ايماقتار • 04 ءساۋىر، 2020

جامبىل وبلىسىندا كوروناۆيرۋس جۇقتىرعاندار سانى 9 ادامعا جەتتى

346 رەتكورسەتىلدى

جامبىل وبلىسىندا كوروناۆيرۋس ينفەكتسياسىن جۇقتىرۋ بويىنشا تاعى 3 دەرەك تىركەلدى. وكىنىشكە قاراي، ىندەت جۇقتىرعاندار سانى 9 ادامعا جەتتى. وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ وسى ماسەلەگە بايلانىستى بۇگىن ارنايى بريفينگ وتكىزدى.

ءبىرىنشى ناۋقاس – اعىمداعى جىلى 17 ناۋرىز كۇنى قورداي اۋدانىنا كەلگەن نۇر-سۇلتان قالاسىنىڭ 30 جاستاعى تۇرعىنى. ول 30 ناۋرىز كۇنى جرۆي بەلگىلەرىمەن اۋرۋحاناعا جاتقىزىلعان. الىنعان قان تالداۋلارىنىڭ قورىتىندىسى كوروناۆيرۋسقا وڭ ناتيجە كورسەتكەن. ول بۇگىندە ينفەكتسيالىق ستاتسيونارعا اۋىستىرىلعان. ال، ونىمەن جاقىن بايلانىستا بولعان 9 ادام انىقتالىپ، كارانتيندىك ستاتسيونارعا ورنالاستىرىلعان. زەرتحانالىق زەرتتەۋ ءۇشىن تالداۋلار الىنعان. سونىمەن قاتار، ەكىنشى ناۋقاس بۇعان دەيىن انىقتالعان ناۋقاسپەن بايلانىستا بولعان 24 جاستاعى ازامات بولىپ شىقتى. بۇل جاعداي دا قورداي اۋدانىنان تىركەلدى. ونىمەن قارىم-قاتىناستا بولعان 5 ادام كارانتيندىك ستاتسيونارعا وقشاۋلانىپ، ولاردان زەرتتەۋگە ماتەريالدار الىنعان. سونداي-اق، مارات جۇمانقۇلوۆ سانيتارلىق-ەپيدەميالىق قىزمەتتەر ولاردىڭ تۇرعىلىقتى جانە بارعان جەرلەرى بويىنشا دا دەزينفەكتسيالىق وڭدەۋلەر جۇرگىزگەنىن ايتتى.

جامبىل وبلىسىندا تىركەلگەن توعىزىنشى دەرەك – بىشكەك-الماتى باعىتى بويىنشا جۇك تاسىمالداعان 59 جاستاعى تۇركيا ازاماتى بولىپ شىقتى. الگوريتمگە سايكەس، مەديتسينالىق قىزمەتكەرلەردىڭ ۇيلەسىمدى ارەكەتتەرىنىڭ ناتيجەسىندە ازامات قىرعىز-قازاقستان شەكاراسىنان ەنگەن ۋاقىتتا كارانتيندىك ستاتسيونارعا وقشاۋلانعان. تۇركيا ازاماتىنان الىنعان قان تالداۋلارى كوروناۆيرۋسقا وڭ ناتيجە كورسەتكەن. ونىمەن جاقىن بايلانىستا بولعان 4 ادام انىقتالىپ، كارانتينگە ورنالاستىرىلعان. بىراق، ولاردىڭ قان تالداۋلارى تەرىس ناتيجە كورسەتكەن.

 

جامبىل وبلىسى

 

   



 

 

   

 

 

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار