جۋىردا اۋىر اتلەتيكادان وليمپيادا جانە ەكى دۇركىن الەم چەمپيونى ءزۇلفيا چينشانلو تۇرمىسقا شىقتى.
ءزۇلفيانىڭ ايتۋىنشا, ول كۇيەۋىن بۇرىننان بىلەدى.
جۋىردا اۋىر اتلەتيكادان وليمپيادا جانە ەكى دۇركىن الەم چەمپيونى ءزۇلفيا چينشانلو تۇرمىسقا شىقتى.
ءزۇلفيانىڭ ايتۋىنشا, ول كۇيەۋىن بۇرىننان بىلەدى. قىتايدا جۇرگەندە اۋىر اتلەتيكامەن اينالىسۋدى بىرگە باستاعان ەكەن. بىراق ءزۇلفيا قازىر كۇيەۋىم سپورتپەن اينالىسپايدى دەيدى. «ول وليمپيادا كەزىندە ماعان قولداۋ كورسەتىپ وتىردى. وليمپيادا بىتكەندە ەكەۋمىز دەمالىستا كەزدەسىپ جۇردىك. باسقا ۋاقىتتا ينتەرنەت ارقىلى حابارلاسىپ تۇردىق», دەيدى چينشانلو.
ودان كەيىن ەكەۋى ءجيى-ءجيى حابارلاسىپ, چينشانلونىڭ جىگىتى الماتىعا كەلىپ, احاج-دا نەكەلەرىن تىركەۋگە ءوتىنىش جاساپتى. بۇعان, ارينە, چينشانلو ەش قارسىلىق بىلدىرمەي, نەكەلەسۋگە ۋادەسىن بەرىپتى. بىراق بۇل تۋرالى ءزۇلفيا ەشكىمگە ءتىس جارماپتى جانە بولاشاق كۇيەۋىنە دە سولاي جاساۋدى ءوتىنىپتى. ءزۇلفيانىڭ ءوزى تابيعاتىنان مومىن, ءوزىن جارنامالاۋدى كوپ ۇناتا بەرمەيتىن سپورتشى ەكەنىن بىلەمىز. سول سەبەپتەن دە ول شاڭىراق كوتەرۋلەرىنە بايلانىستى ۇلكەن سالتانات جاساماعان. تەك بۇل تۋرالى بىرنەشە ادام عانا حاباردار بولىپتى. نەكەسىن تىركەگەننەن كەيىن دە چينشانلو ءوزىنىڭ وتباسىن قۇرعانىن جاريالاماعان. قازىر دە ول جۇبايىنىڭ ەسىمىن ايتقىسى كەلمەيدى. ءبىر انىعى, ول قىتاي ازاماتى دەگەن دەرەك بار. بىراق اتى-ءجونى بىزگە بەلگىسىز. اتىن ءارى-بەرى سۇراستىرىپ كورىپ ەدىك. ءناتيجە شىقپادى. سۇراستىرعان ادامداردىڭ ءبارى ءزۇلفيا اتىن جاسىرادى دەدى.
بۇعان دەيىن تاعى ءبىر اۋىر اتلەتيكادان وليمپيادا چەمپيونى مايا مانەزا دا تۇرمىسقا شىققان بولاتىن. ال جاقىندا ول كۇيەۋى, زىلتەمىرشى ۆياچەسلاۆ ەرشوۆ ەكەۋى ۇلدى بولدى. بالاسىنىڭ اتىن ارسەني قويدى. شىلدە ايىنىڭ باسىندا وليمپيادا چەمپيونى سۆەتلانا پودوبەدوۆا مەن اۋىر اتلەكتيكادان 2009 جىلعى الەم چەمپيونى ۆلاديمير سەدوۆ تا شاڭىراق كوتەرگەنى بەلگىلى.
داستان كەنجالين,
«ەگەمەن قازاقستان».
