قازاقستان • 04 ءساۋىر، 2020

قازاقستاندىق سپورتشىلار ساۋاپتى ىسكە مۇرىندىق بولدى

161 رەتكورسەتىلدى

قازاقستان سپورتشىلارى نۇر-سۇلتان قالاسىنىڭ جالعىزباستى قارتتارىنا ىستىق تاماق  جەتكىزۋدى  قولعا الدى.

 

الماتى قالاسىندا جانە باسقا دا بىرقاتار وڭىردە باستالعان كارانتين كەزەڭىندە جالعىزباستى قاريالارعا  ىستىق تاماق جەتكىزۋ  تۋرالى  قازاقستان سپورتشىلارىنىڭ  #Bizbirgemiz اكتسياسى نۇر-سۇلتان قالاسىندا قولداۋ تاپتى.

ك

بۇل باستاما بيزنەس پەن بۇقارانى حالىققا كومەك كورسەتۋگە شاقىرعان ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ ۇندەۋىن قولداۋ ماقساتىندا جۇزەگە اسىرىلۋدا.

ە

بۇگىن Nur Otan پارتياسى Nomad MMA رەسپۋبليكالىق فەدەراتسياسىمەن بىرلەسىپ، قازاقستاندىق ارالاس جەكپە-جەك فەدەراتسياسىنىڭ، قازاقستاننىڭ «پەنچاك سيلات» اسكەري ونەر قاۋىمداستىعىنىڭ قولداۋىمەن ەلوردادا تۇراتىن جالعىزباستى قاريالارعا ىستىق تاماق  جەتكىزۋدى باستادى. بۇل اكتسيامەن بارلىعى 200-دەن استام جالعىزباستى ادام قامتىلادى.

ە

اكتسيانىڭ باستاماشىسى، Nomad MMA فەدەراتسياسىنىڭ پرەزيدەنتى گادجي گادجيەۆ: «وسىناۋ قيىن كەزەڭدە ءبىز حالىقتان سىرت قالا المايمىز. قازىرگى كارانتين كەزەڭى، اسىرەسە، جالعىزباستى قاريالارعا اۋىر ءتيىپ جاتىر. ولاردىڭ كوبىسى وزدەرىنە تاماق دايىنداي المايتىن جاعدايدا. ءبىز ولارعا قامقورلىق جاساۋىمىز كەرەك. ەگەر ايماقتارداعى بيزنەس-قاۋىمداستىق ءبىزدىڭ اكتسيامىزدى قولداپ، قارتتارىمىزدىڭ قامقورلىقسىز، كومەكسىز قالدىرماي، قولدارىنان كەلگەن بارلىق مۇمكىندىكتى جاسايتىن بولسا، ءبىز وعان قۋانامىز» دەپ اتاپ ءوتتى.

ە

جۇمىسقا تارتىلىپ وتىرعان كۋرەرلەر سانيتارلىق نورما-ەرەجەلەرگە سايكەس قورعانىش كوستيۋمدەرىمەن جانە باسقا دا قۇرالدارمەن قامتاماسىز ەتىلگەن.

ەستەرىڭىزگە سالا كەتەيىك، Nur Otan پارتياسىنىڭ الماتى قالالىق فيليالى، قالا اكىمدىگى جانە Nomad MMA فەدەراتسياسى 27 ناۋرىزدان باستاپ جالعىزباستى قارتتارعا تەگىن ىستىق تاماق جەتكىزۋدى ۇيىمداستىرعان بولاتىن. الماتىدا باستالعان اكتسيا قاراعاندى، اتىراۋ، كوكشەتاۋ جانە قۇلسارى (اتىراۋ وبلىسى) قالالارىندا قولداۋ تاپتى. بۇگىنگى تاڭدا كارانتين كەزەڭىندە 1500 مىڭنان استام قاريا  ىستىق تاماقپەن قامتاماسىز ەتىلۋدە.

ە

 

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار