ەلوردا • 09 ءساۋىر، 2020

جاڭا اۋرۋحانا 12 كۇندە سالىنادى

114 رەتكورسەتىلدى

الەمدى شارپىعان ىندەت ىرگەمىزگە ءىز سالعالى توتەنشە جاعداي ەنگىزىلىپ، بىرنەشە قالادا كارانتين جاريالانىپ، جان-جاقتى ساقتىق شارالارى جالعاسۋدا. قامسىز ءجۇرىپ، قايعىعا باتقان مەملەكەتتەردىڭ قادامىن قايتالاماۋ ءۇشىن ۇكىمەت تاراپىنان ۇزدىكسىز ەسكەرتۋلەر ايتىلىپ جاتقانى جاسىرىن ەمەس. اۋىرعانداردىڭ سانى جەتى جۇزدەن اسسا دا الاڭسىز جۇرگەندەر ءالى دە بار.

سۋرەتتەردى تۇسىرگەن ەرلان ومار، EQ

قىتايدا جاڭا ءتيپتى كوروناۆيرۋستى جۇقتىرعان ناۋ­قاس­تار­دىڭ العاشقى لەگى انىق­تالا باس­تاعاندا ۋحان قالاسىندا ءبىر اپتا­نىڭ ىشىندە ەمدەۋ مەكەمەسى سالى­نادى دەگەن اقپاراتتى بار­لى­عىمىز وقىپ باس شايقاعان ەدىك. ارينە الەۋەتى الەمدى مو­يىن­­داتقان قىتاي ءۇشىن بۇل جاڭا­لىق ەمەس. ىندەتتىڭ ءىزىن كەسىپ، اۋىر­عانداردىڭ احۋالىن ويلاپ، دەنە­سىندەگى دەرتتى دەر كەزىندە قۇ­رىقتاۋ ءۇشىن ەندى ەلىمىزدىڭ ءۇش قالاسىندا دا جەدەل تۇردە مە­دي­تسينالىق مەكەمە سالىنباق. مىنە، سارسەنبىنىڭ ساتىندە ءبىر توپ ەلوردالىق تىلشىلەر اۋرۋحانا قۇرىلىسىمەن تانىسىپ قايتتى.

تاڭمەن تالاسا جەتكەندە قۇ­رى­لىس الاڭىندا جۇمىس قاۋىرت ەكە­نىن بىردەن بايقادىق. باسشىسى دا، باسقاسى دا ءبارى وسىندا. اۋا رايىنىڭ سالقىندىعىنا قا­را­ماي، جۇمىسقا قىزۋ كىرىسكەن قۇ­رىلىسشىلار اۋقىمدى اۋرۋ­حا­نا­نىڭ تەزىرەك بىتكەنىن تىلەپ، سى­ر­قاتتانعانداردىڭ سىناعى جە­ڭىلدەسە دەيدى. ۇكىمەت مەدي­تسي­­نالىق مەكەمەلەردى قىسقا مەر­­زىمدە سالىپ، ىسكە قوسۋدى BI Group حولدينگىنە تاپسىرعان ەكەن. قازاقستاننىڭ جىلجىماي­تىن م ۇلىك نارىعىندا جيىرما جىلدان استام تاجىريبەسى بار كوشباسشى كومپانيا ءۇمىت ۇدەسىنەن شىعاتىنىنا سەنىم بار. اتالعان حولدينگتىڭ ديرەكتورلار كەڭەسىنىڭ توراعاسى ايدىن راقىمباەۆ ەلورداداعى ەمدەۋ مەكەمەسىنىڭ قۇرىلىسىن 12 كۇندە ءبىتىرۋدى جوس­پار­لا­عان­دا­رىن جەتكىزدى.

ء«بىز 5 ساۋىردە 200 توسەك-ورىن­دىق اۋرۋحانانىڭ قۇرىلىسىن باس­تادىق، ىرگەتاسىنا 2 مىڭ تەكشە مەتر بەتون قۇيدىق. كەشە جەلى­لىك بايلانىس، تەمىربەتون بلوك­تارىن مونتاجداۋ جانە باسقا دا جۇمىستار باستالدى. ءبىزدىڭ كوپتەگەن بولىمشەمىز بەن مەردىگەرلەردەن قۇرالعان 500 ادام­نان تۇراتىن كوماندا ءۇش اۋىسىمدا، ياعني تاۋلىك بويى جۇمىس ىستەۋدە. اۋرۋحانا ۋاقىتشا ەمەس، تەمىربەتون بۇ­يىم­­دارىنان ورناتىلىپ، سول­تۇس­تىكتىڭ كليما­تى ءۇشىن شىدامدى، كەم دەگەن­دە 50 جىل بويى ۇز­دىكسىز جۇمىس ىستەيدى دەپ ايتا الا­مىز. اتالعان قۇرىلىستى
12 كۇندە ءبىتىرۋدى جوسپارلاپ وتىرمىز. دارىگەرلەر مەن اۋرۋحانا قىزمەتكەرلەرىنەن قالىسپاي، ءبىز دە كۇنى-ءتۇنى جۇمىستامىز. الدا سىناق كوپ بولعانىمەن، العان بەتىمىزدەن قايتپايمىز»، دەيدى ا.راقىمباەۆ.

سونىمەن قاتار كومپانيا وكىل­دەرى بۇل قۇرىلىس جو­باسىنان حولدينگ ءبىر تيىن پايدا كور­مەي­تىنىن ايتتى.

4

بۇل ماڭىزدى جوبا تۋرا­لى شەشىمدى پرەزيدەنت جانىن­داعى توتەنشە جاعداي رەجى­مىن قامتاماسىز ەتۋ جونىندەگى مەم­لە­­كەت­تىك كوميسسيا قابىلداعان. جاڭا نىساندار دارىگەرلەردىڭ رە­زەر­ۆتىك مۇمكىندىكتەرىن كەڭەي­تىپ، ناۋ­قاس­تار­عا ۋاقتىلى كومەك كورسەتۋگە كەپىلدىك بەرەدى. باسقا ەلدەردەگى جەدەل سالىناتىن اۋرۋحانالارعا قاراعاندا، ەلىمىزدەگى ءۇش مەكەمە ۇزاق جۇمىس مەرزىمىنە جوسپارلانعان. اتالعان اۋرۋحانالار ىندەتتەن كەيىن قاراپايىم مەديتسينالىق مەكەمە رەتىندە جۇمىسىن جالعاستىرادى. ەلوردا­دا­عى ينفەكتسيالىق اۋرۋحانا 200 ورىندى (رەانيماتسياداعى 20 ورىندى قوسقاندا) قامتيدى دەپ جوسپارلانىپ وتىر. الما­تى­­داعى نىسان 280 ورىنعا ەسەپ­تەل­­سە، شىمكەنتتەگى اۋرۋحانا 200 ناۋقاستى قابىلداي الاتىن بولادى. ەمدەۋ مەكەمەسىنىڭ سىيىمدىلىعى قاجەت بولعان جاعدايدا ەكى ەسەلەنۋى مۇمكىن. اۋرۋحانالاردا كارانتين، قار­قىن­دى تەراپيا، رەانيماتسيا اي­ماق­تارى قاراستىرىلعان. ولار بيو­حيميالىق زەرتحانالارمەن، رەنتگەن كابينەتتەرىمەن جانە كوم­پيۋتەرلىك توموگرافيامەن جاب­دىقتالادى. وعان قوسا، اۋرۋحانا پالاتالارىنداعى قالىپتى قىسىمدى قامتاماسىز ەتەتىن ارنايى جەلدەتۋ جۇيەسىنىڭ ورناتىلۋى وتە ماڭىزدى. بۇل مەديتسينا قىزمەتكەرلەرىنە توندىرەتىن قاۋىپتى سەيىلتۋگە مۇمكىندىك بەرە­دى.

ەلورداداعى نىساننىڭ جەر جۇمىستارى الدىن الا جۇرگىزىلىپ، قۇرىلىس 5 ساۋىردە باستالعانىن ايتتىق. قازىرگى ۋاقىتتا ين­جەنەر­لىك جەلىلەردى مونتاجداۋ جۇمىستارى اياقتالىپ، نە­مىس تەحنولوگياسى بويىنشا MODEX زاۋىتىندا جاسالعان مو­دۋل­دىك تەمىربەتون بلوكتار ور­ناتىلۋدا. ەلىمىزدىڭ باسقا قالا­لارىندا دا دايىندىق قىزۋ جۇرگىزىلۋدە. الماتى قالاسىندا قۇرىلىس بۇگىن باستالادى. ال شىمكەنتتە جوبا پارامەترلەرىن تۇزەتۋ جۇمىستارى جاسالۋدا. كومپانيا قىزمەتكەرلەرىنىڭ سوزىنە سۇيەنسەك، اكىمدىكتەر مەن مەملەكەتتىك ورگاندار قۇرىلىسقا ارنالعان قۇجاتتامانى دا­يىن­داپ، ءوز كەزەگىندە جوبا ءۇشىن قا­جەتتى قولداۋدى كورسەتۋدە. سو­نىمەن قاتار كارانتين جاع­داي­ىندا قۇرىلىسشىلاردى، تەحنيكانى جانە قاجەتتى جۇك­تەر­دى جەتكىزۋ مەن ولاردىڭ ەش كە­دەرگىسىز جۇمىس ىستەۋى ءۇشىن تو­لىق مەديتسينالىق باقىلاۋ جۇر­گى­زىلىپ، «جاسىل دالىزدەرمەن» قام­تاماسىز ەتىلگەن.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار