كەشە پرەمەر-ءمينيستردىڭ ورىنباسارى ە.ورىنباەۆتىڭ توراعالىعىمەن ۇكىمەت جانىنداعى دەنساۋلىق ساقتاۋ جونىندەگى ۇلتتىق ۇيلەستىرۋ كەڭەسىنىڭ كەزەكتى وتىرىسى بولىپ ءوتتى.
جيىندا تۋبەركۋلەزبەن كۇرەستى ءارى قاراي جەتىلدىرۋ جانە ەستۋ قابىلەتتەرى ناشار بالالارعا كومەك كورسەتۋ ماسەلەلەرى قارالدى.
سوڭعى 10 جىلدا قازاقستاندا تۋبەركۋلەزبەن سىرقاتتانۋشىلىق – 50%, ال ءولىم-ءجىتىم 67%-عا ازايدى. نەگىزگى ەپيدەميولوگيالىق كورسەتكىشتەردى ءارى قاراي تومەندەتۋ ءۇشىن ۆەدومستۆوارالىق جانە سەكتورارالىق ءوزارا ءىس-ارەكەتتەستىكتى كۇشەيتۋ كەرەك.
كەشە پرەمەر-ءمينيستردىڭ ورىنباسارى ە.ورىنباەۆتىڭ توراعالىعىمەن ۇكىمەت جانىنداعى دەنساۋلىق ساقتاۋ جونىندەگى ۇلتتىق ۇيلەستىرۋ كەڭەسىنىڭ كەزەكتى وتىرىسى بولىپ ءوتتى.
جيىندا تۋبەركۋلەزبەن كۇرەستى ءارى قاراي جەتىلدىرۋ جانە ەستۋ قابىلەتتەرى ناشار بالالارعا كومەك كورسەتۋ ماسەلەلەرى قارالدى.
سوڭعى 10 جىلدا قازاقستاندا تۋبەركۋلەزبەن سىرقاتتانۋشىلىق – 50%, ال ءولىم-ءجىتىم 67%-عا ازايدى. نەگىزگى ەپيدەميولوگيالىق كورسەتكىشتەردى ءارى قاراي تومەندەتۋ ءۇشىن ۆەدومستۆوارالىق جانە سەكتورارالىق ءوزارا ءىس-ارەكەتتەستىكتى كۇشەيتۋ كەرەك.وسىعان وراي, دەنساۋلىق ساقتاۋ مينيسترلىگى 2014-2020 جىلدارعا ارنالعان تۋبەركۋلەزبەن كۇرەس جونىندەگى كەشەندى جوسپاردى بەكىتۋدى ۇسىندى. جوسپار دۇنيەجۇزىلىك دەنساۋلىق ساقتاۋ ۇيىمى ۇسىنعان تۋبەركۋلەزدىڭ الدىن الۋ, دياگنوستيكالاۋ جانە ەمدەۋدىڭ يننوۆاتسيالىق تەحنولوگيالارىن قولدانا وتىرىپ, تۋبەركۋلەزگە قارسى ءىس-شارالاردى جەتىلدىرۋگە باعىتتالعان.
تۋبەركۋلەزبەن كۇرەس جونىندەگى كەشەندى جوسپار شەڭبەرىندەگى ءىس-شارالار عالامدىق قور, دۇنيەجۇزىلىك دەنساۋلىق ساقتاۋ ۇيىمى, ۇكىمەتتىك ەمەس ۇيىمدار جانە وزگە دە سەرىكتەستەرمەن بىرلەسە وتىرىپ جۇزەگە اسىرىلاتىن بولادى. ايتا كەتەتىن جايت, قازاقستان تۋبەركۋلەزبەن كۇرەستە جاقسى جەتىستىكتەرگە قول جەتكىزۋىنىڭ ارقاسىندا جيتس/ايتۆ, تۋبەركۋلەز جانە بەزگەكپەن كۇرەس جونىندەگى عالامدىق قور گرانتىن الا الادى.
قازاقستاندا ەستۋ قابىلەتتەرى ناشار بالالارعا كورسەتىلەتىن كومەكتى جەتىلدىرۋ باعىتىندا ءىس-شارالار قابىلدانۋدا. ەلىمىزدە سۋردولوگيالىق كومەك مەملەكەتتىك كەپىلدىكتەر شەڭبەرىندە كورسەتىلەدى جانە وعان مەديتسينالىق, الەۋمەتتىك, پسيحولوگيالىق-پەداگوگيكالىق كومەك كىرەدى. تيىسىنشە, بۇل سالادا بىرقاتار مينيسترلىكتەر مەن جەرگىلىكتى اتقارۋشى ورگانداردىڭ ءوزارا ءىس-ارەكەتتەستىگىن ارتتىرۋ كەرەك.
دەنساۋلىق ساقتاۋ مينيسترلىگى قاجەتتى نورماتيۆتىك-قۇقىقتىق بازا ازىرلەدى. جاڭا تۋىلعان نارەستەلەردىڭ ەستۋ قابىلەتىن انىقتاۋ ماقساتىندا 2010 جىلدان بەرى سكرينينگ جۇرگىزىلۋدە. رەسپۋبليكا بويىنشا 36 سۋردولوگيالىق كابينەت قىزمەت ەتۋدە. 2014-2015 جىلدارى وسىنداي تاعى 24 كابينەت اشۋ جوسپارلانىپ وتىر.
ەستۋ قابىلەتى ناشار بالالاردىڭ دەنساۋلىعىن قامتاماسىز ەتۋدە جاڭا ادىستەر ەنگىزۋ ماقساتىندا ەلىمىزدە «كوحلەارلى يمپلانتاتسيا» سياقتى جوعارى تەحنولوگيالىق وپەراتسيالار ەنگىزىلۋدە. 2013 جىلى «كوحلەارلى يمپلانتاتسيانى» قارجىلاندىرۋ كولەمى 7 ەسەگە ارتتى. جىل سايىن رەسپۋبليكالىق بيۋدجەتتەن بۇل ماقساتقا 500 ملن. دوللاردان استام قاراجات بولىنەدى. بۇگىنگى تاڭدا 800-دەن استام بالاعا وسىنداي وتا جاسالدى.
وسىنداي بالالاردى جالپى ءبىلىم بەرۋ باعدارلامالارىنا بەيىمدەۋ جونىندە ۇكىمەت باسشىسىنىڭ ورىنباسارى ءبىلىم جانە عىلىم مينيسترلىگى مەن اكىمدىكتەرگە ناقتى تاپسىرمالار جۇكتەدى.
«ەگەمەن-اقپارات».
