استانادا قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆتىڭ ۇقشۇ باس حاتشىسى نيكولاي بورديۋجامەن كەزدەسۋى بولىپ ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
استانادا قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆتىڭ ۇقشۇ باس حاتشىسى نيكولاي بورديۋجامەن كەزدەسۋى بولىپ ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
كەزدەسۋ اياسىندا ۇيىم شەڭبەرىندەگى سىرتقى ساياسي ۇيلەستىرۋگە قاتىستى وزەكتى ماسەلەلەر بويىنشا پىكىر الماسىلدى. سونىمەن قاتار, تاراپتار حالىقارالىق جاعدايدىڭ نەگىزگى دامۋ ۇردىستەرى مەن ۇيىمنىڭ جاۋاپكەرشىلىك شەڭبەرىنە كىرەتىن قاۋىپسىزدىكتى قامتاماسىز ەتۋ سالاسىنداعى بىرقاتار وزەكتى ماسەلەلەردى تالقىعا سالدى.
ءوز كەزەگىندە ن.بورديۋجا ە.ىدىرىسوۆتى 23 قىركۇيەك كۇنى سوچيدە وتەتىن سىرتقى ىستەر مينيسترلەرىنىڭ, قورعانىس مينيسترلەرىنىڭ جانە قاۋىپسىزدىك كەڭەسى حاتشىلارى كوميتەتىنىڭ بىرلەسكەن وتىرىسىنا جانە ۇقشۇ-عا مۇشە مەملەكەتتەر ۇجىمدىق قاۋىپسىزدىك كەڭەسىنىڭ سەسسياسىنا دايىندىق ماسەلەلەرىمەن تانىستىردى.
قىركۇيەك كەزدەسۋىنىڭ نەگىزگى تاقىرىبى ۇيىم اياسىنداعى اسكەري جانە ساياسي ىنتىماقتاستىقتى تەرەڭدەتۋ, زاماناۋي سىن-قاتەرلەرگە قارسى ءىس-قيمىل شارالارىن قاراستىرۋ بولماق.
