتىرۋ بويىنشا بارلىق دەڭگەيدە اۋقىمدى شارالار اتقارىلىپ جاتىر. ونىڭ ىشىندە مەديتسينالىق-سانيتاريالىق العاشقى كومەك دەڭگەيىندە مەديتسينالىق-سانيتاريالىق جانە الەۋمەتتىك ءىس-شارالاردى جۇرگىزۋ ءبىرىنشى كەزەككە قويىلعان. بۇل رەتتە «استانا مەديتسينا ۋنيۆەرسيتەتى» اق ءوزىنىڭ نەگىزگى قىزمەتتەرىن قازاقستانداعى دەنساۋلىق ساقتاۋ سالاسىن, مەديتسينالىق-سانيتاريالىق العاشقى كومەكتى رەفورمالاۋ شەڭبەرىندەگى جاڭا تالاپتارعا سايكەس ۇيىمداستىرادى.
بۇگىنگى كۇنى استانا مەديتسينا ۋنيۆەرسيتەتى ءبىلىم بەرۋ قىزمەتىنىڭ فورماتىن قازىرگى ۋاقىت تالابىنا ساي قايتا قۇردى. ۋنيۆەرسيتەتتىڭ ءبىلىم بەرۋ پروتسەسىن ۇيىمداستىرۋ شارالارىنىڭ نەگىزگى تۇپكى ماقساتى – قازىرگى پاتسيەنت تالابىنا جاۋاپ بەرە الاتىن ماماندى دايىنداۋ, بارلىق ءىس-شارالار وسىعان باعىتتالىپ وتكىزىلەدى.
اتالعان مىندەتتى ورىنداۋ ءۇشىن تالاپكەرلەردى ىرىكتەۋ ساپاسىن ارتتىرۋ جۇمىسى بەلسەندى تۇردە ءجۇرگىزىلەدى. مەديتسينالىق جوو-لارعا ستۋدەنتتەردى
