قازاقستان رەسپۋبليكاسى پارلامەنتى سەناتىنىڭ توراعاسى قايرات ءمامي جوعارى قارجى-باقىلاۋ ورگاندارى باسشىلارى كەڭەسىنىڭ ءحىىى سەسسياسىنا قاتىسۋ ءۇشىن استاناعا كەلگەن تمد ەلدەرى ەسەپ كوميتەتتەرى توراعالارىنىڭ دەلەگاتسياسىمەن كەزدەستى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
قازاقستان رەسپۋبليكاسى پارلامەنتى سەناتىنىڭ توراعاسى قايرات ءمامي جوعارى قارجى-باقىلاۋ ورگاندارى باسشىلارى كەڭەسىنىڭ ءحىىى سەسسياسىنا قاتىسۋ ءۇشىن استاناعا كەلگەن تمد ەلدەرى ەسەپ كوميتەتتەرى توراعالارىنىڭ دەلەگاتسياسىمەن كەزدەستى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
كەزدەسۋ بارىسىندا ق.ءمامي كەڭەستىڭ مەملەكەتارالىق بايلانىستاردى دامىتۋداعى جانە مەملەكەتتىك قارجى-باقىلاۋدىڭ ءتيىمدىلىگىن ارتتىرۋداعى ءرولىن اتاپ ءوتتى.
ونىڭ ايتۋىنشا, قازاقستاندا ويلاستىرىلعان جانە ۇقىپتى بيۋدجەت-قارجىلىق ۇدەرىستەرىنە ەرەكشە ماڭىز بەرىلەدى. سەنات توراعاسى پارلامەنتتىك باقىلاۋدىڭ ماڭىزدى باعىتتارىنىڭ ءبىرى – ەلىمىزدىڭ بيۋدجەتىن قالىپتاستىرۋ جانە ونىڭ اتقارىلۋىن باقىلاۋداعى ەسەپ كوميتەتىنىڭ بەلسەندى ءرولىن اتاپ ءوتتى. «ءبىزدىڭ ورتاق جانە باستى مىندەتىمىز – بيۋدجەتتى جانە مەملەكەتتىك, سالالىق باعدارلامالار مەن ينۆەستيتسيالىق جوبالاردى ىسكە اسىرۋعا بولىنگەن ماقساتتى ترانسفەرتتەردى ورىنداۋدىڭ مەيلىنشە تيىمدىلىگىنە قول جەتكىزۋ», – دەدى توراعا.
ق.ءمامي كەڭەسكە قاتىسۋشىلارعا جوعارى قارجى-باقىلاۋ ورگاندارى اراسىندا سىندارلى ۇنقاتىسۋ مەن ارىپتەستىك قاتىناستاردىڭ پارمەندى ۇلگىلەرىن ازىرلەۋگە تىلەكتەستىگىن ءبىلدىردى.
