اقش كونگرەسس وكىلدەرى پالاتاسىنىڭ سپيكەرى دجون بەينەر رەسەي پارلامەنتى دەلەگاتسياسىمەن كەزدەسۋ جونىندەگى ۇسىنىستان باس تارتتى. بۇل تۋرالى CNN تەلەارناسىنىڭ اقپارىنا سىلتەمە جاساعان ريا «نوۆوستي» حابارلادى.
رەسەي فەدەراتسياسى كەڭەسىنىڭ مۇشەلەرى بۇدان بۇرىن اقش سەناتورلارىنا سيرياداعى جاعدايدى بىرلەسىپ تالقىلاۋعا ۇسىنىس بىلدىرگەن بولاتىن. فەدەراتسيا كەڭەسىنىڭ سپيكەرى ۆالەنتينا ماتۆينەنكونىڭ اقش دەموكراتيالىق پارتياسىنىڭ كوشباسشىسى, سەناتور گارري ريدكە جىبەرگەن جولداۋىندا سيرياداعى جاعدايدى قالپىنا كەلتىرۋ ءۇشىن بارلىق ديپلوماتيالىق جولدار قاراستىرىلماعانى ەسكەرتىلگەن. ۆ.ماتۆينەنكو سيرياداعى جاعداي اۋقىمدى ايماقتىق اپاتقا اينالماۋى ءۇشىن قولدان كەلەتىن بارلىق مۇمكىندىكتى پايدالانۋعا شاقىرادى.
ايدار ورىسباەۆ.
