تاياۋدا الماتى وبلىسى مەن الماتى قالاسىنىڭ مادەنيەت كۇندەرى جەتىسۋدىڭ كىندىك قالاسى تالدىقورعاندا باستالىپ, قاسكەلەڭ قالاسىندا جالعاسىن تاپتى.
تاياۋدا الماتى وبلىسى مەن الماتى قالاسىنىڭ مادەنيەت كۇندەرى جەتىسۋدىڭ كىندىك قالاسى تالدىقورعاندا باستالىپ, قاسكەلەڭ قالاسىندا جالعاسىن تاپتى.
«ەلباسى تاپسىرماسىنا سايكەس, اعىمداعى جىلدىڭ ءساۋىرىنەن باستاپ, وبلىستار اراسىندا مادەنيەت اپتالىعى وتكىزىلە باستالعانى ءمالىم. سول ءداستۇرلى شارا اياسىندا اقپاراتتىق جانە مادەني جەتىستىكتەر الماسىلىپ, الەۋمەتتىك-ەكونوميكالىق بايلانىستار نىعايا ءتۇستى. نەگىزى الماتى قالاسى مەن الماتى وبلىسىنىڭ ۇقساستىعى تەك الماتى دەگەن اتاۋىندا عانا ەمەس تۇرعىندارىنىڭ ءال-اۋقاتى مەن رۋحاني دامۋىنا دا بايلانىستى. وڭتۇستىك استانا ماڭىندا ازىق-ت ۇلىك بەلدەۋىن قالىپتاستىرۋ ماقساتىندا ءبىزدىڭ ءوڭىردىڭ اۋىلشارۋاشىلىق ونىمدەرىن وندىرۋشىلەرىنىڭ ءجارمەڭكەسى قالادا جىل سايىن ۇيىمداستىرىلىپ كەلەدى. سونداي-اق ساۋدا, ونەركاسىپ, تۋريزم, ءبىلىم, تاعى باسقا سالالار بويىنشا تىعىز قارىم-قاتىناس ورناعان», دەدى الماتى وبلىسى اكىمىنىڭ ورىنباسارى سەرىك مۇقانوۆ.
ءوز كەزەگىندە الماتى قالاسى اكىمىنىڭ ورىنباسارى زاۋرەش امانجولوۆا التى جىلدان بەرى كۇزگە سالىم الماتىلىقتار اسىعا كۇتەتىن «جەتىسۋ جارمەڭكەلەرىندە» ساپالى ونىمدەر باعاسى قارا بازارداعىدان 20-22 پايىزعا ارزان باعامەن ساتىلاتىندىعىن جانە ءبۇگىنگى ءومىر جەتىستىكتەرى بولاشاقتا مادەنيەت مايەگىمەن ولشەنەتىندىگىن باسا ايتتى.
قازاقستاننىڭ حالىق ءارتىسى, جەزتاڭداي ءانشى نۇرعالي ءنۇسىپجانوۆ باستاعان ونەر مايتالماندارى تامىلجىتا ءان سالىپ, قۇيقىلجىتا كۇي توگىپ, مىڭ بۇرالا بيلەگەندە ەل جادىراپ, شادىمان شاتتىققا بولەندى.
نۇربول الدىباەۆ,
«ەگەمەن قازاقستان».
الماتى وبلىسى.
