ەلباسى • 08 ءساۋىر، 2020

ۇلتتىق قور مەن التىن-ۆاليۋتا قورىندا $90 ملرد-تان استام قاراجات بار

39 رەتكورسەتىلدى

ەلباسى «Egemen Qazaqstan» گازەتىنىڭ بۇگىنگى سانىندا جاريالانعان ماقالاسىندا ۇكىمەت پەن جەرگىلىكتى اتقارۋ ورگاندارىنا ۋاقىتشا قيىندىقتان شىعۋعا بارلىق كۇش-قۋاتتى جۇمىلدىرۋ قاجەت ەكەنىن باسا ايتتى.

«قازىرگى قازاقستاندى كەڭەس وداعى ىدىراعان وتكەن عاسىردىڭ 90-جىلدارىنداعى قازاقستانمەن سالىستىرۋعا بولمايدى. بىزدە وسىنداي قيىندىق تۋعاندا ەشكىمگە الاقان جايماۋ ءۇشىن، ۇرپاق قامى، ەل بولاشاعى ءۇشىن جيناقتالعان ۇلتتىق قور مەن التىن-ۆاليۋتا قورىندا 90 ميلليارد اقش دوللارىنان استام قاراجات بار. رەتىمەن، ۇنەمدى پايدالانار بولساق، ول بۇگىن باسىمىزعا تۇسكەن تاعدىر مەن تاريح سىنىنان ەڭسەمىزدى تىك ۇستاپ وتۋىمىزگە مول مۇمكىندىك بەرەدى» دەلىنگەن ماقالادا.

ن.نازارباەۆ ۇلتتىق قوردى ساقتاپ قالۋ ارقىلى حالىققا الەۋمەتتىك كومەك بەرۋ مۇمكىندىگى تۋىپ وتىرعانىن باسا ايتتى.  

«ەل پرەزيدەنتى    قاسىم-جومارت كەمەل ۇلى توقاەۆ حالىققا ارناعان تاياۋداعى ۇندەۋىندە بارلىق الەۋمەتتىك توپتارعا، كاسىپكەرلەرگە، اۋىل شارۋاشىلىعى سالاسىنا كورسەتىلەتىن الۋان ءتۇرلى كومەك تۋرالى جان-جاقتى ماعلۇمات بەردى. ەگەر قازاقستاننىڭ ۇلتتىق ەكونوميكاداعى قول جەتكىزگەن تابىستارى مەن جوعارىدا اتالعان قور قۇرىلماسا، مۇنىڭ ءبىرى دە بولماس ەدى. كەزىندە سونىڭ ءبارىن تاراتىپ بەرەيىك دەگەندەر دە بولعان، بىراق ءومىر ءبىز قابىلداعان شەشىمنىڭ دۇرىس بولعانىن كورسەتتى»،- دەدى ەلىمىزدىڭ تۇڭعىش پرەزيدەنتى.

ەلباسى: «ەندى ۇكىمەت پەن جەرگىلىكتى اتقارۋ ورگاندارى سونى ۇنەمدى تۇردە، رەت-رەتىمەن ورىنداۋعا كىرىسۋى كەرەك. ءار مينيستر، ءاربىر وبلىس، قالا جانە اۋدان باسشىلارى جۇيەمەن، تارتىپپەن، ۇيلەسىممەن، ناقتى جوسپارمەن، نىق سەنىممەن ارەكەت ەتىپ، ۋاقىتشا قيىندىقتان شىعۋعا بارلىق كۇش-قۋاتتى جۇمىلدىرۋى قاجەت. «Nur Otan» پارتياسىنىڭ مۇشەلەرى دە وسى ءبىر ساۋاپتى ءىستىڭ الدىڭعى قاتارىنان تابىلۋعا ءتيىس» ەكەنىن قوسا ايتتى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار