كەشە اقوردادا مەملەكەت باسشىسى نۇرسۇلتان نازارباەۆ سلوۆاكيانىڭ قازاقستانداعى توتەنشە جانە وكىلەتتى ەلشىسى پەتەر يۋزادان, گرۋزيانىڭ قازاقستانداعى توتەنشە جانە وكىلەتتى ەلشىسى زۋراب پاتارادزەدەن, موڭعوليانىڭ قازاقستانداعى توتەنشە جانە وكىلەتتى ەلشىسى جاگير سۋحەەدەن, قىتايدىڭ قازاقستانداعى توتەنشە جانە وكىلەتتى ەلشىسى لە يۋيچەننەن جانە فينليانديانىڭ قازاقستانداعى توتەنشە جانە وكىلەتتى ەلشىسى يلككا ۋنتو كالەرۆو رايسانەننەن سەنىم گراموتالارىن قابىلدادى.
كەشە اقوردادا مەملەكەت باسشىسى نۇرسۇلتان نازارباەۆ سلوۆاكيانىڭ قازاقستانداعى توتەنشە جانە وكىلەتتى ەلشىسى پەتەر يۋزادان, گرۋزيانىڭ قازاقستانداعى توتەنشە جانە وكىلەتتى ەلشىسى زۋراب پاتارادزەدەن, موڭعوليانىڭ قازاقستانداعى توتەنشە جانە وكىلەتتى ەلشىسى جاگير سۋحەەدەن, قىتايدىڭ قازاقستانداعى توتەنشە جانە وكىلەتتى ەلشىسى لە يۋيچەننەن جانە فينليانديانىڭ قازاقستانداعى توتەنشە جانە وكىلەتتى ەلشىسى يلككا ۋنتو كالەرۆو رايسانەننەن سەنىم گراموتالارىن قابىلدادى.
مەملەكەت باسشىسى ەلشىلەردى قازاقستان رەسپۋبليكاسىنداعى ديپلوماتيالىق ميسسيالارىنىڭ باستالۋىمەن قۇتتىقتاپ, ولاردىڭ قىزمەتتەرى سەنىم مەن ءوزارا تۇسىنىستىكتى نىعايتۋعا, ەكىجاقتى ىنتىماقتاستىق الەۋەتىن بارىنشا ارتتىرۋعا باعىتتالاتىنىنا سەنىم ءبىلدىردى. «ءبىزدىڭ ەلىمىز بۇگىنگى تاۋەلسىز دامۋدىڭ ماڭىزدى جانە جاۋاپتى كەزەڭىن باستان وتكىزىپ وتىر. وتكەن جىلعى جەلتوقساندا قازاقستاننىڭ 2050 جىلعا دەيىنگى دامۋ باعدارلاماسى قابىلداندى. ەلىمىزدە حالىقارالىق ماڭىزى بار بىرقاتار اۋقىمدى جوبالار ىسكە اسىپ جاتقانى ءمالىم. قازاقستاننىڭ ءتۇرلى قۇرلىقتاعى سەرىكتەستەرىنىڭ بىرلەسىپ كۇش سالۋىمەن ەلىمىزدە ءىرى «قاشاعان» مۇناي-گاز كەن ورنى ءوندىرىسى ەنگىزىلەيىن دەپ وتىر. «قورعاس – جەتىگەن» تەمىر جولى ىسكە قوسىلدى. «باتىس ەۋروپا – باتىس قىتاي» اۆتوماگيسترالدىك ءدالىزى ءجۇزەگە اسىرىلۋدا. ەلىمىزدىڭ رەسەيمەن جانە بەلارۋسپەن كەدەن وداعىنا جانە ءبىرتۇتاس ەكونوميكالىق كەڭىستىككە مۇشە بولۋىنىڭ ارقاسىندا قازاقستان نارىعىنىڭ مۇمكىندىكتەرى ارتا تۇسۋدە. جاڭارتىلعان جانە بالامالى ەنەرگيا كوزدەرىن دامىتۋ ءۇشىن ەلىمىزدە وزىق تەحنولوگيالار ماسەلەسى قولعا الىنىپ جاتىر. قازاقستاننىڭ «جاسىل ەكونوميكاعا» ءوتۋىنىڭ جاڭا تۇجىرىمداماسى بەكىتىلدى. استانادا «بولاشاقتىڭ ەنەرگياسى» تاقىرىبىندا ەكسپو-2017 حالىقارالىق مامانداندىرىلعان كورمەسى وتەتىن بولادى», دەدى ءوز سوزىندە مەملەكەت باسشىسى.
