مەملەكەت باسشىسى نۇرسۇلتان نازارباەۆتىڭ اتىنا تاراز قالاسىندا تۇراتىن تاجىباەۆتار وتباسىنان حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
ءوز حاتىندا اۆتورلار مەملەكەت باسشىسىنا قازاقستاندىقتاردىڭ تۇرمىس دەڭگەيىن جاقسارتا تۇسكەن ءتيىمدى ساياساتى ءۇشىن العىس بىلدىرگەن.
مەملەكەت باسشىسى نۇرسۇلتان نازارباەۆتىڭ اتىنا تاراز قالاسىندا تۇراتىن تاجىباەۆتار وتباسىنان حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
ءوز حاتىندا اۆتورلار مەملەكەت باسشىسىنا قازاقستاندىقتاردىڭ تۇرمىس دەڭگەيىن جاقسارتا تۇسكەن ءتيىمدى ساياساتى ءۇشىن العىس بىلدىرگەن.
«اتاپ ايتقاندا, ءسىزدىڭ يدەياڭىزدىڭ ءبىرى – استانا قالاسى قازاقستان رەسپۋبليكاسىنىڭ اكىمشىلىك ورتالىعىنا اينالىپ قانا قويماي, وزىق تەحنولوگيالار, عىلىم مەن مەديتسينا ورتالىعىنا دا اينالدى. ءبىز بۇكىل وتباسىمىزبەن ءسىزدىڭ ەڭبەگىڭىزدىڭ كۋاسى بولدىق», – دەلىنگەن حاتتا.
سونداي-اق, تاجىباەۆتار وتباسى حاتتا 2013 جىلى شىلدەدە استاناداعى ۇلتتىق عىلىمي كارديوحيرۋرگيالىق ورتالىقتا جۇرەك اۋرۋى دياگنوزى قويىلعان ارداق سەريەۆاعا وپەراتسيا ءساتتى جاسالعانىن مالىمدەگەن. بۇل اۋرۋدى ەڭ زاماناۋي مەديتسينالىق جابدىقتاردىڭ بولۋى مەن حيرۋرگتىڭ ارالاسۋى ارقىلى عانا ەمدەۋگە بولاتىن.
اۆتورلار ورتالىق ۇجىمىنىڭ, وپەراتسيا جاساعان دارىگەرلەر يۋ.پيا مەن د.بيكتاشەۆانىڭ ەڭبەگىن ەرەكشە اتاپ وتكەن.
«ورتالىقتا بولعان بىرنەشە كۇن ىشىندە ءبىز كوپتەگەن ادامنىڭ قۋانىشتى ءجۇزىن كوردىك. ۇجىم ءبىر كۇندە بىرنەشە وپەراتسيا جاسايدى ەكەن جانە ونىڭ ءبارى دە ءساتتى وتۋدە. قازاقستان رەسپۋبليكاسىنىڭ ازاماتتارىنا كۆوتا بويىنشا تەگىن ەمدەلۋ قاراستىرىلعانى ءۇشىن سىزگە تاعى دا العىس ايتامىز», – دەلىنگەن حاتتا.
سوڭىندا تاجىباەۆتار وتباسى مەملەكەت باسشىسىنا دەنساۋلىق جانە قازاقستان حالقىنىڭ يگىلىگى جولىنداعى ەڭبەگىنە مول تابىس تىلەگەن.
