ءماجىلىس توراعاسى نۇرلان نىعماتۋليننىڭ جەتەكشىلىگىمەن كەشە پالاتانىڭ ءۇشىنشى پارلامەنتتىك سەسسياداعى العاشقى جالپى وتىرىسى ءوتتى. بۇل جولى دەپۋتاتتار بىرقاتار زاڭ جوبالارىنا قورىتىندى ازىرلەۋ مەزگىلىن انىقتاپ, ءتيىستى كوميتەتتەرگە بەكىتىپ بەردى.
ءماجىلىس توراعاسى نۇرلان نىعماتۋليننىڭ جەتەكشىلىگىمەن كەشە پالاتانىڭ ءۇشىنشى پارلامەنتتىك سەسسياداعى العاشقى جالپى وتىرىسى ءوتتى. بۇل جولى دەپۋتاتتار بىرقاتار زاڭ جوبالارىنا قورىتىندى ازىرلەۋ مەزگىلىن انىقتاپ, ءتيىستى كوميتەتتەرگە بەكىتىپ بەردى.
ولاردىڭ اراسىندا مەملەكەت باسشىسى پارلامەنتتىڭ ءۇشىنشى سەسسياسىنىڭ اشىلۋىندا باسىمدىقتى قارالۋعا ءتيىس دەپ تاپسىرعان ءبىر توپ زاڭ جوباسى دا بار. اتاپ ايتقاندا, دەپۋتاتتار نازارىنا ۇشجىلدىق بيۋدجەت جوباسى جانە وعان ىلەسپە زاڭ جوبالارى ۇسىنىلدى. «2014 – 2016 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى بويىنشا قىسقاشا سيپاتتاما بەرگەن قارجى جانە بيۋدجەت كوميتەتىنىڭ ءتورايىمى گۇلجان قاراقۇسوۆا رەسپۋبليكالىق بيۋدجەت پارامەترلەرى 2020 جىلعا دەيىنگى رەسپۋبليكا دامۋىنىڭ ستراتەگيالىق جوباسىنا سايكەس ازىرلەنىپ وتىرعانىن ايتتى. جانە دە پرەزيدەنت جولداۋىنداعى مىندەتتەرمەن دە بايلانىستى ەكەندىگىن اتاپ ءوتتى.
سونداي-اق كوميتەت ءتورايىمى «قازاقستان رەسپۋبليكاسىنىڭ ۇلتتىق قورىنان 2014-2016 جىلدارعا ارنالعان كەپىلدىك بەرىلگەن ترانسفەرت تۋرالى» زاڭ جوباسى تۋرالى دا ايتىپ ءوتتى. ودان ءمالىم بولعانداي, ۇلتتىق قوردان رەسپۋبليكالىق بيۋدجەتكە بەرىلەتىن كەپىلدىك ترانسفەرت جىل سايىن 1 تريلليون 380 ميلليارد تەڭگە بولسا, كەلەسى جىلدىڭ مولشەرى دە بيىلعى دەڭگەيدە ساقتالىپ قالماق. دەپۋتاتتار نازارىنا «رەسپۋبليكالىق جانە وبلىستىق بيۋدجەتتەر, رەسپۋبليكالىق ماڭىزى بار قالا, استانا بيۋدجەتتەرى اراسىنداعى 2014-2016 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى» زاڭ جوباسى دا ۇسىنىلدى. بۇل رەتتە اكىمدەردىڭ قارجىلىق الەۋەتىن جانە جاۋاپكەرشىلىگىن ارتتىرۋ ماقساتىندا جەرگىلىكتى بيۋدجەتتىڭ شىعىس بولىگىنە وسى ۋاقىتقا دەيىن رەسپۋبليكالىق بيۋدجەتتىڭ ماقساتتى اعىمداعى ترانسفەرتتەرى ەسەبىنەن قارجىلاندىرىلىپ كەلگەن تۇراقتى شىعىندار تاپسىرىلعاندىعىن ايتا كەتۋ كەرەك. جالپى, بيۋدجەتتىك زاڭ جوبالارىنا قورىتىندى ازىرلەۋ مەرزىمى ۇستىمىزدەگى جىلدىڭ 23 قازانىنا دەيىن دەپ بەلگىلەندى. زاڭ جوبالارىنىڭ ماڭىزىنا توقتالعان ءماجىلىس توراعاسى پرەزيدەنت تاپسىرماسىنا سايكەس, پارلامەنت بيۋدجەتتى قاراۋدا ناقتى ناتيجە بولعاندىعىن كوزدەيتىندىگىن جەتكىزدى.