سونداي-اق, ەلباسى قازاقستانداعى اۋقىمدى جاڭالىقتار ەكونوميكالىق قانا ەمەس, ساياسي ولشەمدەردى دە قامتيتىنىن, بۇل رەتتە قازاقستان وڭىرلىك جانە الەمدىك كەزەكتى پروبلەمالاردى شەشۋگە بەلسەنە قاتىسىپ وتىرعانىن جەتكىزدى. «وعان ءبىزدىڭ ەقىۇ-عا, يسلام ىنتىماقتاستىعى ۇيىمىنا, ەۋرازيا ەكونوميكالىق قوعامداستىعىنا, شانحاي ىنتىماقتاستىق ۇيىمىنا, ۇجىمدىق قاۋىپسىزدىك شارت ۇيىمىنا جانە تۇركى كەڭەسىنە توراعالىق ەتكەنى دالەل. ءبىزدىڭ ەلىمىز اۋعانستاندى قالپىنا كەلتىرۋ ىسىندە الەمدىك قوعامداستىققا كومەك كورسەتىپ كەلەدى, سونداي-اق, يراننىڭ يادرولىق پروبلەماسىن شەشۋىنە دە ۇلەس قوسۋدا. بيىلعى جىلدىڭ كوكتەمىندە الماتىدا يران ءماسەلەسى بويىنشا حالىقارالىق كەلىسسوزدەر وتكىزىلدى. قازاقستان الداعى ۋاقىتتا دا حالىقارالىق ىلگەرىشىل باستامالاردى قولداپ, جاھاندىق جانە ءوڭىرلىك قاۋىپسىزدىككە ءوز ۇلەسىن قوسا بەرەتىن بولادى», دەدى ن.نازارباەۆ.
بۇدان كەيىن ەلباسى سەنىم گراموتالارىن تاپسىرعان ەلدەر مەن قازاقستان اراسىنداعى ىنتىماقتاستىقتىڭ دامۋ بارىسى جايىنا توقتالىپ ءوتتى. ماسەلەن, مەملەكەت باسشىسى قحر-مەن ىنتىماقتاستىق قازاقستاننىڭ سىرتقى ساياساتتاعى باسىم باعىتتارىنىڭ ءبىرى بولىپ تابىلاتىنىن, بۇل رەتتە جان-جاقتى سەرىكتەستىك رۋحىندا ەكىجاقتى ءوزارا ءىس-قيمىل قارقىنى ۇدايى ارتىپ كەلە جاتقانىن اتاپ ءوتتى. «بۇل قىتاي حالىق رەسپۋبليكاسىنىڭ توراعاسى سي ءتسزينپيننىڭ قازاقستانعا الداعى العاشقى مەملەكەتتىك ساپارىنىڭ ناتيجەسىندە جاڭاشا داميتىن بولماق. ءسىز ءبىزدىڭ حالقىمىزدىڭ اراسىنداعى سەنىم مەن ءوزارا تۇسىنىستىكتى ودان ءارى جالعاستىرا بەرۋگە كۇش سالاتىنىڭىزعا كامىل سەنەمىن», دەدى ن.نازارباەۆ قحر-ءدىڭ قازاقستانداعى ەلشىسىنە قاراتا ايتقان سوزىندە.
ال موڭعوليامەن اراداعى ىنتىماقتاستىققا توقتالعان قازاقستان پرەزيدەنتى بۇل ەلمەن ءوزارا ءىس-قيمىلدى جان-جاقتى دامىتۋعا دا جەتە ءمان بەرىلىپ كەلە جاتقانىن اتاپ ءوتتى. «ءبىزدىڭ ساياسي ۇنقاتىسۋ ورناتقان ۆەدومستۆولىق بايلانىستارىمىز بەن پارلامەنتتىك ىنتىماقتاستىعىمىز دامىپ كەلەدى. ۇكىمەتارالىق دەڭگەيدەگى ىسكەرلىك بايلانىستاردى جانداندىرۋعا كۇش سالۋىمىز كەرەك. بۇل رە
