ايماقتار • 04 ءساۋىر، 2020

تۇركىستان وبلىسى: كوروناۆيرۋستان قايتىس بولعان - 64 جاستاعى جەتىسايلىق ازامات

853 رەتكورسەتىلدى

بۇگىنگى تاڭدا كوروناۆيرۋس جۇقتىرعاندار سانى 23-كە جەتىپ، 1 ادام قايتىس بولدى.

جەتىساي اۋدانىنىڭ 1956 جىلى تۋعان تۇرعىنى 4 ساۋىردە قايتىس بولدى. بۇل اۋداندا ىندەت جۇقتىرعاندار سانى 11-گە جەتتى، سونداي-اق، ماقتاارال اۋدانىندا – 4، كەنتاۋ قالاسىندا - 2، ارىس - 1، ورداباسى اۋدانىندا - 1، سايرام اۋدانىندا - 2  جانە سارىاعاش اۋدانىندا 1 ادام تىركەلگەن.

وبلىس اكىمى ومىرزاق شوكەەۆ توتەنشە جاعداي رەجيمىن قامتاماسىز ەتۋ جونىندەگى وبلىستىق كوميسسيا وتىرىسىندا تۇركىستان وبلىسى بويىنشا اۋدان-قالا اۋماعىندا 3 ءساۋىر مەن 17 ءساۋىر ارالىعىندا شەكتەۋ ەنگىزىلەتىنىن مالىمدەدى.

تۇرعىندار ۇيدەن تەك قانا ازىق-ت ۇلىك، ءدارى-دارمەك الۋعا نەمەسە جۇمىسقا بارۋ ءۇشىن شىعۋى كەرەك. وبلىسارالىق، اۋدانارالىق، قالاارالىق جولاۋشىلار تاسىمالى توقتاتىلدى. سونداي-اق، جۇك تاسىمالىنان باسقا تەمىرجول بايلانىسى مەن اۆتوۆوكزالدار مەن اۆتوبەكەتتەر جۇمىسى  دا توقتايدى. قوعامدىق كولىكتەر تاڭعى 6.00 مەن 20.00 ارالىعىندا جۇرەدى. 

وبلىس اۋماعىندا «بەتپەردەلىك رەجيم» ەنگىزىلەدى. ازىق-ت ۇلىك بازارلارى كۇن سايىن دەزينفەكتسيالانادى، جۇمىس رەجيمى 10.00 مەن 17.00 ارالىعىن قۇراسا، ازىق-ت ۇلىك دۇكەندەرى مەن ءدارىحانالار 9.00-20.00 ارالىعىندا جۇمىس ىستەيدى. كوپشىلىك تاماقتاناتىن ورىندار كەلۋشىلەردى قابىلداماي، تەك ۇيگە تاپسىرىس قابىلداۋ ارقىلى ساعات 8.00 مەن 20.00 ارالىعىندا جۇمىس ىستەيدى. جانار-جاعارماي قۇيۋ بەكەتتەرى، ەكىنشى دەڭگەيلى بانك، جەكە نوتاريۋستەر 10.00 مەن 16.00 ارالىعىندا قىزمەت كورسەتسە، ءسان سالونى، شەبەرحانا، كولىك جوندەۋ ورىندارى ساعات 10.00-18.00 جۇمىس رەجيمىنە كوشەدى. بۇدان بولەك، تروتۋارلاردى، جولداردى جانە ولارعا ىرگەلەس ايالداما كەشەندەرىن، جول قيىلىستارىن، سىرتقى ەلەمەنتتەردى جانە ساۋدا الاڭدارى كەستەگە سايكەس دەزينفەكتسيالانادى.

 

تۇركىستان وبلىسى

 

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

اۋىلدا سپورت كەشەنى سالىنۋدا

ايماقتار • بۇگىن، 09:28

قحل قىركۇيەكتە باستالادى

سپورت • بۇگىن، 08:09

ۇقساس جاڭالىقتار