– بۇل جەردە ماسەلە تەك بيۋدجەت قارجىلارىنىڭ يگەرىلۋىندە عانا ەمەس, بولىنگەن قارجىلاردىڭ تيىمدىلىگى مەن ناقتى ناتيجەسىندە. بۇل بيۋدجەت كودەكسىندە دە ايقىن كورسەتىلگەن, – دەدى نۇرلان نىعماتۋلين. سپيكەر وسى ورايدا, ماسەلەن, ءبىلىم سالاسىندا ءۇش اۋىسىمدىق وقۋدى قىسقارتقان كەزدە, مەكتەپتەگى جۇكتەمەنىڭ قانشالىقتى ازاياتىندىعى, دەنساۋلىق ساقتاۋ سالاسىندا مەديتسينالىق قىزمەت ساپاسىنىڭ ارتۋى, تۇرعىن ءۇي قۇرىلىسىندا الەۋمەتتىك باسپاناعا كەزەكتىڭ قانشالىقتى قىسقاراتىندىعى باستى نازاردا بولۋعا تيىستىگىن ەرەكشە اتادى. «مەملەكەت قارجىسى جۇمسالاتىن ءىستىڭ بارلىعىندا ناقتى ناتيجە كەرەك. پارلامەنتتە بيۋدجەتتى قاراۋدا بۇدان باسقاشا بولۋى دا مۇمكىن ەمەس», دەپ قورىتتى ءسوزىن سپيكەر.
كەشەگى وتىرىستا سونداي-اق «قازاقستان رەسپۋبليكاسىنداعى «سايلاۋ تۋرالى» كونستيتۋتسيالىق زاڭ جوباسى ىلەسپە تۇزەتۋلەرىمەن بىرگە زاڭنامالىق اينالىمعا الىندى. سونىمەن قاتار, پالاتا «قازاقستان مەن قىتاي اراسىنداعى «قازاقستان-قىتاي» مۇناي قۇبىرىن دامىتۋ جانە پايدالانۋ كەزىندەگى ىنتىماقتاستىقتىڭ كەيبىر ماسەلەلەرى تۋرالى كەلىسىمدى راتيفيكاتسيالاۋ تۋرالى» زاڭ جوباسىن وندىرىسكە قابىلدادى. ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ مۇنايعا قاتىستى قۇجاتتىڭ نەگىزگى ماقساتى قازاقستاندىق مۇنايدىڭ تۇراقتى تۇردە جانە جىلىنا 20 ميلليون توننا جەتكىزىلىپ تۇرۋىن قامتاماسىز ەتۋ, سونىمەن بىرگە, قىتاي باعىتىنا مۇناي جەتكىزۋدە قازاقستاندىق جۇك تاسىمالداۋدىڭ بارلىق جاعدايىن جاساۋدى قاراستىرۋ ەكەندىگىن اتاپ كورسەتتى.
پالاتا «يننوۆاتسيالىق تەحنولوگيالار پاركى» يننوۆاتسيالىق كلاستەرى تۋرالى» زاڭ جوباسىن قاراۋعا الدى. زاڭ جوباسىنىڭ قابىلدانۋى پارك اۋماعىندا عىلىم جاڭالىقتارىنىڭ گەنەراتسياسى ءۇشىن جاعداي جاسايدى جانە ونىڭ كوممەرتسيالىق تۇردە ىسكە اسۋىنا جاعداي تۋعىزادى دەپ كۇتىلۋدە. سونىمەن بىرگە, زاڭدىق قۇجات «يننوۆاتسيالىق تەحنولوگيالار پاركى» يننوۆاتسيالىق كلاستەرى مارتەبەسىنىڭ قۇقىن جانە «يننوۆاتسيالىق تەحنولوگيالار پاركىنىڭ» ەكونوميكالىق اۋماعىن باسقارۋدىڭ ەرەكشەلىكتەرىن ايقىندايتىن بولادى. جانە دە يننوۆاتسيال ىق تەحنولوگيالار قورىنىڭ جەكە كلاستەرىنىڭ شەتەلدىك جۇمىس كۇشىن تارتۋداعى ەرەكشەلىكتەرىن بەكىتەدى. ساۋلەت, قالا قۇرىلىسى جانە قۇرىلىس قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوبالارى دا قاراۋعا الىندى.
اسقار تۇراپباي ۇلى,
«ەگەمەن قازاقستان».
