اتىراۋ وبلىسىنىڭ قۇرمانعازى اۋدانى قازاقستاننىڭ «باتىس قاقپاسى» سانالادى. ءويتكەنى, بىزدەن كەيىن قيعاش وزەنىنىڭ ارعى بەتى – رەسەي جەرى. قۇرمانعازى اۋدانىنىڭ ەكونوميكاسى وركەندەپ, مادەنيەتى وركەندەگەن ءۇستىنە وركەندەي تۇسۋدە. مۇنايى جوق بولعانىمەن, بالىعى مەن مىڭعىرعان مالى بار,
اتىراۋ وبلىسىنىڭ قۇرمانعازى اۋدانى قازاقستاننىڭ «باتىس قاقپاسى» سانالادى. ءويتكەنى, بىزدەن كەيىن قيعاش وزەنىنىڭ ارعى بەتى – رەسەي جەرى. قۇرمانعازى اۋدانىنىڭ ەكونوميكاسى وركەندەپ, مادەنيەتى وركەندەگەن ءۇستىنە وركەندەي تۇسۋدە. مۇنايى جوق بولعانىمەن, بالىعى مەن مىڭعىرعان مالى بار,سونىڭ ارقاسىندا تاۋەلسىزدىك جىلدارى قايتا تۇلەپ, وڭ وزگەرىستەر كوپتىڭ كوزقۋانىشىنا اينالۋدا. كورشىلەس رەسەيدىڭ التىنجار, ۆولودار اۋداندارىمەن سۋداي ارالاسىپ, ءوزارا ءتيىمدى ىنتىماقتاستىققا قول جەتكىزىلدى. كۇي ءوڭىرى تۇرعىندارىنىڭ مادەنيەتتە, سپورتتا دا رەسەيلىكتەردى تاڭعالدىرۋى تەكتەن-تەك ەمەس. ءبارى دە جاراسىمدى.
تەك ءبىر اتتەگەن-ايى – جىل سايىن 1 مامىر مەرەكەسىندە پاراد وتكىزۋدى قويا الماي كەلەدى. اۋدان اكىمى جانىنا بىرەر ورىنباسارىن الىپ باياعى ءبىرىنشى حاتشىلارداي قازديىپ تۇرىپ, پارادتى تۇسىنان وتكىزەدى. ءاربىر مەكەمە, ۇجىم باسشىلارى مەن مۇشەلەرى ونىڭ الدىنا كەلگەندە توقتاپ, باس يزەسىپ, تاعزىم ەتكەندەي, جالپاقتاپ قالادى. ءامىرشىل-اكىمشىل جۇيەدەن قالعان بۇل ۇردىستەن ارىلۋعا بولماس پا ەدى؟ استانا, وبلىس ورتالىقتارىندا عانا وتسە جاراپ جاتىر ەمەس پە؟ اۋدان, اۋىلعا وسى پاراد وتكىزۋ مۇلدە ۇيلەسپەي تۇر.
ودان دا كوپشىلىكتىڭ كوڭىلدى سەرۋەنى, تەاترلاندىرىلعان كورىنىستەر ۇيىمداستىرىلىپ, ونى حالىقپەن بىرگە اكىم دە تاماشالاپ تۇرسا عوي دەگەن وي كەلەدى.
التىنبەك قۋانتاەۆ.
اتىراۋ وبلىسى,
قۇرمانعازى اۋدانى.
