كوستا-ريكا مەملەكەتىنىڭ نيكاراگۋامەن شەكتەسىپ جاتقان اۋدانىندا 700 كيلودان استام كوكاين ەسىرتكىسى تاركىلەندى. بۇل تۋرالى يتار-تاسس حابارلاپ وتىر.
جەرگىلىكتى قۇقىق قورعاۋ ورگاندارىنىڭ مالىمەتى بويىنشا, ەسىرتكىنى ولار كورشى مەملەكەتكە جول ءجۇرىپ بارا جاتقان ەكى جۇك ماشينەسىن تەكسەرۋ كەزىندە انىقتاعان. كولىكتىڭ بىرىنە 270 كيلو, ال ەكىنشىسىنە 440 كيلو كوكاين ەسىرتكىسى جاسىرىلعان ەكەن.
وڭتۇستىك امەريكادان اقش اۋماعىنا تاسىمالداناتىن ەسىرتكىنىڭ نەگىزگى بولىگى ءدال وسى كوستا-ريكا مەملەكەتىنەن وتكىزىلەتىن كورىنەدى. سەبەبى, بۇل جەردە ۇستىمىزدەگى جىلدىڭ وزىندە عانا 10 توننا كوكاين ەسىرتكىسى تاركىلەنىپ ۇلگەرگەن.
ايدار ورىسباەۆ.
