قازاقستان • 05 ءساۋىر، 2020

دسم ەلىمىزدىڭ ءۇش ءىرى قالاسىندا جۇقپالى اۋرۋلار اۋرۋحاناسىن سالۋدى ۇسىندى

34 رەتكورسەتىلدى

ءبىزدىڭ ەلىمىزدە قابىلدانعان قاتاڭ كارانتيندىك شارالار كوروناۆيرۋستىق ينفەكتسيانىڭ تارالۋ قارقىنىن 28 ناۋرىزدا 52%-دان كەشەگى تاۋلىكتە 12%-عا دەيىن تومەندەتۋگە مۇمكىندىك بەردى. بۇل بىزگە سانيتارلىق جانە مەديتسينالىق قىزمەتتەرگە شۇعىل جۇكتەمەنى ازايتۋعا جانە اۋىرعان ادامدارعا ءتيىمدى كومەك كورسەتۋگە مۇمكىندىك بەرەدى.

بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ facebook-پاراقشاسىندا جازدى. 

«سونىمەن قاتار ەلىمىزدە سىرقاتتانعانداردىڭ جالپى سانىنىڭ ءوسۋى بايقالادى. باسقا ەلدەردىڭ تاجىريبەسى اۋرۋدىڭ نەگىزگى كەزەڭى ءساۋىر-مامىر ايلارىندا، ءساۋىردىڭ ءبىرىنشى جارتىسىندا جاعداي كۇردەلەنەدى دەپ بولجاۋعا مۇمكىندىك بەرەدى. وسى كەزەڭدە ءبىز 3500-گە جۋىق ادام جۇقتىرۋى مۇمكىن ەكەنىن بولجاپ وتىرمىز (قازىر 551).
الداعى ۋاقىتتا، جاز ايلارىندا ەپيدەميولوگتار ىندەتتىڭ تولىق توقتاتىلۋىنا قاراماستان قارقىنىنىڭ تومەندەۋىن كۇتۋدە. كەيبىر ساراپشىلار وسى جىلدىڭ كۇزىندە ەپيدەميانىڭ قايتادان ماۋسىمدىق كوتەرىلۋىن جوققا شىعارمايدى.

سوندىقتان دا ءبىز ءۇشىن ىندەت كەزەڭىندە دە، ۇزاق مەرزىمدى كەزەڭدە دە بارلىق مۇقتاجدارعا تولىققاندى مەديتسينالىق كومەك كورسەتۋگە جان-جاقتى ءازىر بولۋىمىز ەرەكشە ماڭىزعا يە» دەپ دازدى مينيستر.

سونداي-اق ەلجان ءبىرتانوۆ وسى كومەكتى كورسەتۋ ءۇشىن كوروناۆيرۋستىق ينفەكتسيامەن اۋىراتىن ناۋقاستاردى ەمدەۋگە ارنالعان 3920 ينفەكتسيالىق توسەك-ورىن، سونداي-اق وعان كۇدىكتى پاتسيەنتتەر ءۇشىن 7300-گە جۋىق پروۆيزورلىق توسەك ورىن جابدىقتالعانىن ايتتى. سونداي-اق، ءمينيستردىڭ جازۋىنشا، 170 وكپەنى جاساندى جەلدەتۋ اپپاراتىمەن ء(وجج) جانە 38 قاننىڭ ەكستراكورپورالدىق مەمبرانالىق وكسيگەناتسياسى اپپاراتىمەن (ەكمو) جابدىقتالعان 180 اۋىر ناۋقاستى قابىلداۋعا ارنالعان رەانيماتسيالىق بولىمشەلەر دە دايىن.

«الايدا، ورتا ەسەپپەن ەمدەلۋشىلەر جۇقپالى اۋرۋلار اۋرۋحاناسىندا 3-4 اپتا وتكىزەتىنىن، سونداي-اق، ەلدى مەكەندەردىڭ تىنىس-تىرشىلىگىن قامتاماسىز ەتۋگە تارتىلعان كاسىپورىندار مەن قىزمەتتەر ۇجىمدارىندا - مەديتسينا قىزمەتكەرلەرى، پوليتسيا، قارۋلى كۇشتەر جانە ت.ب. ينفەكتسيانىڭ پايدا بولۋ قاۋپى بار ەكەندىگىن ەسكەرە وتىرىپ، بىزگە توسەك-ورىندار مەن ارنايى اۋرۋحانالاردىڭ كوپ سانى تالاپ ەتىلەدى.

