بۇل ىندەتتىڭ ۇرەيى, داقپىرتى ءبىر بولەك بولىپ تۇر. قاۋىپتى ينفەكتسيانى جۇقتىرعانداردىڭ كۇن ساناپ ارتىپ بارا جاتقانى الاڭداتىپ وتىر. وسى ورايدا ق.توقاەۆ ءوز سوزىندە ىندەتتى جۇقتىرعان ازاماتتارعا قولداۋ بىلدىرەتىنىن, اۋرۋ قاۋىپتى بولعانمەن, ودان ەمدەلۋگە بولاتىنىن جانە بۇل ءۇشىن بارلىق جاعداي جاسالاتىنىن ايتىپ, ولاردى ەش مويىماۋعا شاقىردى. بۇل – قازىرگى قوعامعا زور قولداۋ. سوندىقتان وسىنداي ۋاقىتشا قيىندىق كەزەڭىندە دۇربەلەڭ تۋدىرۋعا جول بەرىلمەۋى ءتيىس. ءاربىر ۇجىم, ءاربىر ازامات وسىنداي اسا ماڭىزدى كەزەڭدە مەملەكەتكە قولداۋ كورسەتۋى كەرەك.
مەملەكەت باسشىسىنىڭ تاپسىرماسىن ورىنداۋعا ءبىزدىڭ ۋنيۆەرسيتەتىمىز دە ءوز ۇلەسىن قوسۋدا. اتاپ ايتساق, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى پرەزيدەنتتىڭ توتەنشە جاعداي ەنگىزۋ تۋرالى جارلىعىنا بايلانىستى وقۋ پروتسەسىن تولىعىمەن قاشىقتان وقىتۋ رەجىمىنە اۋىستىرۋدى ءوز ۋاقىتىندا ءارى جوعارى دەڭگەيدە ۇيىمداستىردى. بۇعان ۋنيۆەرسيتەتىمىزدە سوڭعى 5 جىلدان بەرى ءساتتى جۇمىس ىستەيتىن ءارى ماگيستراتۋرا باعدارلاماسى بويىنشا تولىق اپروباتسيادان وتكەن كازتەپ (قازاق تىلىندە قاشىقتىقتان ءبىلىم بەرۋ) قاشىقتان وقىتۋ جۇيەسى سەبەپ بولدى. بۇل جۇيە قاشىقتان وقىتۋ بويىنشا تۇركيا تاجىريبەسى نەگىزىندە تۇركيالىق ماماندارمەن بىرلەسە قۇرىلعان. بۇدان بولەك ستۋدەنتتەرمەن كەرى بايلانىس ورناتۋ ماقساتىندا Call ورتالىق جۇمىس ىستەيدى.
بولاتبەك ءابدىراسىلوۆ,
قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ رەكتورى
