2013 جىلعى 25 ماۋسىم, استانا قالاسى
«عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىنىڭ قىزمەتىن باعالاۋ ادىستەمەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ مىندەتىن اتقارۋشىنىڭ 2011 جىلعى 15 شىلدەدەگى №309 بۇيرىعىنا وزگەرىستەر ەنگىزۋ تۋرالى
بۇيىرامىن:
1. «عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىنىڭ قىزمەتىن باعالاۋ ادىستەمەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ مىندەتىن اتقارۋشىنىڭ 2011 جىلعى 15 شىلدەدەگى №309 بۇيرىعىنا (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە №7106 تىركەلگەن, «ەگەمەن قازاقستان» گازەتىنىڭ 2011 جىلعى 12 تامىزداعى №360-367 نومىرىندە جاريالانعان) مىناداي وزگەرىستەر ەنىزىلسىن:
كورسەتىلگەن بۇيرىقپەن بەكىتىلگەن عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىنىڭ قىزمەتىن باعالاۋ ادىستەمەسىندە:
ءۇشىنشى بولىگى مىناداي رەداكتسيادا جازىلسىن:
«ۋاكىلەتتى ورگان عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىنىڭ قىزمەتىن باعالاۋ رەيتينگىن سوڭعى 5 جىلداعى مالىمەتتەردىڭ نەگىزىندە ايقىندايدى. ەگەر سۋبەكتىنىڭ قىزمەت كەزەڭى 5 جىلدان اسپايتىن بولسا, وندا باعالاۋ رەيتينگى بارلىق كەزەڭ بويىنشا ايقىندالادى».
2. ءبىلىم جانە عىلىم سالاسىنداعى باقىلاۋ كوميتەتى (س.ا.ىرساليەۆ):
1) وسى بۇيرىقتى بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن;
2) وسى بۇيرىقتى مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا جاريالاسىن;
3. وسى بۇيرىقتىڭ ورىندالۋىن باقىلاۋ ءبىلىم جانە عىلىم ۆيتسە-ءمينيسترى م.ق. ورىنحانوۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ب.جۇماعۇلوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 11 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8570 بولىپ ەنگىزىلدى.
