مەملەكەت باسشىسى نۇرسۇلتان نازارباەۆتىڭ اتىنا ەلىمىزدىڭ مەكتەپ وقۋشىلارىنان حاتتار كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
ءوز حاتتارىندا وقۋشىلار مەملەكەت باسشىسىنا وقۋداعى تابىستارى تۋرالى ايتىپ, وسكەلەڭ ۇرپاق ءۇشىن جاعداي جاساۋعا ەرەكشە كوڭىل بولىنگەنى ءۇشىن العىستارىن بىلدىرگەن.
مەملەكەت باسشىسى نۇرسۇلتان نازارباەۆتىڭ اتىنا ەلىمىزدىڭ مەكتەپ وقۋشىلارىنان حاتتار كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
ءوز حاتتارىندا وقۋشىلار مەملەكەت باسشىسىنا وقۋداعى تابىستارى تۋرالى ايتىپ, وسكەلەڭ ۇرپاق ءۇشىن جاعداي جاساۋعا ەرەكشە كوڭىل بولىنگەنى ءۇشىن العىستارىن بىلدىرگەن.
اقتوبە وبلىسىنداعى تامدى كومەكشى مەكتەپ-ينتەرناتىنىڭ 9-سىنىپ وقۋشىلارى كونكي سپورتى بويىنشا 2013 جىلى وڭتۇستىك كورەيادا وتكەن بۇكىلالەمدىك قىسقى ارناۋلى وليمپيا ويىندارىنىڭ جەڭىمپازدارى مەن جۇلدەگەرلەرى بولىپ تابىلادى. ولار جاس سپورتشى-پاراليمپياداشىلار اتىنان قازاقستاندا مۇمكىندىگى شەكتەلگەن ادامدارعا ارنالعان سپورتتى دامىتقانى ءۇشىن پرەزيدەنتكە العىس ايتقان.
«سپورت – ءبىز ءۇشىن قالىپتى ومىرگە ورالۋ. ءاربىر مارە – ءاردايىم ءۇمىت, وزىمىزگە سەنە ءبىلۋدىڭ ۇلگىسى. بۇل ادام مۇمكىندىگىنىڭ شەگى جوق ەكەنىن بىلدىرەدى», – دەپ جازادى اۆتورلار حاتتا.
الماتى قالاسىنداعى «زەينەپ» مەكتەبىنىڭ 2-سىنىپ وقۋشىسى ن.داناباەۆ ءوز حاتىندا وقۋدان العان اسەرىن ءبولىسىپ, ءوزى ەمدەلىپ جاتقان بالالار ورتالىعى پەداگوگتارىنىڭ ەڭبەگىن اتاپ وتكەن.
«بىزدە جاقسى مەكتەپتەر مەن بالالار ورتالىقتارى, سونداي-اق بالالارعا كومەكتەسەتىن جاقسى ادامدار كوپ. مەنىڭ ارمانىم – اقىلدى بولىپ ەرجەتۋ, اناما كومەكتەسىپ, بارلىق اداممەن دوس بولۋ», – دەپ جازادى ن.داناباەۆ.
قاراعاندى مەكتەپ-ينتەرناتىنىڭ 11-سىنىپ وقۋشىسى ر.جالاەۆ وتباسى مەن جاقىندارى وقۋىنا قولداۋ كورسەتىپ, اۋرۋعا قارسى كۇرەستە كومەكتەسەتىنىن ايتقان.
«جاقىندا ماعان ءبىلىم الۋىم ءۇشىن مەكتەپتەن ارنايى جابدىقتار الىپ كەلدى. ولاردى قولدانۋ ارقىلى وقۋ قىزىقتى بولا ءتۇستى. مەن ينتەرنەت ارقىلى كوپ قىزىق جايتتاردى ءبىلىپ, ءوز قاتارلاستارىممەن اڭگىمەلەسە الامىن», – دەلىنگەن حاتتا.
«بىزدەر, مۇمكىندىگى شەكتەلگەن بالالار, ءۇش جىلدان بەرى بارلىق باسقا بالالار سەكىلدى مەكتەپتە وقىپ جۇرگەنىمىز ءۇشىن سىزگە زور العىس ايتقىمىز كەلەدى», – دەپ جازادى پرەزيدەنتكە استانالىق №65 مەكتەپ-گيمنازيانىڭ ينكليۋزيۆتىك 3-سىنىپ وقۋشىسى ا. بازارباي.
وقۋشى قىز مەملەكەت باسشىسىنا وزدەرىنە كورسەتىلگەن قامقورلىقتى اقتايتىنىن, سۇيىكتى ەلىمىزدىڭ ناعىز لايىقتى ازاماتى بولاتىندارىن ايتقان.
ال شىعىس قازاقستان وبلىسىنىڭ جاڭا بۇقتىرما كەنتىنەن حات جولداعان 11 جاستاعى ن.كولومىسوۆ سىرقاتىنان ايىعۋىنا بايلانىستى قۋانىشىن بولىسكەن.
«مەن ءتۋابىتتى جۇرەك تالماسىمەن اۋىرىپ, قاتتى جاپا شەكتىم. ءسىزدىڭ ارقاڭىزدا اناممەن بىرگە وڭتۇستىك كورەياعا تەگىن وتا جاساتۋعا باردىم. سودان كەيىنگى ءحالىم جاقسى, مەكتەپتە وقىپ ءجۇرمىن. فۋتبول ويناپ, سۋدا جۇزە الامىن», – دەيدى ول حاتىندا.
ن.كولومىسوۆ ءوز اۋىلىنداعى بارلىق بالا اتىنان مەملەكەت باسشىسىنىڭ قىزمەتىنە تابىس تىلەيدى.
سولتۇستىك قازاقستان وبلىسىنداعى ع.مۇسىرەپوۆ اتىنداعى اۋداننىڭ ۆولادار ورتا مەكتەبى 10-11-سىنىپ وقۋشىلارى اۋىلدىق ەلدى مەكەندەرگە جاس مۇعالىمدەردىڭ كەلۋىنە سەبەپشى بولعان «ديپلوممەن – اۋىلعا!» باعدارلاماسىنىڭ ىسكە اسىرىلىپ جاتقانى ءۇشىن ريزاشىلىق بىلدىرەدى.
«ولاردىڭ كەلۋىمەن مەكتەپ ءومىرى جاندانا ءتۇستى, وقۋعا دەگەن ىنتا-ىقىلاس ارتىپ, ساباقتار قىزىقتى, تارتىمدى بولا باستادى», – دەيدى وقۋشىلار مەملەكەت باسشىسىنا جولداعان حاتىندا.