بۇل رەتتە ولار ينفەكتسيالىق قاۋىپسىزدىك تالاپتارىنا ساي بولۋى وتە ماڭىزدى: بوكستالعان پالاتالار، ەرەكشە جەلدەتۋ جۇيەسى، سونىڭ ىشىندە رەانيماتسيالىق پالاتالاردا تەرىس قىسىم، شليۋزدىك ءبولۋ "تازا" جانە "لاس" ايماقتارعا جانە ت.ب. ءبىز قىتايدا مۇنداي تەز سالىناتىن اۋرۋحانالار قالاي پايدالانىلعانىن كوردىك. ءبىز اقش، يتاليا جانە باسقا ەۋروپالىق ەلدەردەگى ادەتتەگى اۋرۋحانالارعا قانداي اۋىر جۇكتەمە بار ەكەنىن كورىپ وتىرمىز. كوپتەگەن ەل پاتسيەنتتەردىڭ جۇقپالى قاۋىپسىزدىگى مەن مەديتسينالىق قىزمەتكەرلەردىڭ قاجەتتى تەحنولوگيالارىنسىز بەيىمدەلمەگەن وبەكتىلەردى، سپورت عيماراتتارىن پايدالانۋعا ءماجبۇر» دەپ جازدى دەنساۋلىق ساقتاۋ ءمينيسترى.

ەلجان ءبىرتانوۆتىڭ ايتۋىنشا، ءدال وسىنى ەسكەرە وتىرىپ، دەنساۋلىق ساقتاۋ مينيسترلىگى اسا ءىرى قالالاردا - نۇر-سۇلتان، الماتى جانە شىمكەنت قالالارىندا كەمىندە ءۇش جۇقپالى اۋرۋلار اۋرۋحاناسىن ء(بىرىنشى كەزەڭدە 200-300 ورىن) شۇعىل تۇردە سالۋ قاجەتتىگى تۋرالى ۇسىنىس ەنگىزگەن. جەرگىلىكتى اتقارۋشى ورگاندار وسى جوبالاردى ىسكە اسىرۋعا جاۋاپتى.

ونىڭ جازۋىنا قاراعاندا، قۇرىلىس كومپانيالارى وسى ماسەلەدە ۇلكەن كومەك كورسەتىپ، قولداۋ كورسەتىپ جاتىر. قىسقا مەرزىمدە (15-20 كۇن) قۇرىلىستى اياقتاۋ جوسپارلانۋدا. جەدەل تەحنولوگيالار، دايىن بلوكتىق-مودۋلدىك شەشىمدەر، ينفەكتسيالىق قاۋىپسىزدىكتىڭ قازىرگى زامانعى جۇيەلەرى پايدالانىلادى، قاجەتتى مەديتسينالىق جانە زەرتحانالىق جابدىقتار ورناتىلادى.

«مۇنداي شارالار ءبىزدىڭ ەلىمىزدىڭ كوروناۆيرۋس پاندەمياسىنىڭ قازىر سالدارىن عانا ەمەس، سونداي-اق كەيىننەن بولۋى مۇمكىن ىندەتتەرگە دەن قويۋ جانە جويۋ مۇمكىندىكتەرىن نىعايتۋعا مۇمكىندىك بەرەدى!

الەم وسىنداي جاھاندىق جانە اگرەسسيۆتى سىن-قاتەرلەرگە دايىن ەمەس ەكەنىن مويىنداۋ قاجەت. دەنساۋلىق ساقتاۋ جۇيەسى نەگىزىنەن "مىنەز-ق ۇلىقتىق" سوزىلمالى ينفەكتسيالىق ەمەس اۋرۋلارعا (ديابەت، گيپەرتونيا، ونكولوگيا جانە ت.ب.) اۋىستى. البەتتە، قوعامدىق دەنساۋلىق ساقتاۋ جۇيەسىن قايتا قۇرۋ جانە جاقىن ارادا وسىنداي جاعدايلارعا دايىن بولۋ كەرەك!

وسى جاعدايدى پايدالانا وتىرىپ، كوروناۆيرۋستى ينفەكتسيانىڭ پاندەمياسىنا قارسى ارەكەت ەتۋ جونىندەگى ءبىزدىڭ جۇمىسىمىزدى تۇسىنگەنى جانە قولداعانى ءۇشىن حالقىمىزعا العىسىمدى بىلدىرگىم كەلەدى. سونداي-اق رەسمي كوزدەردەن الىنعان اقپاراتقا عانا سەنۋدى، وسى سالاداعى جاۋاپتى مامانداردىڭ پىكىرىنە قۇلاق اسۋدى سۇرايمىن.

وسى توتەنشە جانە شۇعىل شارالاردىڭ بارلىعى ءبىزدىڭ حالقىمىزدىڭ دەنساۋلىعى ءۇشىن عانا ىسكە اسىرىلادى!

ءبىز بىرگە جەڭەمىز! ءبىز بىرگەمىز!» دەپ اياقتادى جازباسىن مينيستر.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار