2013 جىلعى 26 تامىز, استانا, ۇكىمەت ءۇيى
كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ قاعيدالارىن بەكىتۋ تۋرالى
«جول ءجۇرىسى قاۋىپسىزدىگى تۋرالى» 1996 جىلعى 15 شiلدەدەگi قازاقستان رەسپۋبليكاسى زاڭىنىڭ 6-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدi:
1. قوسا بەرiلiپ وتىرعان كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ قاعيدالارى بەكىتىلسiن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 26 تامىزداعى №851 قاۋلىسىمەن بەكىتىلگەن
كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ قاعيدالارى
1. جالپى ەرەجەلەر
1. كولiك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرiن مەملەكەتتiك تiركەۋ جانە ەسەپكە الۋ قاعيدالارى (بۇدان ءارى – قاعيدالار) كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىن تiركەۋدىڭ جانە ەسەپكە الۋدىڭ بiرىڭعاي ءتارتiبىن بەلگىلەيدى.
2. قاعيدالار حالىقارالىق قوزعالىسقا قاتىساتىن باسقا مەملەكەتتىڭ قۇزىرەتتى ورگانىندا تىركەلگەن جانە قازاقستان رەسپۋبليكاسىنا ەكى ايدان اسپايتىن مەرزىمگە اكەلىنگەن كولىك قۇرالدارىنا قولدانىلمايدى.
3. قارۋلى كۇشتەردىڭ, قازاقستان رەسپۋبليكاسىنىڭ باسقا اسكەرلەرى مەن اسكەري قۇرىلىمدارىنىڭ كولىك قۇرالدارى قورعانىس ىستەرى جونىندەگى ۋاكىلەتتى ورگان بەلگىلەيتىن تارتىپپەن تىركەلەدى.
4. وسى قاعيدالاردا مىناداي ۇعىمدار پايدالانىلادى:
1) قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق كورپۋسىمەن جۇمىس جونىندەگى ۇيىم – قازاقستان رەسپۋبليكاسىندا تىركەلگەن ديپلوماتيالىق وكىلدىكتەرمەن, حالىقارالىق ۇيىمدارمەن جانە/نەمەسە ولاردىڭ وكىلدىكتەرىمەن, كونسۋلدىق مەكەمەلەرمەن جانە قازاقستان رەسپۋبليكاسىندا اككرەديتتەلگەن ولاردىڭ قىزمەتكەرلەرىمەن جۇمىس جونىندەگى قازاقستان رەسپۋبليكاسى سىرتقى ىستەر مينيسترلىگىنىڭ ۋاكىلەتتى ۇيىمى;
2) كولىك قۇرالدارىن جانە ولارعا تىركەمەلەردى مەملەكەتتىك تىركەۋ (بۇدان ءارى – كولىك قۇرالدارى) – تىركەۋ قۇجاتتارىن جانە مەملەكەتتىك تىركەۋ ءنومىرى بەلگىلەرىن (بۇدان ءارى – متنب) بەرە وتىرىپ, كولىك قۇرالدارىنىڭ جەكەلەگەن تۇرلەرىنىڭ جالپى پايدالانۋداعى جولدار بويىنشا جول قوزعالىسىنا قاتىسۋىنا رۇقسات بەرۋدى جۇزەگە اسىرۋ ماقساتىنداعى ىشكى ىستەر ورگاندارىنىڭ (بۇدان ءارى – ءىىو) قىزمەتى;
3) كولىك قۇرالىن ەسەپتەن شىعارۋ – مەنشىك يەسى مەكەنجايىنىڭ وزگەرۋىنە بايلانىستى كولىك قۇرالىنىڭ تىركەلگەن جەرىن وزگەرتۋگە, مەنشىك قۇقىعىنىڭ وزگەرۋىنە بايلانىستى يەلەنۋ قۇقىعىن توقتاتۋعا, كەيىننەن مامىلە جاساۋعا, كادەگە جاراتۋعا (جارامسىز دەپ بەلگىلەۋگە, ەسەپتەن شىعارۋعا), يەسىنىڭ ءوتىنىشى بويىنشا جول قوزعالىسىنا قاتىسۋعا رۇقساتتى ۋاقىتشا توقتاتۋعا, ۋاقىتشا اكەتۋدى قوسپاعاندا, كولىك قۇرالىن قازاقستان رەسپۋبليكاسىنان تىس جەرلەرگە اكەتۋگە, كولىك قۇرالىن مەنشىك يەسىنىڭ زاڭدى يەلىگىنەن شىعارۋعا (ايداپ اكەتۋ, ۇرلاۋ) باعىتتالعان ءىىو قىزمەتى;
4) كولىك قۇرالدارىن مەملەكەتتىك تىركەۋدىڭ بىرىڭعاي اقپاراتتىق جۇيەسى (بۇدان ءارى - باج) – كولىك قۇرالدارىنىڭ سايكەستەندىرۋ ءنومىرى مىندەتتى تۇردە كورسەتىلگەن كولىك قۇرالدارى جانە ولاردىڭ يەلەرى, سونداي-اق كولىك قۇرالدارىن تىركەۋ تۋرالى بەرىلگەن كۋالىكتەر (بۇدان ءارى – كقتك) جانە متنب تۋرالى مالىمەتتەردى ورتالىقتاندىرىلعان ەسەپكە الۋدى قامتاماسىز ەتەتىن مەملەكەتتىك اقپاراتتىق جۇيە;
5) كولىك قۇرالدارىن تىركەۋدەگى وزگەرىستەر – ازاماتتىق زاڭنامادا بەلگىلەنگەن قۇقىقتىق نەگىزدەر بولعان كەزدە باج (ەسەپتىك مالىمەتتەر) جانە متنب-گە وزگەرىستەر مەن تولىقتىرۋلار ەنگىزۋ;
6) كولىك قۇرالىنىڭ سايكەستەندىرۋ ءنومىرى – باج-دا كولىك قۇرالىن سايكەستەندىرۋدى جۇرگىزۋگە مۇمكىندىك بەرەتىن, كولىك قۇرالىن شىعارۋشى بەرگەن, تىزبەكتەلگەن ارىپتىك-تسيفرلىق بەلگىلەر تۇرىندە كورسەتىلگەن كولىك قۇرالىنىڭ جەكە سەريالىق ءنومىرى;
7) كولىك قۇرالىنىڭ يەسى – ازاماتتىق زاڭناماعا سايكەس كولىك قۇرالىنىڭ مەنشىك يەسى, سونداي-اق كولىك قۇرالىن شارۋاشىلىق جۇرگىزۋ قۇقىعىندا نەمەسە جەدەل باسقارۋ قۇقىعىندا يەلەنەتىن ادام;
8) كقتك – وزگەرىستەر باج ارقىلى عانا ەنگىزىلەتىن جول قوزعالىسىنا قاتىسۋعا رۇقساتتى راستايتىن قۇجات;
9) متنب – مەملەكەتتىڭ مەنشىگى بولىپ تابىلاتىن جانە جول قوزعالىسى قاۋىپسىزدىگى سالاسىنداعى ۋاكىلەتتى ورگان كولىك قۇرالىنا بەرەتىن جانە تەحنيكالىق رەتتەۋ جانە مەترولوگيا جونىندەگى ۋاكىلەتتى ورگان بەكىتكەن ستاندارت تالاپتارىنا سايكەس جاسالعان جەكە ارىپتىك-ساندىق بەلگىنى قامتيتىن باج-دا تىركەلگەن ءون
