ەكونوميكا • 09 ءساۋىر، 2020

« ۇلى كۇيزەلىس» كەزەڭىنەن بەرى بولماعان ەڭ اۋىر ەكونوميكالىق داعدارىس كۇتىلۋدە

173 رەتكورسەتىلدى

حالىقارالىق ۆاليۋتا قورىنىڭ بولجاۋىنشا، الەمدى ۇرەي قۇشاعىنا العان كوروناۆيرۋس پاندەمياسى سالدارىنان 1929-1933 جىلداردان بەرى العاش رەت الەمدىك ەكونوميكا ەڭ ءىرى قۇلدىراۋعا ۇشىرايدى.

ء«بىز « ۇلى كۇيزەلىس» كەزەڭىنەن كەيىنگى ەڭ اۋىر ەكونوميكالىق قيىندىقتارعا تاپ بولۋىمىز ىقتيمال»، - دەدى حالىقارالىق ۆاليۋتا قورىنىڭ باسشىسى كريستالينا گەورگيەۆا.

ونىڭ ايتۋىنشا، 2021 جىلى جاعداي جاقسارعانىمەن، بۇل ەكونوميكانىڭ تولىقتاي قالپىنا الىپ كەلمەيدى. ءتىپتى ءبارى قازىرگىدەن دە ۋشىعىپ كەتۋى مۇمكىن. الەمدە پاندەميانىڭ قانشالىقتى ۇزاققا سوزىلاتىنى جانە ونىڭ ەكونوميكاعا əسەرى جونىندە ناقتى ءبىر اقپارات جوقتىعىن، وسى جىلى الەم بويىنشا ەكونوميكالىق دامۋ انىق تەرىس كورسەتكىشتە بولاتىندىعىن اتاپ ءوتتى.

سونداي-اق ك. گەورگيەۆا حالىقارالىق ۆاليۋتا قورىنا مۇشە 180 ەلدىڭ 170-ىندە جان باسىنا شاققانداعى تابىستىڭ تومەندەۋىن كۇتەتىنىن ايتتى.

ول الەم ەلدەرىنىڭ ۇكىمەتتەرىن ناقتى ءىس-ارەكەتكە كوشۋگە جانە كاسىپورىندار مەن ازاماتتارعا قولداۋ كورسەتۋگە شاقىردى. Əيتپەسە پاندەميا اياقتالعاننان كەيىن ەكونوميكانى قالپىنا كەلتىرۋ بۇدان دا قيىن بولادى دەپ ەسكەرتۋ جاسادى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار